強積金「懶人包」

話說由於實在太多港豬（據官方報道話有７０萬個帳戶）對自己筆強積金採取愛理不理的態度，所以積金局又有新搞作，就係阿茂整餅搞個「預設投資策略（Default Investment Strategy, DIS）」，或俗稱「懶人基金」（應該是「懶人策略」才對吧？）出來：如果打工仔並未對強積金受託人（供應商、基金公司）落 order 主動做投資決定的話，咁在２０１７年４月開始便由受託人（供應商、基金公司）幫你打骰，按工仔的年齡自動調較資產配置。所謂的「策略」其實一啲都唔複雜，就係年輕時高風險投資，多啲股票少啲債劵；然後隨年齡增加就愈來愈少股票，愈來愈多債券等老掉牙的手法；當然魔術師對呢種想法不敢苟同（見舊文《青春無敵輸得起？》及《簡易數學（七）之愛因斯坦沒告訴你的事：複利的威力》）：


「預設投資策略」的詳情魔術師就不再花篇幅去寫了，大家只要去各強積金受託人（供應商、基金公司）或是積金局官網便可以暸解。
基本上，每個打工仔都會有（或有可能有）兩種賬戶：
１. 供款賬戶
２. 個人賬戶：從以往工作職位遺留下來的「前供款賬戶」
但即使是個人賬戶，打工仔也可以選擇自願供款或強積金半自由行，把資產存入去以往用開的強積金公司，所以無論是個人賬戶抑或是供款帳戶，同一個帳戶，款項也有兩類：
１. 未來供款
２. 累算權益：即是以往供款所買入的資產（基金單位）
而同一筆款項就有「曾下達過投資選擇」或「沒有下達過投資選擇」兩種可能性。
一共８個 cases，都幾複雜。
其中比較有趣的是呢一個 case：

（圖片來源：積金局於2016年12月12日舉行的新聞發布會　投影片）

如果打工仔係將新資金存入個人賬戶，而該個人賬戶又未曾有過任何投資指示的話，咁又會自然去咗 DIS。
點解魔術師咁有興趣去研究？畢竟魔術師一定不會是將強積金丟在一旁唔去理的人。其實主要原因就係最近收到暈梨寄來的「懶人基金懶人包」，魔術師的 attentive to details 職業病又發作，將份文年由頭睇到尾之故：

（圖片來源：宏利環球精選(強積金)計劃 - 重要通知（致參與計劃成員）（retrieved on 28 Jan 2017））

魔術師在暈梨持有強積金個人賬戶，係由年前被舊公司分手後的兼職工作而來，現已停止供款，並在年來的資產配置在股（恆指基金、健康護理基金）債（我城債券）基金中「轉來轉去」，累算權益一定不會受ＤＩＳ影響。
但原來魔術師的預設投資為恆指基金，一直都沒有改變過，根據上圖例二「基金Ａ」（對魔術師來說就是恆指基金）的例子，魔術師在暈梨個人賬戶的未來供款（自願供款或強積金半自由行，轉咗工又用返暈梨應該唔算因為到時會用返「供款賬戶」）就有可能自動跟咗「懶人策略」了。
＊＊＊
再睇下現時任職的公司用緊嘅大貓，佢地係咁寫嘅：

（圖片來源：匯豈強積金：「預設投資策略」— 常見受影響成員例子（retrieved on 28 Jan 2017））

魔術師用緊的是供款賬戶，同時也會將累算權益「轉來轉去」做資產配置，一定不會受ＤＩＳ影響；而未來供款的投資選擇亦係恆指基金，同樣亦不會受ＤＩＳ影響。
咁如果轉職，由供款賬戶變個人賬戶，即係好似暈梨個 case 咁呢？
睇返條 path 畫鬼腳：
１. 您於2017年4月1日前已年屆60歲?
否
２. 您的滙豐強積金賬戶是否一個個人賬戶?
是
３. 您是否有為您的強積金個人賬戶作出過任何投資選擇?
如果好似暈梨咁，會轉來轉去的話，答案是「是」，便不會受ＤＩＳ影響。
如果未曾有任何轉換而答「否」的話，
４. 您是否有為您之前的強積金供款賬戶作出過任何投資選擇?
是
５. 您是否有為此強積金個人賬戶轉入任何累算權益?
呢條問題就睇唔明嘞，既然有「以前的供款賬戶」，乜唔係就已經意味着呢個個人賬戶係由供款賬戶的累算權益轉入來的嗎？諗唔明點樣先會答「否」，即「未來供款」會去咗懶人策略。
既然一定答「是」，咁就不會受ＤＩＳ影響。
大貓答案同暈梨有些差別。
＊＊＊
點都好喇，官方答案就更神：

（圖片來源：強制性公積金計劃管理局 預設投資策略記者會 重點 2016年12月12日）

咁簡單就講完，點解大貓同暈梨要寫咁多嘢，少啲心血都睇唔掂！
＊＊＊
伸延閱讀：
積金局：強積金預設投資策略明年4月1日推出　受託人今起向所有計劃成員發出通知書（2016年12月12日）
匯豐強積金：預設投資策略
簡易數學（七）之愛因斯坦沒告訴你的事：複利的威力
青春無敵輸得起？