2017年2月8日 星期三

跟領嘢大西人抬槓

從C嬸的FB看見呢篇文章,實在忍唔住要評論一下,希望唔好俾網友以為魔術師大蝦細!
【來稿】新界西大學生的苦衷:朋友間都會Long-d,嚴重起來會分手
撰文: 來稿文章 發佈日期: 2017-01-17 20:40 最後更新日期: 2017-01-19 12:37
作為一個土生土長的九龍人,朋友圈子的核心範圍基本上都在九龍。直到我study abroad,移民左新界⋯⋯西大學,一夜之間,我好似冇哂朋友咁。
撰文:新界最西人

小學:隔籬村的同學
那些年,仍未有「贏在起跑線」此等高階哲理,阿媽說最重要是起跑線和終點近。於是,我們三姊弟都讀屋邨小學。因為學校在家對面,由出門至達陣只不過是3分鐘。作為一個小學生,冬天與床纏綿至7點55分才起身,5分鐘梳洗,8時05分,宣佈勝利。3分鐘的距離,我覺得我已經是人生贏家。
當時世界還是很公平,人生贏家不只我一個。我住在小學的對面,阿A住在小學左邊,阿B住斜對面。阿C住我樓下,阿D住同一幢樓的二樓,反正,那個時候,去最遠那個朋友家,不過是隔壁邨,10分鐘。小學時代,我們記住的是朋友住咩樓咩室。
中學:隔籬站的朋友
後來升讀地區中學,朋友圈子由一條邨擴展至同一條地鐵線距離,隔籬邨變隔籬站。那時,多了一個樂趣,與同站的朋友孖公仔般返學放學。我們記住的是朋友咩站等車,咩站落車。當時,聽說有個同學住東涌,我們每天都為他哀悼。直到大學,我先知什麼是「天外有天」,因為我入咗最西的大學讀書,係呀,近期好Hit個新界西呀,想知新界西民族,每天如何在屯門公路與西鐵之間的掙扎,詳情請看「新界西人絕對係一群堅毅嘅物種​」。
大學:隔.離
而我要說的是朋友之間Long-D的故事。對,朋友也有Long-D,嚴重起來也可「分手」。開展三年新界西大學住宿生活後,舊朋友說了一句:「你好似消失咗。」
幾年後,我回想,什麼時候有些老友愈走愈遠,有些老死即使半年不見,一見面送你一句「喂,你又肥咗。」就知他們如最初,幾遠都係一世。我發現,入讀新界西大學,其一好處係,你知道邊啲係forever friends。
放低嘅唔係一餐飯時間,係一晚。
下次下次⋯⋯大概可以⋯⋯
做了半個新界西人,不用戴錶,忽然,做人很有時間觀念。每次約朋友,你都會計一計--朋友約七時九龍吃飯,你開始運算:要七時達陣,必須5時30分出發,哎呀,中間撞正放工浪潮,要再早一點出門,要5點落堂才可以⋯⋯今堂好像有幾組同學要Present、又或者今堂是長氣老師、個課室又冇人用,一定會不停「講埋兩句」,一定遲到啦!又或者你會話:「今晚好趕呀,下次啦!」
下次下次,朋友會說做人不要輕易放棄,那我們約八點就可以啦。你唔明新西界人來回的陣痛。屯門出嚟唔算長佂,而我說的是「來回」,來回才是長征。
朋友慣常一句「忙,都要食飯㗎!」第一次聽到這話,我深感認同,欣然赴約,「朋友是要見的。」試過一次,內心小劇場便出現:「係呀,忙都要放低個Project,食個飯。」但你很快便會做「灰姑娘」--「心灰」的姑娘:來回三小時多,坐下傾兩句才只有一小時,於是你只好黯然道:「我放低嘅唔係一餐飯時間,係一晚。」
周末好友見面要排期
新界人永遠參與不了一場遊戲叫「即興」,一個星期一次的「周末檔期」要一早度好。平日返學,星期六就會「思鄉」--九龍,對於平日買$28.9有9包出前一丁做午餐的新界西大學生,會產生對住家飯的殷切渴望,所以星期六必定留給家人。於是,只剩下一個星期日,朋友圈ABCD都想約。為了信義,唯有實行「先得先得,派完即止」的原則,只見最先約好的老友。有時,周末忙莊務忙Project留在宿舍,又要再等五日才可出城。14日不見即隔半月,老友覺得「約你都要排期咁」。
問我有沒有 確實也沒有一直躲避的藉口 非甚麼大仇 為何舊知己在最後變不到老友
《最佳損友》歌詞
《秒速5厘米》現實版
