2017年4月12日 星期三

擁有社工牌照卻失去語言能力的有為中年

C嬸留言問以下呢一篇文章算唔算係「浪漫廢話」。魔術師根據客席主持摩摩的指引浪漫廢話有一個特點:
它永遠不會錯,因為它本來就沒定義。
不過,看罷此文,魔術師卻覺得它只屬李天命所說的「語言空廢」,更甚的是文法狗屁不通,無法理解,跟提供盲目正能量的「心靈雞湯」式的浪漫廢話有一段距離:浪漫廢話雖然含糊,卻能令受眾自以為能夠理解(佢地唔會發覺自己其實是在「腦補」中),本文「不易理解」,已犯了大忌。
擁有無數證書卻失去人生方向的年輕人
12:08 2017/04/10

在今天事事講競爭、快人一步的時代,父母要看見孩子的寶貴,要用未來的價值培養孩子。
做生命培育工作愈久,我愈發現,生命有許多痛苦根源是來自一個人不能擔當自己角色,不能做心中的自己,生命中長存一份從不滿足的空虛。 好可惜的是,在這世界上,一個人能做自己是多麼的荊棘滿途。一個成人能否安然的做回自己,乃在於他在孩童時,父母培育是以「價格」抑或是看見孩子「寶貴」定位,奠定了孩子未來的是否快樂與幸福。
深信讀到這裡,大部份父母都會認為自己一直都是在培育孩子成為有價值的人。但在這點上,於我多年與香港青少年及家庭同行的觀察,我有共通的總結:
大部分父母培育孩子的動機方向,是以孩子未來是否競爭力或是害怕孩子落後於人的「恐懼」為主導。
在社區,我們不難看見,由懷胎十月至嬰兒期,無數父母為孩子能入到「心儀」幼稚園張羅。有些「孟母三遷」只為到心儀校網,有些為了入到好的學校,為孩子參加無數「證書課程」以增加孩子生命的份量。所以,孩子在求學期間,父母都會盡己所能,讓孩子累積形形式式的証書。
彷彿證書厚度就是孩子未來的保證,保證能有較大機會入到好的小學。有好的小學能入到好的中學,有好的中學便入到大學,有大學學位孩子人生就有了保證的「競爭力」。我不是扮清高的說上述種種皆不好,我會去告知各位:
上述種種都是把「外在」所謂重要的價值,「貼金」般放在孩子身上,孩子要窮他們所有的時間重重覆覆去追逐。那麼他的內裡呢?他的自我價值呢?他認識自己嗎?他滿足和欣賞自己嗎?他能安然於自己嗎?他可以和自己和平相處嗎?他一個人時能悠然自得、樂得自然嗎?
我可以告訴大家,以我經歷所見,答案是否定的:
大部分孩子,內心都是空空的,不知道自己為何要讀書,不知道為何而那麼忙,到底在追什麼?懷疑自己到底是誰?君不見,現今年青人擁有無數證書,但卻無人生方向。
其實,我們每個人都有共同的「在乎」: 在乎我們是否能「找到到自己」「做自己」、「實踐自己」、「活出自我真正價值」。
我們不難發現每個孩子一生出來就與生俱來地擁有獨特的個性,孩子一路成長時,有他們獨特的好奇心、興趣、關注、才華和個性。這造就了他們的獨一無二,這是由上天賦予的獨有價值。在孩子一路成長的過程裡,他們自小就不能做自己,而是活在別人的期望下,擔當別人要求與角色。我們能想像及預計到,孩子在未來就算是多麼的成功或是有成就,他都不快樂。
能讀到名校及擁有厚厚的「佳績」,真的會叫孩子快樂嗎?為了競爭、怕落後於人,生活一味追追追,孩子生命會快樂嘛?我們真的要培育「成功但不快樂」苦澀的下一代嗎?
家永遠都是講愛的地方,不是準備或推孩子去競爭的地方。
或許我們作父母不要活於恐懼中,為了競爭去教養孩子。競爭的動機不能叫我們的孩子肯定自我。恐懼帶來的生活,是無路可行,只有死胡同。
反之我們要相信這條簡單的道路。父母幫助孩子認識自我,要求於孩子的生命要成熟、有個性,並高度支持他自我實踐,孩子自會活出獨特的生命力,叫他在人群中容易出類拔萃、被看見,人群都欣賞他的美好。因現今社會都極需要有熱情、積極而有信譽的生命。在社會中具備這樣特質的人,機會是會走向他身邊 。
