2017年3月16日 星期四

三傻論戰

嘩,真係無眼睇!低智程度直逼美帝!
選舉辯論曾批林鄭是梁振英2.0 更新:2017/03/14 23:04

行政長官選舉三位候選人首次同台辯論,在七間電子傳媒合辦的辯論上,三人互相質問。曾俊華攻擊林鄭月娥會撕裂香港,林鄭月娥就指曾俊華削減部門資源,胡國興就批評兩位前司長互相推卸責任。
在七大傳媒的論壇,三位候選人第一次正面交鋒,曾俊華率先向林鄭月娥開火。而第二個火頭,是林鄭月娥回答一條觀眾提問時,作出的一個承諾而起。一個曾經是特區第二把交椅,一個曾經是第三把交椅,互相追究以前的責任。
胡國興就整晚比較被動,更一度叫錯對手的名字,到胡國興的主場時間。下一場辯論會是三月十九日。
1. 糊塗法官竟然會將林鄭叫做「鄭太」(3:58—4:05),仲要戇居居咁,話林鄭唔要周永辛份全民退保報告,請咗另一間公司去做另一份報告,到林鄭問佢拎證據「請咗邊一間公司做咗邊一份報告」,就即時啞咗(4:19—4:35),呢條友老人痴呆咩?
***
信報 2017年3月15日
特首選戰
林鄭:倘民意致難續任特首會辭職
曾俊華借民望進擊 諷未當選已負淨值
特首候選人林鄭月娥、曾俊華與胡國興一周內第二次同場辯論。前政務司司長林鄭月娥首度表明,倘若當選後港人主流意見與她有所分歧,令她無辦法再擔任行政長官,「我係會辭職」。曾俊華隨後指林鄭未上任民望已是負淨值,問她會否考慮退選,又指辯論在Facebook直播,「『嬲嬲』已經上到去你(林鄭)個鼻度」。林鄭則引用親建制「香港研究協會」日前公布的民調稱,也有調查指自己的民望已反超前。
今次選舉論壇由7間電子傳媒機構聯合主辦,林鄭月娥與曾俊華在論壇開始不久即見火花,多次互相打斷對方說話,又各自在「主場」環節要求主持人將對方「熄咪」。兩人激辯政改、社會撕裂及公共資源分配等議題,另一候選人胡國興則多次批評兩名前司長互相卸責,無人承擔現屆政府缺失。
非憂「CY 2.0」 怕變「撕裂2.0」
曾俊華在「主場」時間,提到林鄭月娥曾表明不參選卻反口,質疑她有否想過為何被人稱為「CY 2.0」。林鄭月娥回應說,那是因為「CY 1.0不參選,便要找一個代替品,讓一班想發洩的朋友繼續有一個對象。」曾俊華指林鄭答非所問,認為社會最擔心的並非林鄭成為「CY 2.0」,而是若她當選會變成「撕裂2.0」。
在現場觀眾提問環節,林鄭被問到是否信任香港人。她回應說「百分之百」信任香港人,倘若當選後與港人主流意見有分歧,她會接受港人意見,「如果香港人的主流意見令我無辦法再擔任行政長官,我係會辭職。」她說今次參選決定倉卒,但希望有多一個機會為香港服務多5年。
「百分百」信港人 聽主流民意
被問及個人弱點,林鄭月娥說自己過去投入工作,無暇建立形象及學習與市民溝通,但參選過程中認為自己有親和力,亦有市民為她打氣。她又諷刺曾俊華多時間在政府「儲Like Like」,自己卻連上網睇Facebook的時間也沒有,又點名提到曾俊華前政治助理羅永聰「非常之叻」,她則為政府省錢,沒有聘請政助。翻查資料林鄭在2012年聘請張秀麗任政助,一年後對方以家庭理由辭職。
曾俊華在「自由搏擊」時段引述林鄭提到辭職的說法,質疑她在未當選之前民望已為負值,會否考慮退選。他續指論壇在Facebook Live直播,「『嬲嬲』已經上到去你(林鄭)個鼻度」。林鄭說自己在Facebook是「弱者」,形容她在今次選舉之中才是「underdog之中的underdog」。
胡:「點解他人唔成就我呢」
林鄭不點名引用親建制「香港研究協會」日前發表的民調,指自己民望已超越曾俊華3%,曾隨即反擊:「你信果個調查?」林鄭則回應說,民望可上可落,很多人在選舉及上任時民望高,之後就會回落。
對於社會撕裂問題,曾俊華認為撕裂源自市民感到不公平,例如政府因建制派在立法會佔大多數,所以往往一夠票就「去馬」,令很多人感到不滿。林鄭月娥指出,政治非解決撕裂的唯一出路,實實在在的民生政策和強大的執行力亦非常重要。但曾俊華強調,政治事情需要政治方法解決,「無其他方法」。
另外,胡國興被現場觀眾問到會否因勝算低而退選時,否認自己曾經承諾退選,「如果我能成就他人,點解他人唔成就我呢?」他強調,每個人參選都是想贏,「無人係想玩」。