「不如你入嚟屯門食個飯?」老友說「好遠呀!」。我想起《秒速5厘米》,男女主角本是鄰居,搬家後相距2小時車程,再後來搬至相距1600公里,共24小時車程,相隔十三年偶遇,已各有各生活。那時我想不透,究竟是距離遠,還是時間遠,所以他們才愈走愈遠?
即使由天水圍至柴灣的距離不過是50公里,我依然想不透,是屯門和九龍港島之間遠,還是那來回三小時遠?後來,我學懂一個詞語「生活距離」。老友大多從未踏足過屯門,包括我自己,可能他們實際連屯門喺邊都唔知,我只好答:「比天水圍再入啲呀,可能我畢業禮你先會入嚟。」當初一句戲言,最終成真。
1. 作為一個土生土長的九龍人,朋友圈子的核心範圍基本上都在九龍。直到我study abroad,移民左新界⋯⋯西大學,一夜之間,我好似冇哂朋友咁。
領嘢大之馬!有本事使乜希罕去讀呢個學位?朋友梗係「重要」過呢間「野X(為免與今年生肖相沖,避諱)」喇!
2. 我們三姊弟都讀屋邨小學。因為學校在家對面,由出門至達陣只不過是3分鐘。...後來升讀地區中學,朋友圈子由一條邨擴展至同一條地鐵線距離,隔籬邨變隔籬站。
魔術師小學和中學時都係讀屋邨學校。當年屋邨又點會有怪獸家長?好多同學都係自行返學放學。記得魔術師直到小三,有時老父或者老媽都會湊返學放學,結果就俾同學仔笑。以前的小孩鬥獨立,依家的小孩卻鬥「港孩」,時代果然係「進步」的。
3. 開展三年新界西大學住宿生活後,舊朋友說了一句:「你好似消失咗。」
物以類聚,人以群分。唔知呢位「新界最西人」有無朋友讀到鄉大?如果有,都一樣可以「好似消失咗」,毌需大驚小怪。
4. 做了半個新界西人,不用戴錶,忽然,做人很有時間觀念。
有時間觀念,究竟係一件好事定係壞事?
5. 今堂好像有幾組同學要Present、又或者今堂是長氣老師、個課室又冇人用,一定會不停「講埋兩句」,一定遲到啦!
對現在的「大學生」來說,有乜嘢堂係唔可以走?
6. 屯門出嚟唔算長佂,而我說的是「來回」,來回才是長征。
大把人都係咁樣返工放工,慣咗就唔辛苦,端看你懂不懂得利用時間 — 魔術師的那些學位和專業資格,就係在巴士旅程上讀回來的。住得「遠」最好就係搭公共交通工具:如果你揸車,一塞車你就要「陪塞」,無聊但又要打醒精神,不如巴士乘客一樣可以大覺訓;就算交通暢順,你揸車早返到屋企,多出來的時間很可能便用來看電視、上網、打機等,反而沒有「有公交車上溫習」那麼有效率。
7. 來回三小時多,坐下傾兩句才只有一小時,於是你只好黯然道:「我放低嘅唔係一餐飯時間,係一晚。」
屯門去邊度要「來回三小時多」?魔術師返中環上班都只係一個鐘而已。就算真係要三個小時,但你會對珍惜時間有更深刻的體會,跟豬朋狗友吹水真係咁重要咩?哎,差啲唔記得,識得衡量「豬朋狗友」的重要性的話,就不會「淪落」到去讀領嘢大了。
8. 新界人永遠參與不了一場遊戲叫「即興」,一個星期一次的「周末檔期」要一早度好。
有 planning 係一件好事。有機會俾你住屯門,可以訓練到你做人 well organised 一啲,你應該感恩。
9. 有時,周末忙莊務忙Project留在宿舍,又要再等五日才可出城。14日不見即隔半月,老友覺得「約你都要排期咁」。
除非你係讀食屎大或者保你大,讀其他大學住宿舍唔多唔少都會「與世隔絕」:乜唔係話宿堂生活先係大學生活中最精彩的部份咩?
10. 「不如你入嚟屯門食個飯?」老友說「好遠呀!」
如果班豬朋狗友係「真朋友」的話,點解唔拉大隊入嚟屯門玩?就算去領嘢大,屯門有港鐵(00066.HK)站可轉接駁巴士,屯門公路又有九巴轉車站,交通點算唔方便?
11. 「比天水圍再入啲呀,可能我畢業禮你先會入嚟。」
領嘢大幾時係「比天水圍再入啲」?又,就算係天水圍,又好失禮你咩?即係咁,如果住新界係咁難為班有為青年的話,特衰正苦再「開發XXX」覓地建居屋都唔能夠解決到住屋問題;有青為了「豬朋狗友」,唯一的出路,就係 deemed to be 住劏房了!