或許我們作為父母的,應在育養孩子上多加努力,但這努力是:幫助孩子發現自己,操練生命的厚度,把證書的厚度轉成孩子生命厚度的培育。
讓孩子不是為了競爭力,或是為了能在社會中㩴取更多而活,而是自小幫孩子認識自己,把自已的天賦付出,作一個敢於為夢想而努力,在社群中活出個人正向感染力,去貢獻自己所有的,去造福社會,讓社區走向美好,變成一個活得自在,又會為身邊有需要的人去付出的人。
有證書不代表有生命力。
1. 父母要看見孩子的寶貴,要用未來的價值培養孩子。
魔:咩叫「孩子的寶貴」?「寶貴」幾時變了做名詞?咩叫「未來的價值」?Future value?完全不能理解
2. 做生命培育工作愈久,我愈發現,
魔:咩叫「生命培育工作」?專門中出無極限的愛情動作電影的男主角?如果佢係講緊自己的社工工作,是否應該話「從事青少年輔導工作愈久」?
3. 生命有許多痛苦根源是來自一個人不能擔當自己角色,不能做心中的自己,生命中長存一份從不滿足的空虛。
魔:既是「根源」,就不用「來自」。咩叫「一個人不能擔當自己角色」?兩個人得唔得?咩叫「不能做心中的自己」?財務自由,做自己喜歡做的事?「生命中長存一份從不滿足的空虛」係比較接近浪漫廢話,「空虛」當是就是「不滿足」喇!全句可以改成「生命中有許多痛苦都是來自我們不能做回自己,缺乏滿足感」(姑且就當「做回自己」就係指「做自己喜歡做的事,以自己喜歡的方式過活」)。
4. 好可惜的是,在這世界上,一個人能做自己是多麼的荊棘滿途。
魔:「好可惜」個「好」似係多餘嘅。咩叫「荊棘滿途」,可唔可以唔好咁偽文青?簡單啲寫:「可惜的是,在這世界上,能做回自己是多麼的困難。」
5. 一個成人能否安然的做回自己,乃在於他在孩童時,父母培育是以「價格」抑或是看見孩子「寶貴」定位,奠定了孩子未來的是否快樂與幸福。
魔:呢位註冊社工的用字真係相當別扭。睇完前文後理,「一個成人能否安然的做回自己」應是「孩子成長後能否做回自己」。「價格」和「寶貴」又是含混不清,唔知可唔可以當成係「價值投資法」中「價格(price)」與「價值(value)」的分別。「奠定了孩子未來的是否快樂與幸福」應是「奠定了孩子的未來是否幸福快樂」。
6. 於我多年與香港青少年及家庭同行的觀察,我有共通的總結
魔:「於我多年與香港青少年及家庭同行的觀察」,又是太累贅。「與XX同行」可以接受,但「我有共通的總結」又是文法錯誤:你自己一個人,有誰跟你「共通」?全句可以改成「以我多年來與XX同行的經驗所得,可以總結如下」。
7. 大部分父母培育孩子的動機方向,是以孩子未來是否競爭力或是害怕孩子落後於人的「恐懼」為主導。
魔:寫得稍為「可讀」的一句,但「動機方向」可以減省為「方向」;「是以XXX為主導」可改成「均以XXX作考慮」。
8. 在社區,我們不難看見...
魔:「在社區」是廢話,不在「社區(community)」,難道是在宇宙?可刪減之,單單「我們不難看見...」就可以了。
9. 有些「孟母三遷」只為到心儀校網
魔:唔需要寫「三遷」。「有些『孟母』只為到心儀校網」就夠。
10. 為孩子參加無數「證書課程」以增加孩子生命的份量。
魔:咩叫「生命的份量」?可唔可以寫成「以提高孩子的『履歷』」?
11. 彷彿證書厚度就是孩子未來的保證
魔:呢位社工寫嘢,應該無主語時就寫啲主語落去,但應該有主語時就唔寫。就咁一句「彷彿...」,真係唔知佢想講乜。「現代父母彷彿認定證書的厚度就是孩子未來的保證」會唔會好啲?
12. 有大學學位孩子人生就有了保證的「競爭力」
魔:又係將句子調轉來寫,文法不通,應是「有了大學學位,孩子人生的『競爭力』就有了保證」。
