2016年12月27日 星期二

《屍殺列車(Train To Busan)》:小人比女子更難養

講真,魔術師睇完又真係唔覺好似啲影評咁講到咁神,其實咪又係一貫喪屍片的「人性黑暗面」加困獸鬥,有啲似《28日後(28 Days Later)》加《末世列車(Snowpiercer)》,而魔術師最討厭的小屁孩的下場又唔似《80分鐘死亡續播([Rec]²)》,委實令魔術師相當不滿。

男主角徐碩宇(孔劉飾)是個沽貨唔眨眼,專吃散戶的基金經理,但實際上只是「工資奴隸」兼單親爸爸,忙到女兒的才藝表演又無去睇,同一份禮物更可以送兩次俾阿女都得:

成套戲最令魔術師討厭的就是這位小屁孩女兒(金秀安飾),由頭到尾雙目無神,好似聚唔到焦咁,就連片中的喪屍的眼神都要比佢勁:

由於小屁孩冤住老豆去探媽咪,所以基金經理便帶了阿女上了由首爾直到釜山的高鐵。忽然列車上闖進了一名被喪屍咬了的少女,喃喃自語話「知錯」,唔知代表咗乜;仲有就係有一名流浪漢也上了車,喃喃自語話「啲人死哂」,似乎是知道內情。由於魔術師未睇《屍殺前傳:首爾站》,呢兩條友是否跟前傳有關就不得而知:

火車上有新聞廣播,話全國都有暴亂,老婆婆姐妹花見之,便深信不疑,話「依而啲人少少嘢就暴動,俾着以前一定俾人拉去再教育」,盡顯世代矛盾:

少女病發,首當其衝的就是 train attendant;然後屍毒就一傳十、十傳百的爆發開去:

喪屍病毒已在全國爆發,政府將之定性為魚蛋革命,又掟磚又放火,仲捉住直升機唔放,導致大量軍民受傷,老解已出動平亂,689更多謝軍隊及時支援,並呼籲民眾携手共渡時艱:

大隻佬尹相華(馬東錫飾)與懷孕妻子成姬(鄭有美飾)是對富有正義感的夫妻,做老婆的竟然叫老公去救個三九唔識七、被喪屍襲擊的乘客甲。眾乘客逃到某卡車,小屁孩發揚大愛精神讓座給老婆婆(魔術師一向唔認為精力過盛的小屁孩是需要座位的),卻給基金經理爸爸數說了一頓,學笨土派話齋,顧掂自己就好了,邊得閒理人地呢?

列車到達中途站下車,基金經理以內幕消息跟軍人客戶作交換,要求接應;其實搞到咁大單,空倉不回就得,仲使乜要內幕料呢?去到站頭,做爸爸的仲要俾阿女鬧,話有秘密通道都唔同大家講,咁鬼自私怪唔得老婆要走佬。其實有無秘密通道都一樣,原來一眾人民子弟兵已受感染:

眾人又跌跌墥墥的走返去架列車,車長開車直奔釜山。混亂間眾人失散了。基金經理、大隻佬、和中學棒球隊男生要出發去搵返女兒、老婆、同女朋友仔珍熙。三人有如美帝隊長,智勇兼備,利用喪屍不會開門與及只有視覺(在黑暗的隧道中不能見物)和聽覺(以電話鈴聲引開其注意力)的特性去闖關,終於救出了小屁孩、成姬、老婆婆姐姐、與流浪漢四人,要到珍熙等乘客處會合:

乘客裡面有個巴士公司的COO,疑心基金經理眾人已被感染,不准開門。其實以病發速度來說,受了感染捱唔到幾分鐘,而且阿COO佢見過會講嘢會打電話的喪屍咩?最柒的地方係其他乘客都聽佢講而無人質疑:

最後大隻佬要基金經理幫佢「照顧」佢老婆,英勇戰死。開始變得唔自私的基金經理他們破門衝入COO等人的車卡,大罵COO自私冷血,卻給COO反咬一口說他們已受感染,要趕到另一車卡;都係嗰句,呢幾個人企係度咁耐都無事,即係無事喇,使乜咁大疑心?結果,由於婆婆妹妹見跟自己相依為命的姐姐已變喪屍,又不值眼前這群人的不知所謂,便打開門讓喪屍來殺個痛快:

究竟喪屍係點嚟嘅呢?就由唔知點解在證券公司好安全的同事匯報給基金經理聽:原來就係因為佢地天使投資基金旗下的核心項目其中的一間化工廠洩漏肇禍,現在就只有釜山是安全的:

去到某處,列車路軌受阻,需要轉車。一個轉折,COO將服務員和珍熙當成人盾給喪屍吃了,棒球小子亦殉情甘心被咬,列車長又因救COO而死,流浪漢為救小屁孩犧牲了自己,最後就只有基金經理、小屁孩、和孕婦成姬上了列車長臨死前已開動了的火車頭:

現在全國已沒有「人營」,只有「喪屍營」。所有喪屍發動齊心力量,想拉停火車頭,但卻給基金經理踢走:

但最後基金經理也逃不過變了喪屍卻依然忘不了要返釜山探媽媽的COO。基金經理雖然摔了COO下火車,但自己也被咬了一口,唯有交代了後事之後便跳車自盡:

火車去到釜山前的隧道停下,成姬帶着小屁孩下車。軍隊接到上頭命令格殺勿論;但這時小屁孩無端端的卻唱起才藝表演時的歌曲,軍人知道二人不是喪屍,便將她們救了下來:

***
魔術師真係唔多覺本片描述的人性黑暗面有幾咁突出,基本上好多荷里活片都已經講過;如果講自私賤格與「人性光輝」對比,甚至乎在《異集續集(Aliens)》裡,想以「懷孕」方式將異形偷運回地球的 Weyland-Yutani 公司代表跟忠於人類的機械人Bishop的對比更為強烈。劇情亦基本上估到哂,唔驚嚇亦無扭橋(只係最後COO想返屋企見阿媽的遺願比較估佢唔到),對睇慣呢類電影的魔術師只是一般水平(最大的 bug 就係喪屍無死穴,主角群根本無可能衝到出車卡)。傷民如此依哇鬼叫,可能真係哈韓哈到上腦,乜都秤先啲之過。
***
伸延閱讀:
《末世列車(Snowpiercer)》:傷港人的自我實現

26 則留言:

  1. 我都剛剛看完, 沒有想像中的驚嚇, 人性黑暗面好正常.
    但個COO真是死蠢, 走人都唔卡門, 重比喪屍追!
    最後個車長都開火車, 重要跳下來救COO, 真是講唔通.
    看來應該沒有續集.

    回覆刪除
    回覆
    1. //沒有想像中的驚嚇, 人性黑暗面好正常.

      唔知係咪港豬唔鐘意睇比較 hard core 的血肉橫飛, 呢一類販賣溫情重要有「小朋友」的中剷喪屍片會比較受落.

      //但個COO真是死蠢, 走人都唔卡門, 重比喪屍追!

      阿COO係例牌唔閂門的。

      //最後個車長都開火車, 重要跳下來救COO, 真是講唔通.

      直程係屈死個車長。

      刪除
    2. 其實是屈死男主 如果車長唔救就不會有男主被感染

      刪除
  2. 呢套又係無乜興趣,感覺上韓片如果是迎合到大眾的,都是只岩一般「懶有野的傷民」.

    我反而突然醒起一套野,絕對要推介:《生化壽屍》--

    港產片,拍攝於1998年金融風暴後傷港一片家道中落之像時,表面睇是粗製濫造之作,大部份場景取自於mtr炮台山站附近一個仆街商場(當年是出名的老翻場),非常低成本,但我識幾個睇過的人都話估唔到咁好睇,港式古惑仔笑話與劇情發展亦融合得很自然,變喪屍的前因後果亦交待得非常清楚,而且結局好sad但又和成套戲好配合...





    回覆刪除
    回覆
    1. 剛剛一搜,原來是葉偉信未成名時作品,網上正面評價不少,並且是鬼佬都認可的唯一「古惑仔大戰喪屍B級cult片」.

      刪除
    2. //感覺上韓片如果是迎合到大眾的,都是只岩一般「懶有野的傷民」.

