2017年1月1日 星期日

虛擬雙龍閃長倉(2014—16)

雙龍閃者,其實即係期權策略中的勒束式(strangle)或馬鞍式(straddle)的暱稱。其實期權來來去去都係得一招為基本,其他招式策略都係從此衍化出來:好似勒束式同馬鞍式,分別只係 strike price 是不是同一點,咁又無端端分兩個名出嚟記,實在是攞嚟搞。
不過又咁講,對港豬們來說,有個招式名始終係「踏實」啲(好似考試一定要有 marking scheme 咁),死記硬背就最啱(所以話港豬大有做岳不群徒弟的材料)。最佳例子就好似乜 sir的「債基疊增」,明眼人一睇就知係以債基做孖展,不停咁按落去(見70s《什麼是債基疊增?高息回報攪咩葫蘆賣咩藥?》;另外,留言「齋買債券無除淨,但債基有。」的理解恐怕有誤:以一般有贖回日的債券(非永續債)來說,派一次息,其 cashflow 就會少一次,呢個就係債劵的「除淨」,具體體現在債價愈接近到期日愈趨向100。),難得又貪又蠢的港豬紛紛科水聽乜 sir 講。 
話說乜 sir 最近除咗推出同689無關的ABC債基套餐方案,方便港豬認購之外(要做孖展何不用 Interactive Brokers(IBKR.NASD),以魔術師無責任估計,睇怕港豬們除了俾學費之外,經乜sir做套餐,有人應該會過水濕下腳...);仲學歌星開演唱會咁「開四面台」,early bird 俾學費的有得坐 zone A 可以面對住乜 sir 副尊容,而 latecomers 就只能坐 zone B 望其項背,認真搞笑。
題外話講完,言歸正傳。
以下係2014—16年模擬雙龍閃長倉與期指長倉的比較:
1. 雙龍閃長倉:在本月期指結算日買入下月雙龍閃長倉。如期指開市價較接近某恆指期權 strike price,則做 straddle 長倉(例如期指開市價為21,590,則買入21,600 call 同 put);如期指開市價靠近兩個恆指期權的 strike prices 的中間 ,則做 strangle(例如期指開市價為21,480,則買入21,600 call 同 21,400 put),期權金以開市價計算,並一直持有直至結算。
2. 期指長倉:在本月期指結算日以開市價買入下月期指,並一直持有直至結算。

總結,三年下來,期指長倉共輸894點,而雙龍閃長倉則贏6,137點。看來有些閒錢的話,以細期玩下無傷大雅都唔錯。
***
伸延閱讀:
70s:什麼是債基疊增?高息回報攪咩葫蘆賣咩藥?
憶苦思甜「雙龍閃」

28 則留言:

  1. 有趣有趣,多謝sharing, 好似少少地閒錢玩下都ok. 順祝魔術師新年快樂.

    回覆刪除
  2. ABC 餐應指是不同債基或抵押程度不同吧.

    這個世界, 好多不是明眼人但亦不代表港豬(好多財經BLOGGER能一眼看穿, 無財務底子的, 更多人看不穿), 每人專長有異, 至少GOOGLE 幫手下, 不是明眼人的也可知個大概.

    複雜地準確, 可能不如顯淺易明的大約. 每人專長不同, 港女只係識"學人咁樣扮靚"也可能是個優點, 至少想扮下型時, 問下佢地意見, 合下大眾口味也不錯.

    2017 到了, 祝身體健康.

    回覆刪除
    回覆
    1. //ABC 餐應指是不同債基或抵押程度不同吧.

      正解.

      //好多不是明眼人但亦不代表港豬
      //無財務底子的, 更多人看不穿
      //每人專長有異

      沒有「精明眼」, 沒有財經底子, 不是這個專長, 卻又蠢又貪, 連Google也不願, 反而肯科水俾乜sir「有償伸手」, 不給乜sir當豬劏,也會給另一些「強者」吃掉. 投資班ABC餐此等懶人包正合了那些只求「淺顯易明」的layman的口味, 叫港豬乖乖的奉上金錢, 當然也是乜sir的marketing 強項.