13. 「貼金」般放在孩子身上
魔:既然都係「貼金」,咁梗係「貼在孩子身上」而不是「放在孩子身上」。
14. 他滿足和欣賞自己嗎?他能安然於自己嗎?他可以和自己和平相處嗎?他一個人時能悠然自得、樂得自然嗎?
魔:咩叫「滿足自己」、「安然於自己」?咩叫「和自己和平相處」?唔通會打自己?定係打JJ?咩叫「樂得自然」?天體?又係完全不能理解,連想成為浪漫廢話的資格都無。
15. 不知道為何而那麼忙
魔:應該係「不知道為何要那麼忙」。
16. 我們不難發現每個孩子一生出來就與生俱來地擁有獨特的個性
魔:「一生出來」當然就是「與生俱來」,可以改寫成「我們不難發現每個孩子都有與生俱來的獨特個性」。
17. 我們能想像及預計到,孩子在未來就算是多麼的成功或是有成就,他都不快樂。
魔:明顯係英式中文,又 and 又 or。為何不簡單一點:「我們可以想像到,孩子在未來就算是多麼的成功,他都不會快樂。」
18. 孩子生命會快樂嘛?我們真的要培育「成功但不快樂」苦澀的下一代嗎?
魔:無端端又加句「生命」、「苦澀」落去。「孩子會快樂嗎?我們真的要培育『成功但不快樂』的下一代嗎?」唔得咩?
19, 競爭的動機不能叫我們的孩子肯定自我。
魔:同理,無端端又加句「動機」落去。「競爭不能叫我們的孩子肯定自我。」就夠了。
20. 反之我們要相信這條簡單的道路
魔:咩叫「這條簡單的道路」,之前都無提過!
21. 父母幫助孩子認識自我,要求於孩子的生命要成熟、有個性,
魔:咩叫「要求於孩子的生命要成熟」,又係不能理解,欲改無從。
22. 叫他在人群中容易出類拔萃、被看見,人群都欣賞他的美好。
魔:單單「出類拔萃」就夠,不用「容易出類拔萃」。「被看見」是英式中文,加上「出類拔萃」已包括呢個意思,可刪。「人群都欣賞他的美好」好鬼聖經 feel,「受人歡迎」就夠。
23. 因現今社會都極需要有熱情、積極而有信譽的生命。
魔:「生命」二字,在呢位註冊社工手,已到了濫用的地步。明明「生命」是指人(如果社工先生就指年青人的話,就是年青人罷),而不是小貓小狗。
24. 操練生命的厚度,把證書的厚度轉成孩子生命厚度的培育
魔:「生命的厚度」,不知所謂,開始有一絲絲浪漫廢話的味道。
25. 讓孩子不是為了競爭力,或是為了能在社會中㩴取更多而活,而是自小幫孩子認識自己,把自已的天賦付出,作一個敢於為夢想而努力,在社群中活出個人正向感染力,去貢獻自己所有的,去造福社會,讓社區走向美好,變成一個活得自在,又會為身邊有需要的人去付出的人。
魔:「讓孩子不是為了競爭力...」主語是父母,到把「自已的天賦付出」,主語卻變成「孩子」,文法大誤。同時「把自已的天賦付出」不能理解,連繫不上下一句「作一個敢於為夢想而努力」。「在社群中活出個人正向感染力」又太累贅,「活出正面人生」便可以了。同理,「去貢獻自己所有的」可以變成「貢獻自己」。整段標點全錯,不能全部用逗號,可以用頓號、分號分隔「並行句式」。例如可以改成,「我們不應該讓孩子為了競爭力、或是為了能在社會中㩴取更多而活,而是自小幫孩子認識自己,鼓勵他們敢於為夢想努力,活出正面人生觀,貢獻自己,造福社會;成為一個活得自在,又會為身邊有需要的人去付出的人。」
26. 有證書不代表有生命力。
魔:誰說過「有證書代表有生命力」呢?阿註冊社工好似成篇都話怪獸嘉獎係認為「有證書代表有競爭力」喎!
***
總括來說,網媒轉載的呢篇文章,質素甚低。文法不通、用詞累贅、英式中文、浪漫廢話、加上經常誤用「的的了了」,要改的話,可更正的地方甚多。魔術師將之評為劣等,不合格。
***
伸延閱讀:
甚麼叫做浪漫廢話?
DSE中作試答2017:談憤怒
88+689=777