      傷民通常又係「懶有嘢」咁「怕血腥」,「咁核突~~~」(港女mode),心靈係特別脆弱的, 又要驚又要掩住對眼睇,於是mild 的sell 下父女情之類的恐怖/驚嚇片就啱哂呢班「又要革命又怕痛」的傷民。

      //《生化壽屍》

      已add, 竟然仲有英語配音...不過我又真係對小春同李燦森無乜好感...

      https://en.wikipedia.org/wiki/Bio_Zombie
      Voice cast (English version)

      又, 剛剛清咗一隻摩摩電影節,諗緊點寫.

      刪除
  3. https://www.youtube.com/watch?v=PFFE_7pKi54&t=8s

    回覆刪除
    回覆
    1. 要挑骨頭也頗多的, 最不合理的是COO等人叫「疑似喪屍」的主角一行人去到後面的車廂;如果他們真的是喪屍的話,COO等人豈不是要被前後夾攻?

      刪除
  4. 套戲娛樂性都算ok,對人性0既描寫就真係好普通。

    //魔術師一向唔認為精力過盛的小屁孩是需要座位的

    所以我都唔明點解搭車時有大人讓座位比小屁孩。

    //由於魔術師未睇《屍殺前傳:首爾站》,呢兩條友是否跟前傳有關就不得而知:

    聽聞呢套動畫同《屍殺列車》冇乜關係,唔係前傳來的。

    又,左邊個阿婆個樣好得人驚。

    回覆刪除
    回覆
    1. //套戲娛樂性都算ok,對人性0既描寫就真係好普通。

      只係一般爆谷片,唔明點解啲影評一致讚好。

      //所以我都唔明點解搭車時有大人讓座位比小屁孩。

      所以最難養的就是「小人」。

      //左邊個阿婆個樣好得人驚。

      阿婆似係中女化老妝咁,假得嚟好膠。

      刪除
  5. 魔術師 有沒有興趣看 合資片 「危城」?

    回覆刪除
    回覆
    1. 哦, 好似幾okay, 已落 list,有拖無欠喇!

      刪除
  6. 我覺得以純娛樂片看很不錯,不會要求人性大探討。比超級豪製的荷里活機械人、飛車片好看。最欣賞它作為類型片,不再追究喪屍起因,節省時間,一入就戲肉。
    睇咗張藝謀的長城 trailer,嘩,爛到不堪。

    回覆刪除
    回覆
    1. //不會要求人性大探討。

      其實喪屍片好多時都會講人性;而且《屍殺》的「人性探討」係好多本地影評都讚好,不過可能我睇呢類片睇得多,對《屍殺》實在無乜感覺。

      //比超級豪製的荷里活機械人、飛車片好看

      《Transformers》系列 就唔係好掂,不過 《Pacific Rim》、《Mad Max》系列、同埋《狂野時速》系列又真係幾好睇架喎!

      就算以列車做背景鬥法, 除了《Snowpiercer》,仲有《The Taking of Pelham 123》同埋《Unstoppable》,呢幾套都好睇過《屍殺》。

      刪除
  7. //魔術師一向唔認為精力過盛的小屁孩是需要座位的

    同意

    唯一例外係駕車好西, 小屁孩又真係細(三歲或以下)企唔乜穩, 先有理由俾個位佢坐

    ....駕車好逼, 驚小屁孩俾人逼佐去或者逼到抖唔到氣都勉強算啦

    回覆刪除
    回覆
    1. 我經常見到細路唔係坐係個位到,而係企係個位到!
      然後我就會對眼釘實佢雙鞋踩呀踩呀!
      若然咁佢老母都唔理,就要睇佢近唔近我啦!

      刪除
    2. //唯一例外

      「佢地好細...」扮納粹都無事喇,何況只係佔座咁小事...

      //我經常見到細路唔係坐係個位到,而係企係個位到!
      //若然咁佢老母都唔理,就要睇佢近唔近我啦!

      經常係巴士見到呢啲情況,只係見過有一次阿媽會幫個死小孩抹返。

      刪除
    3. 又要拎返呢句對白出嚟....."他只是個孩子....."

      刪除
    4. 傷港人咁鍾意細路,又唔見生育率上升嘅? (其實潮爸潮媽已經多咗,不過真係一件起兩件止,生咗出嚟有得鬥威就是了).