2. (hea 曾)質疑她有否想過為何被人稱為「CY 2.0」
魔:魔術師就唔會話係因為689唔參選,有人(係人都知佢係指販民)要搵689的代替品來發洩,咁好易被對方捉住話自己要繼續「撕裂社會」;而係會話呢個世界總係會有人鍾意同人改花名、綽號,我地唔係小學雞,花名呢啲認真便輸了,為官者為政者重點係要做好自己的工作才是。
3. 曾俊華指林鄭答非所問,認為社會最擔心的並非林鄭成為「CY 2.0」,而是若她當選會變成「撕裂2.0」。
魔:對「撕裂2.0」呢種「想像」和「擔心」,係可以通過諮詢、溝通、闡釋理念來化解。Hea 曾不宜作無證據指控喎!
4. 曾俊華在「自由搏擊」時段引述林鄭提到辭職的說法,質疑她在未當選之前民望已為負值,會否考慮退選。
魔:點會因為民調所顯示的民望係負值就棄選呢?無論係一人一票普選,抑或係現在的小圈子選舉,都係選票數量說了算,咁先係「程序公義」。又當然,如果 hea 曾想玩「反對票」可以倒扣,都得,不過先要改咗選舉條例先喇!
5. 他續指論壇在Facebook Live直播,「『嬲嬲』已經上到去你(林鄭)個鼻度」。林鄭說自己在Facebook是「弱者」...她又諷刺曾俊華多時間在政府「儲Like Like」,自己卻連上網睇Facebook的時間也沒有
魔:真係估唔到 hea 曾連 Facebook like 都攞埋嚟講。林鄭話 hea 曾可以 hea 到成日係 FB 呃 like 算係答得好,如果話「有人要憑妄想網上世界的 like 數來肯定自我」,到時又會得罪班妄民,萬一有好事者趁機製造「主流民意」逼宮就唔好喇!
***
信報 2017年3月15日
葉劉指林鄭辭職論是敗筆
首次有互相質詢行政長官選舉論壇昨天舉行, 相對以往同場出席論壇或競選活動,3位候選人均更願意主動出擊,抨擊對手,情況遠較過去激烈。曾參選的新民黨主席葉劉淑儀稱讚曾俊華表現較預期好,但她與學者均認為林鄭月娥的「辭職論」是失分。至於在辯論期間曾一度錯稱林鄭為鄭太的胡國興,被指或因表現不似預期而被邊緣化。辯論一開始,曾俊華已質問林鄭月娥是「CY 2.0」,後又抨擊林鄭月娥做事「有頭威、無結果」, 並以上屆她出任發展局局長時提出要打擊丁屋僭建問題,最後不了了之。林鄭月娥反駁說,處理丁屋問題當年讓她民望上升,但今屆政府未有跟進而已,而發展局的上司是財政司司長即曾俊華。至於胡國興就西九故宮館及全民退保,多次質疑林鄭「假諮詢」。不過,胡官在辯論中一度錯稱林太為鄭太,須林鄭作出糾正。學者評曾俊華勝在誠懇