46 則留言:

  1. 呢幾日頗多野搞,聽日我都回應下。

    回覆刪除
  2. 我之前寫嘅:

    最怕呢啲成日抱住美好大世界觀嘅人講嘢。虛無飄渺,不着邊際,概念模糊,加上表達能力弱,講完一堆按摩耳仔嘅說話,著實係乜冇人知。行動派嘅我真想伸佢一腳!

    //「活出自我真正價值」//
    即係點?

    //由上天賦予的獨有價值。//
    你點知有?你肯定?

    //家永遠都是講愛的地方,不是準備或推孩子去競爭的地方。
    或許我們作父母不要活於恐懼中,為了競爭去教養孩子。競爭的動機不能叫我們的孩子肯定自我。//
    家會講愛,但不只講愛呀!唔準備競爭,競爭就會消失?要點做先唔「活於恐懼中」呢?服抗抑鬱藥?唔要唔好嘅「競爭動機」定直頭唔要「競爭」,定係想話唔好製造「不必要嘅競爭」?(何謂不必要嘅競爭,就係追求虛榮。)

    //父母幫助孩子認識自我,要求於孩子的生命要成熟、有個性,並高度支持他自我實踐,孩子自會活出獨特的生命力,叫他在人群中容易出類拔萃、被看見,人群都欣賞他的美好。//
    //因現今社會都極需要有熱情、積極而有信譽的生命。在社會中具備這樣特質的人,機會是會走向他身邊 。//
    What on earth is「生命要成熟」、「活出獨特的生命力」、「有熱情、積極而有信譽的生命」?又話唔競爭,又要出類拔萃。想點呀?係咪精神分裂?意思係咪人人天生都特別,唔使努力都自動會成功?

    //去貢獻自己所有的,去造福社會,讓社區走向美好,變成一個活得自在,又會為身邊有需要的人去付出的人。//
    咁多要求又點自在?為他人而活必先條件係攪掂咗自己先囉!好冇?叫人付出幫其他人,而其他人其實就係佢自己?

    ---------- ---------- ----------

    睇完你寫之後加嘅:

    //我們能想像及預計到,孩子在未來就算是多麼的成功或是有成就,他都不快樂。//
    係失敗嘅人諗出嚟安慰自己。

    //孩子生命會快樂嘛?//
    講到孩子同生命係兩個個體咁!生命會唔會快樂真係一個哲學嘅問題!

    //「語言空廢」//
    唔該得知咁難明。

    即係其實係咪阿豬阿狗都可以攞到社工牌嘅呢?
    即係係咪有人寫野上去,網媒都會登嘅呢?
    即係編輯同校對嘅人係咪死咗呢?
    網媒嘅讀者係咪傻架呢?

    回覆刪除
    回覆
    1. //最怕呢啲成日抱住美好大世界觀嘅人講嘢。虛無飄渺,不着邊際,概念模糊,加上表達能力弱,講完一堆按摩耳仔嘅說話,著實係乜冇人知。行動派嘅我真想伸佢一腳!

      摩摩回應咗你喇!

      //由上天賦予的獨有價值。//
      //你點知有?你肯定?

      都肯定架;假如當事人肯接受「上天賦予佢成為一條廢柴」的話。

      //家會講愛,但不只講愛呀!唔準備競爭,競爭就會消失?要點做先唔「活於恐懼中」呢?服抗抑鬱藥?唔要唔好嘅「競爭動機」定直頭唔要「競爭」,定係想話唔好製造「不必要嘅競爭」?(何謂不必要嘅競爭,就係追求虛榮。)
      同情地理解,應該係指「唔好製造『不必要嘅競爭』」。

      //又話唔競爭,又要出類拔萃。想點呀?係咪精神分裂?
      愛因斯坦都唔使「好競爭」,真正叻的人,將佢放在可以發揮的環境,自然會輕易跑出來。

      //為他人而活必先條件係攪掂咗自己先囉!
      咁就即係唔能夠「做回自己」喇!