      刪除
  8. 唔,我睇咗幾位大大的評論,似乎呢套戲得到中慘傷民的青睞,必要條件係因為唔係cult片...

    其實論講人性到位,邊套夠«saw»嚟呢,不過傷民(尤其是中慘)通常對呢類cult片(或者cult cult地,甚至無乜血腥鹽花但劇情怪怪雞雞)不太感冒,一定要用溫情(最好有個細路)做主線先受落。

    不過唔使驚,«生化壽司»已被鬼佬界定為cult片...而且我覺得格局有d似«殺出個黎明».

    回覆刪除
    回覆
    1. //似乎呢套戲得到中慘傷民的青睞,必要條件係因為唔係cult片...
      //一定要用溫情(最好有個細路)做主線先受落。

      傷民咁感性,又點接受到赤裸裸話俾你聽的人性黑暗面呢(呢一點同中剷的「王子公主happy forever」的童話故事觀一脈相承).

      //邊套夠«saw»嚟呢

      呢套係我的最愛,沒有之一.

      刪除
  9. 咁啱NOW播呢套嘢,睇完特登搵返套舊文出嚟寫埋佢...

    嚴格嚟講呢套唔系cult片,甚至不能歸類為“喪屍片”,只是一般“傳染病驚嚇片”(《戰狼2》?)。

    我只能講睇完呢套嘢,覺得韓國真系好keen on將自己既電影出口--由佢將已成類型的喪屍片,變成一套一般中慘傷民受得落仲睇到wewa鬼嘈的“行貨驚嚇片”,絕對系為出口到大眾market而做。畢竟喪屍片做到極致,都是針對niche market;反而將條蹻扭到入得屋,起碼我城可以收$6800萬,榮登我城歷來最賣座的非英語外語片...而且日光日白可以將一個高鐵站封咗拍實景(《寒戰2》都只系斷估通宵地鐵收車先拍,而且只是西營盤,都未用到金鐘呢啲大站),睇得出當地正苦對演藝工業真系好supportive。

    拍戲要出口同純粹內銷系唔同概念,以前系HBO睇過啲好local既美國片,裡面好多針對笨土既sub culture,同一般外銷既荷里活片完全唔同...當然兩者並非完全互斥,而且每個地方的電影始終在地文化是根,若好似早期合拍片咁太過遷就目標市場,亦只會兩頭唔到岸;但真系要出到口,浸”笨土味“就需要包裝過--或者呢個就系蝗祖藍所講,而家我城經常在強調”傷巷味“時,反而因為刻意(包拗頸?)唔包裝而無咗出到口既”國際味“。

    同韓國玩相反既,就系日本--日本演藝產品系從來無諗過出口的,至少製作方針從來唔系export oriented;當年日本歌同日劇在巷呆最紅時亦好難見到日本好似而家韓國咁有組織地海外行銷。我甚至懷疑而家最出到口既動畫同AV,都只是呢兩味嘢實在local做得太出色,唔覺意出到口而已。

    早論NOW睇過一套日本喪屍片(片名已經唔記得咗),唔知系唔系因為皇民獨有諗嘢方式,反而仲有啲”皇式cult"元素:例如一個生前為購物狂的女喪屍會日日流連於已成廢墟的名店遺址門外、本為高校運動健將既喪屍會日日練跳高、而最“皇味”系本為上班族既喪屍會日日早上企系度做手挽扶手坐JR返工既姿勢...講真我覺得套皇片絕對有趣過《屍殺》...

    //魔術師睇完又真係唔覺好似啲影評咁講到咁神,其實咪又係一貫喪屍片的「人性黑暗面」
    //魔術師真係唔多覺本片描述的人性黑暗面有幾咁突出
    //沒有想像中的驚嚇, 人性黑暗面好正常
    //對人性0既描寫就真係好普通