對於3人的表現,未能取得足夠提名入閘的葉劉淑儀形容,曾俊華「明顯高分啲」,林鄭及格,胡國興則「勉勉強強」。葉劉淑儀說,曾俊華整體表現為佳,發言自然流暢有誠意,較想像中好,但未能就負入息稅等財金議題上充分回應。至於林鄭月娥在回應現場觀眾提問時表示,若主流意見認為她無法再擔任行政長官,她稱會辭職。葉太認為這說法是敗筆,批評此輕率缺乏管治意志的言論令人震驚,但認為對方熟悉政策,表現屬中規中矩。胡國興則是「疲態畢露、政策冇細節」。身兼選委的葉劉淑儀指如自己在場,會質問林鄭如何解決行政立法關係,處理拉布等嚴重問題。兩前司長卸責「好難睇」
中大政治與行政學系副教授馬嶽表示,論壇比併非計政策技術分,影響最大的是一般市民民望觀感,預計對中央及選委的意向改變不大。他形容曾俊華表現誠懇而林鄭咄咄逼人,不過認為兩位前司長互相推卸責任及針對,「整體好難睇一團糟」。他估計胡國興近數場辯論表現較預期差,相信於確定當選無望後會被邊緣化。中大政治與行政學系高級講師蔡子強指出,論壇重點非政策細節而是政治辯論,林鄭繼早前批評港台節目及網上留言是「白色恐怖」後,昨晚其辭職論很大機會被長期炒作,「留劣勢尾巴亦會發酵」。
6. 林鄭月娥反駁說,處理丁屋問題當年讓她民望上升,但今屆政府未有跟進而已,而發展局的上司是財政司司長即曾俊華。
魔:林鄭講緊嘅係「時任發展局局長」波叔,而佢就係今日的財政司司長。咁如果林太當選,佢仲會唔會預埋「辦事不力」的波叔一份呢?
7. 葉劉淑儀說,曾俊華整體表現為佳,發言自然流暢有誠意,較想像中好
魔:魔術師又唔係好覺 hea 曾「發言自然流暢有誠意」,反而只係覺得佢講埋啲滑頭嘢,再唔係就係問埋啲 not applicable 的問題,好似問下人點解有人改你呢個花名,又要人回應「大家」想像嘅擔心之類。呢啲都只係屬於小學雞地想用一啲「虛妄」的問題企圖令對方口啞,魔術師又唔覺有乜咁巴閉囉。
8. 他(馬嶽)形容曾俊華表現誠懇而林鄭咄咄逼人
魔:淨係睇片段有幾段林鄭真係有啲惡,例如:「白紙黑字寫出來架喎」呢啲...
9. 至於林鄭月娥在回應現場觀眾提問時表示,若主流意見認為她無法再擔任行政長官,她稱會辭職。葉太認為這說法是敗筆,批評此輕率缺乏管治意志的言論令人震驚
魔:魔術師都覺林鄭呢句係豬咗。Hea 曾咁多網上粉絲,萬一又發動「眾籌聯署」話有「主流民意」反林鄭,咁點算?