      //即係其實係咪阿豬阿狗都可以攞到社工牌嘅呢?

      憎見蕉都係社工,我諗社工牌應該唔難攞。

      //即係係咪有人寫野上去,網媒都會登嘅呢?
      //即係編輯同校對嘅人係咪死咗呢?

      轉載式網霉應該無專業編輯和校對吧?

      //網媒嘅讀者係咪傻架呢?

      喂,呢篇文係你 forward 出嚟架喎!

      刪除
  3. 條友似係DSE 中文1-2 既偽俊仔, 出泥寫文? 貽笑大方

    出泥留一兩句SOUNDBITE, 俾膠人自行腦補, 亂咁解讀算罷啦

    回覆刪除
    回覆
    1. D!唔止寫文,佢仲開埋班添!底已起,唔怪得滿口生命喇!原來又係開班達人(開親子班應該好搵過開投資班)!
      教育大同論壇 2015 "我要真假期!"
      黃鎮昌先生(Marco Sir)
      「天使家庭中心」、「流浪。生命工程」創辦人
      註冊社工,擁有20年家庭成長及歷奇鍛煉、具豐富籌劃、輔導及培訓的前線經驗
      以多元化、具創意及有趣味的家庭成長輔導活動、課程、裝備家長,讓他們陪伴孩子對抗成長遇到的挑戰,令「問題兒童」不再是「問題」
      設計「另類」拓展訓練與教授「生命解說」技巧,令親子相處的時間更具素質
      透過「上山下海到海外」的野外活動,讓兒童及青少年在大自然中克服各種考驗,建立一個健康而扎實、自信而不驕傲的品格
      舉行「親子心聲分享會」,營造和諧氣氛,以獨特的提問方式,讓孩子與家長娓娓道山不為對方所知的心底話,孩子及家長能互相被「看見」及「聽見」,在營會中一起經歷、學習及改變

      http://hk.apple.nextmedia.com/supplement/travel/art/20160519/19617205
      【旅遊籽:遊俠仗義】
      浪漫,用在香港人黃鎮昌(Marco)身上,不失為過。去年帶3歲女兒單車環台,當作入學前禮物,廣告公司把故事改編成由郭富城主演的微電影,全城動容。今年Marco再度出發,帶兩歲半兒子,從台北關渡南下,踩單車環島一圈。750公里,氣溫30℃,上山下海身水身汗,每天密密踩,一齊沖涼、彈結他唱歌、睇海豚。14天獨處,Marco重新發現兒子的特質,在移動風景中與他一起認識世界。《蘋果日報》到台東直擊這對非常父子,儍爸爸沒有賦予子女贏在起跑線的人生,他選擇陪他們一起走,留下的父蔭,夠用一生。

      刪除
    2. ///註冊社工,擁有20年家庭成長及歷奇鍛煉

      我都有三X年"家庭成長"鍛煉啦....乞兒都好多"上山下海""流浪""歷奇鍛煉",快啲請晒佢哋...

      ///儍爸爸沒有賦予子女贏在起跑線的人生

      全家上晒X果,仲唔喺"贏在起跑線"?

      //生命工程創辦人

      你做試管嬰兒?基因工程?科學怪人?

      其實呢啲"上山下海"活動咪又喺另類嘅"証書"(我仔仔唔喺你哋港豬証書一堆)。兩三歲嘅細路真心想環島踩單車,定喺marco你自己想出位呢。

      佢臉書有教會連接,睇嚟呢啲生命嘢都喺有傳教成份...
      ///舉行「親子心聲分享會」,營造和諧氣氛,以獨特的提問方式

      我要發聲!我要真普洱!!我要有房扑嘢有高潮!!!




      刪除
    3. 我有五十年家庭成長鍛煉...
      究竟帶個兩歲半仔環台一圈有乜意義?
      點解佢要咁至可以“重新”發現兒子嘅特質?

      刪除
    4. //乞兒都好多"上山下海""流浪""歷奇鍛煉",快啲請晒佢哋...

      其實即係親子outward bound.