(圖片來源:中原地產,retrived on 8 Feb 2017)
***
本來諗住將嗰篇《新界西人絕對係一群堅毅嘅物種​》放做伸延閱讀就算;不過睇咗一陣,又忍唔住要繼續抬槓,留待明日再續!

36 則留言:

  1. 睇到都唔知好嬲定好笑......呢d新界西人/新人類講到好似世界末日咁 , 仲非常的[ 理直氣壯]... 唉 ,出多d呢d 大學生 , 香港有福了. 或許他們不知道,讀大學有宿舍是幸運中的幸運 , 他們也不知道幾十年前, 當全港只有一間, 到後來兩間的時候 , 那些前輩是怎樣活過來的.

    或許他/她們以為外國的大學一般都係[ 梗有一間在左近], 也一定有埋宿舍等佢住....他/她們肯定未嚐過周末冇公車出城, 大學城會變死城 , [與世隔絕]的情況.

    50後60前的一輩常說這一代是溫室花草地堅離地, 信焉.

    有著這一代, 再延續下一代, 故鄉, 甚至故國有運行?....至奇.

    R. L.

    回覆刪除
    回覆
    1. //或許他們不知道,讀大學有宿舍是幸運中的幸運 , 他們也不知道幾十年前, 當全港只有一間, 到後來兩間的時候 , 那些前輩是怎樣活過來的.

      同手機唔同, 我覺得就算係依家,宿舍依然屬於「稀有物品」, 有得住應該「感恩」才對.

      //50後60前的一輩常說這一代是溫室花草地堅離地, 信焉.

      新一代會話「依家個時代唔同咗」...

      刪除
    2. 莫講話外國,佢哋經常恥笑嘅支那憤青穿州過省一年見父母一兩次。呢啲小事都好意思囉嚟講真笑死人。

      刪除
    3. //佢哋經常恥笑嘅支那憤青穿州過省一年見父母一兩次。

      你呢句又令我諗起一件事...下一篇寫...

      刪除
  2. 呢個世界有電腦 , 有微信, 有4G手提, 仲唔夠 ? 你/妳都唔諗吓六/七十年代[中大] 班老前輩住響[荒山野嶺], 一到周末[求救無門] ?
    睇完唔發火X新界西的, 稀矣. 唉~~~呢d [有為青年] , 唔怪得未上大學就已諗到上[時代] , 上咗大學就諗住點月入六位數字, 畢咗業就日日夜夜想點朴~~~果然是香江精英.
    R.L.