      //至少GOOGLE 幫手下, 不是明眼人的也可知個大概.

      幫人當然係好事, 積福俾自己, 也可以留給下一代.

      //複雜地準確, 可能不如顯淺易明的大約.

      「複雜地準確」和「淺易明的大約」各有好處,不能說誰比誰強. 魔鬼在細節中,好多嘢你唔drill into details就會中伏, 但所花時間亦是機會成本, 科學精神也是要代價的, 需要取得均衡;「淺易明的大約」適合大部份layman,就我工作上所見,絕大部份 marketing 人都係 layman, 不需要「太正確」的資訊, 用佢地的 layman 角度 sell 返嘢俾 layman 係有着數的, 做個差不多先生也不壊, 始終在這個世界, 大部份都是得過且過, 無甚專長/識見的人(或豬)吧.

      又例如雷曼債劵, 一些「有專長」的人將details隱去了, 賣給一些「無財經底子」但又貪心想tap into the market 的 layman; 結果後者出事中了伏, 我覺得也不能怪人, 係那些所謂「苦主」自己差不多先生不求甚解在先而已.

      //港女只係識"學人咁樣扮靚"也可能是個優點
      //合下大眾口味也不錯.

      如果你要sell 嘢的, 就要合乎大眾口味喇, 好似乜sir的marketing skill 咁,又例如我最近又知道某「舊識」似乎又「泊到好碼頭」,以色侍人的, 當然又要「合乎買家口味」了; 否則, 我行我素, 走自己的路, 隨心所至, 也是無傷大雅的.

      //2017 到了, 祝身體健康.

      大家咁話,也祝70s兄生意興隆,子女聽教聽話.

      刪除
  3. 其實除左阿L Sir之外,坊間亦有其他財務大屍在崛起中。

    我的一名友人近排上咗哋買樓course,導師經常洗腦叫學員去睇樓。而我友人最終亦落訂入咗間深水埗的一房單位,打算出租。唉,只能説百家應百貨啦!

    順祝魔術師兄新年快樂、凡事稱心如意^^



    回覆刪除
    回覆
    1. 學正苦話齋,納米樓比較難轉手,我一直覺得佢地嘅命運會似鑽石形廳。你朋友不會在一房樓再間劏房吧?

      至於 attention to details 定係 只需要淺顯地明白個大概,基本上只是個人喜好。當然每事要 drill into details,對當事人的要求會高得多,學習能力理解能力時間投入等缺一不可;淺顯地明白,甚至有些錯誤也無妨,適合普羅大眾(就算有能力,也未必有時間投入去了解,寧願選擇做個layman的,有critical thinking 不會被騙就可以了)。所以投資班便應運而生,給那些不懂但又想了解的人,這種人在知和不知之間,就最易被人 sell。

      也祝春花新年快樂!

      刪除
  4. 魔術師兄, 祝你新一年雙龍閃再創佳績, 生活安康.😆

    回覆刪除
  5. 魔術師兄新年快樂。紙上實驗左三年,師兄會否在來年三月分配部份金錢去落場打真軍?

    回覆刪除
  6. //至於 attention to details 定係 只需要淺顯地明白個大概

    我覺得最緊要用attention to details去拆個基本原理,拆到後萬變不離其宗就可以用顯淺角度分析。

    例如我最記得星島個陸羽仁曾經詳細分析過,得出結論:所有“某標的在某價位以內,對家就派息俾你,一跌出某價位你就要用該價位接貨”的所謂“高息存款”其實內裡就系期權,所謂派息就是銀行支付給你的期權金...咁我睇完佢詳細解釋,去銀行睇到什麼與某標的(通常是股票或外匯)掛鉤的存款,不用詳細分析都可以置之不理.

    最抵死系陸羽仁話試過銀行sell佢時,佢反問返不如同一個package terms,我同銀行角色互易嚟做得唔得...銀行無死錯人,梗系唔制啦!