      //全家上晒X果,仲唔喺"贏在起跑線"?
      //其實呢啲"上山下海"活動咪又喺另類嘅"証書"

      我又諗起「聖誕大餐明益你」!
      http://magician__yang.mysinablog.com/index.php?op=ViewArticle&articleId=3331147

      //兩三歲嘅細路真心想環島踩單車,定喺marco你自己想出位呢。

      「問小溢是否知道去台灣做乜,他只記得家姐教他的『Gogogo,食雪糕!』」

      //佢臉書有教會連接,睇嚟呢啲生命嘢都喺有傳教成份...

      唔怪得佢啲用句咁鬼似聖經! 信教真係會信到傻的!

      //究竟帶個兩歲半仔環台一圈有乜意義?

      「如沒有這個一對一的旅程,我就不能專注地發現你的特質。其實這旅程不是爸爸帶你去看世界,而是你讓爸爸看見你自己。」

      //點解佢要咁至可以“重新”發現兒子嘅特質?

      「旅程開始不久,Marco已被兒子舉動震撼:到埗首天已入夜,疲累趕行程下兒子出奇地安靜;首天二人踩了78公里,沿途雀躍分享路上所見所聞,忙得叫爸爸應接不暇;以爸爸給的500元買下雪條,雪櫃太高,他卻想到辦法開門;打不開雪條,懂得叫店員幫忙剪開包裝;而帶去的14條紙尿片,最後只用到4條,兒子忽然學懂,想上廁所就要叫爸爸……」

      刪除
    5. 我立咗一眼就覺得成篇都有朕傳福音嘅徐,大講"人生方向","空虛","懷疑自己到底是誰","生命力","生命會快樂"....強加教會價值觀,就好似廣東話詩歌(癡呆豬...主撚9...)咁夾硬嚟,只喺會覺得又怪又好笑。

      刪除
    6. 要有一對一的旅程先至可以尊注個仔?咁佢做父親就唔稱職啦。
      佢話係“重新”發現,係咪即係以前曾經發現過,後來唔記得咗?
      “二人踩了”78公里?係佢載個仔踩咗78公里啫,講到好似個仔兩歲半就踩長途車咁。
      唔去環台一樣會戒到尿片嘅嗜。

      刪除
    7. //要有一對一的旅程先至可以尊注個仔?咁佢做父親就唔稱職啦。
      佢話係“重新”發現,係咪即係以前曾經發現過,後來唔記得咗?
      “二人踩了”78公里?係佢載個仔踩咗78公里啫,講到好似個仔兩歲半就踩長途車咁。
      唔去環台一樣會戒到尿片嘅嗜。//

      即係佢自己由個仔出世到2-3歲, 都無好好咁關心過個仔, 注意過個仔

      之後就"讀雞精班", 系1X日內完成幾年既親子關係課程咁解

      ...唔否定對好多都市人泥講, "讀雞精班"好重要

      不過該鼓吹既唔係雞精班

      我覺得我朋友每晚臨瞓都同囝囝PILLOW TALK 30分鐘 - 更好

      每日留心聽書, 當然係比讀雞精班更好既學習方法

      刪除
    8. //我立咗一眼就覺得成篇都有朕傳福音嘅徐
      //強加教會價值觀,就好似廣東話詩歌

      廣東話經文、聖詩文法不通,發音別扭,呢樣嘢真係好易identify!

      //要有一對一的旅程先至可以尊注個仔?咁佢做父親就唔稱職啦。

      即係做 1 on 1 appraisal.

      //佢話係“重新”發現,係咪即係以前曾經發現過,後來唔記得咗?

      個仔平時係屋企嘅表現係呃佢嘅!

      //係佢載個仔踩咗78公里啫,講到好似個仔兩歲半就踩長途車咁。

      同啲「政治家」一樣:「講咗就當係係做咗。」

      //之後就"讀雞精班", 系1X日內完成幾年既親子關係課程咁解

      佢係搞雞精班,先搵個仔來做實驗,再sell俾教友同中剷嘉獎.