43 則留言:

  1. http://orientaldaily.on.cc/cnt/news/20170316/00184_010.html

    I observed similar things in the "show" (won't even call it a forum, let alone debate).

    Old BJ

    回覆刪除
    回覆
    1. //直播的最後一個鏡頭,是節目主持人走近老曾,示意他靠過去跟其他兩位候選人握手。

      我記得當年689有主動同唐唐握手的!

      刪除
  2. 主流民意太空泛,林師奶一早預咗咁答。hea曾連fb都當真,庫房儲錢達人日日睇fb,梗係比妄上既假報導呃Q咗,驚呢驚路,留D錢响身安全D。

    回覆刪除
    回覆
    1. 可能佢本來當fb係宣傳工具,點知越玩越投入,自己信埋一份...咁算唔算"沈船"呢?

      刪除
    2. D, Hea 曾 FB 搞手開seminar教人呃like, 有興趣就去「墥下」睇下到時見唔見到魔術師真人喇!

      中大新傳校友會講座:特首選戰 公關大解構
      特首選戰進入最後階段,各候選人除了在選舉論壇唇槍舌劍,網絡公關戰亦成為焦點。中大新傳校友會邀請到前政治助理、曾俊華特首競選辦義工羅永聰先生,與新傳校友分享這個「錢買不到的團隊」,如何在選戰幕後發功,運用各種社交媒體平台與民眾互動,為候選人累積民氣,各位校友不容錯過。

      刪除
    3. 佢地累積民怨多D。
      成Q日fb,個個活在火海,脫欧同侵侵爆出,响fb係無路捉。
      屍裂除因政治,經濟民生都係主因。經濟民生都係死水一潭,hea曾唔驶問責,妄民真係大量喇。

      刪除
    4. // 妄民真係大量

      唔係大量, 而係ON 9 9 啫. 被人賣仲要幫人數錢.

      刪除
    5. //經濟民生都係死水一潭,hea曾唔驶問責,妄民真係大量喇。
      //唔係大量, 而係ON 9 9 啫. 被人賣仲要幫人數錢.

      「咪現兜兜派咗6000蚊俾你囉! 仲想點喎!」

      刪除
  3. 胡官似醉辯,應該要以呼氣測試體內酒精含量。鬍鬚曾的精神狀態似是上緊「面書」網頁。林鄭事前做足功課,表現得最好。

    回覆刪除
    回覆
    1. //鬍鬚曾的精神狀態似是上緊「面書」網頁。

      哈哈, high 人自 high.

      刪除
  4. Many of Mingpao's editorial comments today were to the point.

    Old BJ

    回覆刪除
    回覆
    1. 日月神報我就無睇. 我主要都係睇有線同人言多.

      刪除
  5. 胡官好似爭啲瞓著咁;Pringles就小學雞style,齋插人同遊花園;林鄭夠晒假。三個都係爛橙 XD

    回覆刪除
    回覆
    1. 林鄭唔算爛喇, 以前佢做官的時候都無人話佢差的, 係一話參選就俾販民圍插.

      刪除
    2. 不如你提議下, 邊個唔係爛?

      刪除
    3. // 邊個唔係爛?

      因為有能力嘅人唔出來做,無能力嘅人就爭住做囉!

      刪除
  6. //仲要戇居居咁,話林鄭唔要周永辛份全民退保報告,請咗另一間公司去做另一份報告,到林鄭問佢拎證據「請咗邊一間公司做咗邊一份報告」,就即時啞咗(4:19—4:35),呢條友老人痴呆咩?//

    我自己由頭都尾都冇睇過,淨係睇fb同新聞,唔係響你呢到,都真係唔知糊塗官原來咁柒。

    另外,其實林鄭同薯片個政網,大體方向上有咩分別? 睇極都冇提及過嘅? 又,佢地之間有冇質疑過對手落實執行政網嘅能力?

    回覆刪除
    回覆
    1. //都真係唔知糊塗官原來咁柒。

      佢直程係老糊塗.

      //佢地之間有冇質疑過對手落實執行政網嘅能力?

      「假設性嘅問題我唔答」

      刪除
  7. 其實佢哋三個係咩人,心水清嘅都唔使睇啦!嗰啲廁紙筒視野症嘅人,睇幾多場辯論都係一舊樣㗎啦!我都費事越睇越興。
    辯論係辯唔出咩執政能力出來嘅!純睇 EQ。EQ 高就唔會俾人牽住鼻子走。好似人哋問佢改花名呢樣野,應該順水推舟,求其拉過,然後講返自己想講嘅嘢,宣傳下自己,講下香港未來方向。你叫我講我就講?咁你講啲小學雞野我又講啊?咁大家不過咁高咁大啫!
    糊官就廣告時間咁嘅啫!

    有興趣就去玩下啦!唔係 hea 曾真係以為自己好有型!
    http://www.etnet.com.hk/www/tc/news/supplement_ce_2017.php?type=voting

    回覆刪除
    回覆
    1. //EQ 高就唔會俾人牽住鼻子走。

      仲要keep focused.

      //有興趣就去玩下啦!唔係 hea 曾真係以為自己好有型!

      我睇見啲留言就唔開胃.

      刪除
    2. // 辯論係辯唔出咩執政能力出來嘅!

      所以民主選舉攪呢啲乜春辯論, 真係呃九人, 浪九費哂啲時間. 不過, 最慘係, 有棚人信嗰吓先大鑊.