    回覆刪除
    回覆
    1. //呢d [有為青年] , 唔怪得未上大學就已諗到上[時代] , 上咗大學就諗住點月入六位數字

      因為班有青都是被時代選中的嘛!

      //畢咗業就日日夜夜想點朴~~~果然是香江精英.

      人地用咗幾萬去表達扑嘢的意願.

      //當「朋友話我小朋友未去過日本好可憐」都出現, 無好好教育下一代就會一直惡性循環落去.....

      可能班潮爸潮媽唔覺得有問題呢!

      刪除
    2. // 上咗大學就諗住點月入六位數字

      係唔使做都有六位數字....

      刪除
  3. 時下唔少人同枱食飯,各自分神督mon, 新界最西人咁重視朋友相聚,應該唔係呢類人,都是一個優點。

    Teddy

    回覆刪除
    回覆
    1. 可能聚埋一齊霸住麥當當幾個位一齊打機 XD

      刪除
  4. 潮文既野, 睇完笑笑就算, 唔好咁上心

    回覆刪除
  5. 屯門都叫做好遠,佢真喺大鄉里。嘻嘻!

    回覆刪除
  6. “與床纏綿至7點55分才起身”~

    呢句有哋令人想入非非喎XD 攰就正經瞓下覺啦,唔好搞咁多嘢!

    回覆刪除
    回覆
    1. //唔好搞咁多嘢

      呢句一樣令人想入非非! XD

      刪除
  7. 潮文多數都係誇張嘩眾取寵架啦,睇咗咪笑下囉,不需太認真。

    回覆刪除
    回覆
    1. 我係會好認真地笑佢地的。

      刪除
    2. 點解又對蝗共憤青取笑批評傷港嘅文又咁上心扯火認真呢,人哋都可能喺潮文啫。港孩果然心靈脆弱,唔話得,比方丈更玻璃心。

      刪除
    3. 笑下? 真係笑唔出.
      成棚人, 咁大個仔, 仲係度呻吟. 講咁多, 仲要媽媽抱抱, 姐姐鍚鍚?! DIU....

      刪除
    4. //點解又對蝗共憤青取笑批評傷港嘅文又咁上心扯火認真呢

      野蠻人無資格恥笑文明人!

      //仲要媽媽抱抱, 姐姐鍚鍚?! DIU....

      仲要將隻手放係人地心口.

      刪除
  8. 新過下嘅新界西移民嘅我嚟啦! XD XD
    即興去踩單車、BBQ 不知幾方面!又近咩有機農場。
    錦上路站出維園 9 個字咋!

    1. 好多人鐘意問我,加拿大住係咪好悶㗎?如果你用香港生活方式整套搬過去北美生活,當然唔可能適應。如果唔係北美文化就同香港文化一模一樣啦!同樣地,硬要求新界完全套用九龍生活方式,硬要求自己一個住完全套同父母住嘅習慣,點睇都係唔實際啦!

    2. 朋友嘅定義係咩呢?我好多朋友直頭住海外喎!成年冇食過飯喎!係咪就唔係朋友啦?果啲唔適互相體量嘅小學雞,算吧啦!少一個,少無謂應酬。想我 entertain 你呀?好貴㗎! XD

    肥B://朋友話我小朋友未去過日本好可憐//
    問下佢地知唔知牛有幾個胄呀?蕃茄係生果定蔬菜呀?答唔到就可以話「小朋友咁都唔識好可憐啊!」

    飯來張口
    衣來伸手
    畢業要買樓
    做嘢得把口
    聽佢哋啲牙痛文,真係唔知好笑定好徙精神。

    回覆刪除
    回覆
    1. //C嬸: 蕃茄係生果定蔬菜呀?