    True。只是人性ABC而已。

    //成套戲最令魔術師討厭的就是這位小屁孩女兒

    回覆刪除
    回覆
    1. //成套戲最令魔術師討厭的就是這位小屁孩女兒

      我對呢個角色基本無感,談不上喜歡或討厭。

      //三人有如美帝隊長,智勇兼備,利用喪屍不會開門與及只有視覺(在黑暗的隧道中不能見物)和聽覺(以電話鈴聲引開其注意力)的特性去闖關

      呢段我覺得是全套戲唯一亮點。

      //《生化壽屍》

      睇完《屍殺》更肯定--《生化》好睇多多聲 XD

      刪除
    2. 搵返啦,系呢套!可以入list做比較.

      https://www.youtube.com/watch?v=YSRZeWKLsdE

      刪除
    3. //“傳染病驚嚇片”

      正經點說,我覺得若干年前以沙士為藍本的《世紀戰疫(Contagion)》仲好睇啲。

      //變成一套一般中慘傷民受得落仲睇到wewa鬼嘈的“行貨驚嚇片”,絕對系為出口到大眾market而做。

      中慘傷民呢種「怕痕又怕痛」的心態,由政治到投資到電影到子女教育,基本上係隨處可見。

      //畢竟喪屍片做到極致,都是針對niche market;反而將條蹻扭到入得屋

      Cult 片中文叫「邪典電影」,基本上唔賣「賣世價值」的賬,所以「易入屋」的,都不能算是 cult 片吧。
      雖然不是喪屍片,但《人獸戰(Feast)》一系列三集,夠哂 bad taste,我覺得都算是 cult 片之一。

      //日光日白可以將一個高鐵站封咗拍實景
      //睇得出當地正苦對演藝工業真系好supportive。

      D,我即刻聯想到戲子陳手指指話要逐吋驗下我城個膠鐵站睇下啲「邊界」有無劃過界。有時電影業呢類嘢,正苦 support 當然緊要,但都要「制衡正苦」的「政工作者」唔好玩嘢至得...又奈何我城呢班「政工作者」有大把港豬民意支持。

      //以前系HBO睇過啲好local既美國片,裡面好多針對笨土既sub culture

      我好怕啲西片笑片賣弄 sub culture,真係睇完唔識笑,好鬼無癮(可能同蝗民睇屎尿屁港慘片的感覺一樣)。

      //日本演藝產品系從來無諗過出口的,至少製作方針從來唔系export oriented

      演藝產品重點係文化同語言,呢兩樣嘢皇國跟世界係比較難接到軌(相反電子消費產品品牌如 Sony, Nikon, Canon 等都是國際品牌);而且皇民對美帝的包容性強,入口易過外銷。例如搵 Scarlett Johansson 演《攻殼機動隊(Ghost in the Shell)》就絕對無違和感;以前我寫過嘅《魔剎(Monster)》的故事更全是發生發生在歐洲...只能夠話皇國的動漫小說作家的國際視野比我城呢班所謂「創作人」高得太多,又或者話,在我城要「淪為」搞「創作」的人,已是「低端人口」,肚裡墨水有限過有限公司。

      //我甚至懷疑而家最出到口既動畫同AV,都只是呢兩味嘢實在local做得太出色,唔覺意出到口而已。

      動畫頭先講咗,至於AV...人地都有黑人系的東東。

      //但真系要出到口,浸”笨土味“就需要包裝過--或者呢個就系蝗祖藍所講,而家我城經常在強調”傷巷味“時,反而因為刻意(包拗頸?)唔包裝而無咗出到口既”國際味“。

      我城笨土的重點是「閉關鎖國」,即係班有青成口講的「我地要理自己都理唔掂,無時間心力去關心別人」,所以我城笨土係「不入口,不出口」的,只係一池死水,塘水滾塘魚。皇國之所以能成為我城中慘的「第二家園」,就係能夠吸引到呢班港豬心甘情願咁去「朝聖」:例如日本食物,只要出口少少就夠引到唔少遊客慕名而來;當然重點都係要質素好,而且食物要新鮮製作才好味。再睇返我城,有邊啲產業可以打響名堂叫人家來朝聖?唔通係「笨土粗口」?

      //睇完《屍殺》更肯定--《生化》好睇多多聲 XD

      即時諗起柴娃娃港慘片《今晚打喪屍》


      //講真我覺得套皇片絕對有趣過《屍殺》...
      //《喪屍末日戰》(I Am a Hero)

      已 add,其實都係動畫改篇。

      刪除