      刪除
    3. //民主選舉攪呢啲乜春辯論

      扮佢老美啫!

      刪除
  8. 我亦無睇個show(因為"我睇緊恆大"), 不過在電視立到辯駁中hea曾個樣的確頗有忟色,同佢一直建立既形象唔多配合。

    呢兩篇已經講晒對佢所謂"修補撕裂"的見解:

    http://linepost.hk/?uid=15126.7.0.0

    https://www.am730.com.hk/column/財經/撕裂是常態,為何香港不?-70102

    不過觀乎黃屍由國教到佔中都是"你一定要跟我做到足", 佢地又覺得自己是多數(因為反對佢地既都係豬唔係人), 咁hea曾唔代表正苦take side佢地就贏梗,佢地點會唔捧hea曾呢?

    至於hea曾發忟,佢地亦會代入返自己對藍C個心情,所以唔會扣分的,甚至會加分添。

    回覆刪除
    回覆
    1. 我 copy & paste 係 FB 到對周顯嘅評論:

      //換言之,政府take side。 //

      What side? 唔明。
      根本冇球證。Trump 對 Hillary,邊個負責做球證?咁攪笑嘅!

      //根本大家都想完全戰勝對方,沒有人想和解……這裏必須定義甚麼是「想和解」: 如果想對方完全依照自己的藍圖去做,一步不讓,這叫做「想贏」,要對方輸,而不是「想和解」。必須要把「和解」放在第一位,自己願意作出大幅讓步,這才叫做「想和解」。在這情況下,通常要打到一方全輸,或者打得太久,雙方均已太累,不想再打下去了,才有和解的可能性。//

      唔要撕裂咪維穩囉!講完。

      刪除
    2. //曾先生的「團結香港」的方法是「見人講人話, 見鬼講鬼話」, 總之是說對方愛聽的話!

      由提蛋事件開始就都覺得佢係滑頭仔.

      //至於hea曾發忟,佢地亦會代入返自己對藍C個心情,所以唔會扣分的,甚至會加分添。

      黃C 就係咁, 永遠都只會圍爐取暖.

      //根本冇球證。Trump 對 Hillary,邊個負責做球證?咁攪笑嘅!

      地區正苦內鬥就由樁秧做球證; 民間內鬥就由地區正苦做球證.


      //撕裂是常態,為何香港不?

      所以為甚麼撕裂不可以是好事? 為什麼一定要修補撕裂?

      刪除
    3. //所以為甚麼撕裂不可以是好事? 為什麼一定要修補撕裂?//
      因為亞媽唔買手機㑭我,我就話 "I hate you." 要佢氹番我。

      刪除
    4. 媽: Haters gonna hate. Who fxcking cares?

      刪除
    5. // 地區正苦內鬥就由樁秧做球證

      我反而覺得中央都理九得你.....

      刪除
    6. 其實"團結"/"信任" 同"齊心" literally 有乜分別?

      刪除
    7. 有分別.

      團結/信任, 一定係真.
      齊心, 就係語言偽術.

      刪除
    8. 2017年3月17日 星期五
      湯家驊【明報文章】有人問候選人:「聽說你受外國勢力操控?」他回答:「我住在港島㗎喎!」一眾人隨即拍手叫好,說是幽默回應、妙語連篇。又有人問另一位候選人:「聽說你是梁振英2.0,你與他有什麼分別?」她回答:「我是女人,他是男人!」眾人隨即噓聲不斷,說是低級趣味,不嚴肅回答問題。這便是偏見。又比如說,有人質問候選人,他若答得不好,眾人便說這是選舉陷阱、政治陰謀,存心打擊候選人的聲望。同一人質問另一位候選人,她答得比較好,一眾人便大聲抗議,說問題偏袒,存心為候選人「抬轎」。

      刪除
    9. FB全文

      https://www.facebook.com/notes/tong-ka-wah-ronny-%E6%B9%AF%E5%AE%B6%E9%A9%8A/%E5%81%8F%E8%A6%8B%E8%88%87%E4%B8%AD%E7%AB%8B/1619556511407348/

      刪除
    10. //我反而覺得中央都理九得你.....