    //以色侍人的, 當然又要「合乎買家口味」了; 否則, 我行我素, 走自己的路, 隨心所至, 也是無傷大雅的.

    百貨應百客,將“自己”做到極致,總會回應到某些市場需要的;最差是父子騎驢左搖右擺,就真系乜市場需求都適應唔到了.

    回覆刪除
    回覆
    1. //我覺得最緊要用attention to details去拆個基本原理,拆到後萬變不離其宗就可以用顯淺角度分析。

      所以獨孤九劍的總綱訣係極度複雜, 但練到最後由繁入簡就可以完全唔用,金庸咁樣寫法真係非常之有深意.

      //用詳細分析都可以置之不理.
      //最抵死系陸羽仁話試過銀行sell佢時,佢反問返不如同一個package terms,我同銀行角色互易嚟做得唔得...銀行無死錯人,梗系唔制啦!

      你有興趣的項目, 自然就有心機鑽研落去, 投資如是, 踢波, 健身, 拍電影亦如是. 你得只需要知道皮毛基本,不用花時間投入的, 就是對你的重要性不大, 僅此而已...奈何港豬很想投資搵錢, 但又無心機研究, 就連懶人包式買ETF都不願, 反而進貢給乜sir 之類, 果然是「教人發達的會發達」.

      //百貨應百客,將“自己”做到極致,總會回應到某些市場需要的;最差是父子騎驢左搖右擺,就真系乜市場需求都適應唔到了.

      隨時做啄地個marketing sense都好過班笨土有青.

      刪除
  7. 一見乜Sir個一堂要成四千幾銀, 實在很驚嚇, 仲要如果真係賣得出, 俾錢既人唔知佢諗咩, 哈哈:D

    回覆刪除
    回覆
    1. 「有償伸手」,買個安心, 收得咁貴, 梗係堅料 (其實阿乜sir sell 埋咁多嘢, 應該會有「額外收入」添).

      刪除
    2. 大賭李+X賣賭波料都收五叉野啦 XD

      刪除
    3. 哈哈。池某都冇出過料,你咁盲目就話信?

      刪除
    4. 見到留言多(學生多)就信架喇!

      刪除
  8. 即食心態遇上被動收入,的確吸引。

    回覆刪除
    回覆
    1. 小財唔出大財唔入,相金先惠格外留神,盛惠$4840大元.

      刪除
  9. 玩期指?魔魔真係好勁.

    另外, 想問下關於IB嘅嘢, 可否電郵你? 希望唔太麻煩到你. 先謝謝你.

    回覆刪除
    回覆
    1. //玩期指?魔魔真係好勁.

      係期權. 期指期權我收咗山好耐,依家只係paper trade過下日晨而已.

      //另外, 想問下關於IB嘅嘢, 可否電郵你?

      當然可以,不用客氣,不麻煩的. General query 如不介意我會貼出來分享, 關於個人的就私郵聯絡.

      刪除
  10. // B區: 背向乜sir、有近距離用40″電視展示powerpoint的位置: 有位

    收兩三個學生就夠買部60"啦, 慳得佢丫

    回覆刪除
    回覆
    1. //收兩三個學生就夠買部60"啦, 慳得佢丫

      「地方淺窄」...又唔知乜sir使唔使領學校牌, 課室要乎合消防規定?

      刪除
  11. 魔術師兄既雙龍閃幫左森而唔少,好值得研究同學習,謝謝!

    哎呀!唔記得交學費添!:P

    回覆刪除
  12. 請問假設當期指26,000, 買call put成本共100, 全部到期時期指為25,000, 結果put贏950, call 輸50, 期指輸1000, 總數輸100, 這樣計算對嗎?
    只有結算期指是升的才會有賺?

    回覆刪除
    回覆
    1. //買call put成本共100

      你只係用100點買了1張 26000Call 及 26000Put,都無做到期指長倉,黠解又會有「期指輸1000」?
      結算:call win 950, put lose 50 => Net win 900.

      我個表係either or 的 comparison (either 雙龍閃長個倉,or 淨期指長倉),唔係一整個portfolio 來的。

      刪除