      問過阿女,佢話「西紅柿是『蔬菜類』,爸爸,水果也是『蔬菜類』啊,你那麼笨的!」

      刪除
    2. 咁我真係唔知點譯 vegetables 嘞!
      我會話 fruits 同 vegetables 都係 plants (我會譯植物)。
      簡單而言,有 seeds 就叫 fruits。
      http://www.mayoclinic.org/healthy-lifestyle/nutrition-and-healthy-eating/expert-blog/fruit-vegetable-difference/bgp-20056141
      甚至抝話佢係 vegetables。
      http://www.livescience.com/33991-difference-fruits-vegetables.html
      但係 fruits 同 vegetables 應該要唔一樣先可以有得抝嘞!

      刪除
    3. //硬要求新界完全套用九龍生活方式

      「身在新界心在龍」

      //果啲唔適互相體量嘅小學雞,算吧啦!少一個,少無謂應酬。想我 entertain 你呀?好貴㗎! XD

      咁又係呀! 有時,親朋戚友的存在,只係為咗令自己臨老臨死時無咁孤清而已.

      //飯來張口
      衣來伸手
      畢業要買樓
      做嘢得把口//

      正喎, 夠哂押韻.

      //「西紅柿是『蔬菜類』,爸爸,水果也是『蔬菜類』啊,你那麼笨的!」

      嘩! 普教中!

      //咁我真係唔知點譯 vegetables 嘞!

      係咪要有葉綠素呢?

      刪除
  9. 《新界西人絕對係一群堅毅嘅物種​》
    咁筆者想點呢?問題係咩呢?
    哦。佢好 L 窮,又適應能力超底。世界冇跟著佢轉。慘慘豬!

    佢講嘅嘢,我一啲都唔覺。

    外國真係咁㗎!揸車到火車站轉火車返工㗎!係火車,唔係地鐵!佢唔係以為拍戲咁,個個返工,工司好似 7/11,緊係左近?唔鐘意咪返囉!搬去公司到瞓囉!就係咁簡單。錯字又多,懶幽默咁都唔知噏乜,內容又無知又錯,咦咦哦哦牙痛咁,註定失敗!

    回覆刪除
    回覆
    1. 喂, 你等我出埋下一篇先評喇! XD

      刪除
    2. C 嬸, 以家佢哋成日都無病呻吟架啦. 睇到煩, 聽到煩.

      刪除
    3. 以前投稿好難,而家乜鬼成日出啲咁嘅爛文,真係幾多年教育都係廢。返學只係柴娃娃聚埋聽老師吹水?

      刪除
    4. //以家佢哋成日都無病呻吟架啦. 睇到煩, 聽到煩.

      咁我咪仲煩膠? 寫咗兩篇咁多!

      //返學只係柴娃娃聚埋聽老師吹水?

      活動教學? 教學活動?

      刪除
    5. //咁我咪仲煩膠? 寫咗兩篇咁多!//
      係!呢到所有人都係煩膠,好膠煩!
      你唔止睇,重評!
      然後我地再評上評!
      你話「凡唔凡 high 世人」?
      XD XD XD

      刪除
    6. //你唔止睇,重評!
      //然後我地再評上評!

      CCTVB 真係影響深遠, 人人都鍾意一路睇一路鬧!

      刪除
  10. //不過睇咗一陣,又忍唔住要繼續抬槓,留待明日再續!

    你真係好嘢,我睇完後好似腦海database好多嘢都聯想倒,但又唔知回應乜,有啲hang機。

    唯一而家可以講到係呢類"潮文"反映既傷民(主要是有青)有d思想真係非常蔫悶,但而家連笨土蟥屍d嘢都越嚟越無味,何況呢d...

    唔講住,訓先~

    回覆刪除
    回覆
    1. //而家連笨土蟥屍d嘢都越嚟越無味,何況呢d...
      //我睇完後好似腦海database好多嘢都聯想倒,但又唔知回應乜,有啲hang機。

      悶到hang 機, 咁我都係簡評一下算了.

      刪除
  11. 近今傷港,潮文歪理既嘢,唔纠正,又會變成教條。

    回覆刪除
    回覆
    1. 所以先要跟佢抬下槓,希望總有「外人」睇到傳閱,以免習非成是.

      刪除