      如果搞巷蜀就無辦法唔理了.

      //齊心, 就係語言偽術

      子非魚, 安知魚之樂? 無人可以知道「齊心」的程度可以有幾高吧?

      //不要把中立與中肯混淆,中立沒有立場,但中肯有。
      //中肯是美德,但中立不一定是。中立說得通俗一點可以是騎牆,可以是沒有立場,也可以是置身事外。

      騎牆也是一種「立場」. 人根本不可能沒意見,沒立場,沒意見: 你不懂的, 是「沒能力提供意見」,而不是「沒有意見」.

      刪除
    11. 今日: JT 說撕裂2.0 是擔心。正式的語言偽術。把stigmatisation 合理化。不過傳媒不會追問。又: 他說投票的人在投票當刻會有衝動改投,真的是天謊夜譚。若有這情況,一定會有學術研究或參選人就這情況訂策略(告急或配票不是衝動行為), 為什麼在國際或本地的選舉從來沒有這樣的討論?講得就講。

      刪除
    12. //JT 說撕裂2.0 是擔心。

      「擔心」係一向黃C及販民的莫須有指控. 問佢地做乜有咁多「擔心」, 佢地就會話源自對正苦不信任,無程序公義,...之類之類.

      //他說投票的人在投票當刻會有衝動改投

      根本成段就係將主觀意願當成係客觀事實來講.

      刪除
    13. // 如果搞巷蜀就無辦法唔理了.

      你攪呢啲梗係要理啦. 但你哋中意拖後腿, 不斷落後於人, 係你自己嘅事.

      刪除
    14. 最弊佢地會拖埋其他唔關事嘅人落水呢.

      刪除
    15. // 最弊佢地會拖埋其他唔關事嘅人落水呢.

      呢吓我先最L憎. 所以我反黃C

      刪除
    16. //我反而覺得中央都理九得你.....
      //但你哋中意拖後腿, 不斷落後於人, 係你自己嘅事.

      我無意中發現到呢篇嘢,應該可以解答到呢個問題。

      http://www.gelonghui.com/p/90164.html

      香港700万人,除了顶层,整个白领阶级已经沦为维持行政架构运行的一员。成为一个螺丝钉的他们即跨不出深圳河,也飞不出香港机场,有一些年轻的螺丝钉希望闹腾,更多的螺丝钉才刚刚开始生锈,他们竭尽全力地迎合着机器的运转,却无法改变他和他的后代永远沦陷的命运。以前他的主人是老外,现在他的主人是带着痞气的内地人。自带悲观主义色彩的螺丝钉每天都在诅咒着。

      在这一片诅咒声中,一个新的香港实际上早已出现——一个从电商到游戏、从北京到成都、从亚洲到美国的新香港。实际上最近越来越没有听说过香港的社会新闻,而香港的本地新闻似乎也显得越来越空谈。对啊,700万人组成的服务器有什么值得关注的?

      前20年的改革开放让香港成为了超级代理人的角色,通过股市、货运和文化传播让香港人赚尽了一切。随着互联网的发展,信息沟通成本越来越低,旧香港的超级代理人角色已经被淘汰,彻底沦为了X86,而且效率越来越低;可新香港的范围却扩大到了全中国,这是一种中外都熟悉的范式和规则,她什么都没有,但她却是13亿人的消费市场和2万亿资本连接世界的基本格式。

      刪除
  9. "如果香港人的主流意見令我無辦法再擔任行政長官,我係會辭職。"

    喺"令我",唔喺"認為我",有分別㗎...佢咁打得,就算得零民意,佢認為都有辦法,冇"令我無辦法",就OK喇 XD

    回覆刪除
    回覆
    1. //"如果香港人的主流意見令我無辦法再擔任行政長官,我係會辭職。"

      主流意見搞巷蜀, 一於拉林鄚出來遊街示眾,咁咪「令佢無辦法再擔任行政長官」囉.

      刪除
  10. 話時話,巷蜀問米JJ黨嗰班靜晒死咗去邊?

    回覆刪除
    回覆
    1. 琦天梁同陳好癲潛咗水, 熱狗話要轉型做政黨之後好似摺咗咁...

      刪除