      //我覺得我朋友每晚臨瞓都同囝囝PILLOW TALK 30分鐘 - 更好

      好多中剷都係工資奴隸夜放工,返到屋企囝囝都訓了。

      //每日留心聽書, 當然係比讀雞精班更好既學習方法

      留心聽書同臨急抱佛腳的同學的比例,一向都係1:99。

      刪除
  4. 浪漫廢話好抽象,睇唔明。可能要哲學家至知佢講乜。

    回覆刪除
    回覆
    1. 咁鬼短嘅文,寫咗11次「生命」,真係睇到頭暈。

      刪除
  5. 支持魔術師轉行教中文
    不過相信魔術師教一個月就支持唔住
    成篇野有問題既地方多過冇問題既地方,多好多
    補多一點:
    //反之我們要相信這條簡單的道路。//
    前文冇define 過係乜路

    回覆刪除
    回覆
    1. //支持魔術師轉行教中文

      真係人之患,患在好為人師...

      //反之我們要相信這條簡單的道路。//
      //前文冇define 過係乜路
      同情地理解, 此句需要讀者自行腦補, 「簡單的道路」係指「恐懼帶來的生活,是無路可行,只有死胡同。」的相反.

      刪除
  6. 我不是中文本科,但看完後的感想是,明明有簡單通順寫法,硬是要賣弄文筆,但肚內又無墨水,於是整篇文章也變得唔通順。

    回覆刪除
    回覆
    1. //硬是要賣弄文筆

      目的係搞到班中剷暈頭轉向,又唔敢認自己睇唔明.

      刪除
  7. //浪漫廢話有一個特點:
    它永遠不會錯,因為它本來就沒定義。//
    //浪漫廢話雖然含糊,卻能令受眾自以為能夠理解(佢地唔會發覺自己其實是在「腦補」中)

    首先小弟再講講“浪漫廢話”本身。

    世上有很多詞語,是有很明確的定義的,例如“1秒”,約定俗成定義是“地球自轉週期時長的86400份之一”,SI unit定義就是“銫133原子基態的兩個超精細能階間躍遷對應輻射的9,192,631,770個週期的持續時間”;反之例如“愛”,就屬很唯心、主觀和因人而異的概念。

    越能精確定義的詞語,定義的灰色地帶就越窄;反之越含混不清的,灰色地帶就越闊。概念性詞語則多屬於後者。但不能避免是,當homo sapiens的頭腦越發達思想越複雜,抽象概念就越多,要描述就越需要概念性詞語。

    而所有學問越高階,都會越多抽象概念,需要的概念性詞語亦越多,例如《孫子兵法》:

    http://yuedu.qidezao.com/book/10322/50.html

    通俗一點就如《賭神3:少年賭神》的口訣,例如“遇強即屈,借花敬佛”:

    https://www.youtube.com/watch?v=99xfxVDzGJM

    在我看來,“浪漫廢話一定主要由概念性詞語組成,但主要概念性詞語組成的語句不一定是浪漫廢話”;而且同一句話,相關底層知識深厚的話可能會受用不淺,但底子淺薄的就可能聽了一萬次,仍然解決不了任何問題:例如一個有豐富實戰經驗和閱讀能力的將軍,《孫子兵法》會有實際作用,但一個紙上談兵之輩,《孫子兵法》不是用來忽悠別人就是忽悠自己。

    而正因為如此,“浪漫廢話”的殺傷力除了“永遠不會錯”、可以讓聽者任意解讀之外,更重要是越多概念性詞語就越看似“高大上”,聽者的心態(特別是中剷)不是真心膠暗啞底拼命理解,就是像《國王的新衣》的群眾,有幾多個會直言踢爆“唔知你up乜9”呢?

    //要用未來的價值培養孩子

    呢句用“要培養孩子(於)未來的價值”會更易於明白。從搵食角度而言,兒童“價值”很低,唯一有的是兒童會成長,所以變相兒童有的等同於期權是“時間值”。“未來的價值”,同情地理解,應該是希望現有的時間值能於將來變現吧?

    //專門中出無極限的愛情動作電影的男主角?

    呢個似系“生命製造工作示範“多啲

    //姑且就當「做回自己」就係指「做自己喜歡做的事,以自己喜歡的方式過活」

    很多心靈學派都中意用「做回自己」呢類jargon,但卻沒指明「做自己喜歡做的事,以自己喜歡的方式過活」是「做回自己」的最基本意義(但並不完全,下面會講多啲);連基本意義都唔講清楚就成日9吹「做回自己」,就好容易成日鬧出笑話,信者亦很容易被忽悠。

    //10. 為孩子參加無數「證書課程」以增加孩子生命的份量。
    //魔:咩叫「生命的份量」?可唔可以寫成「以提高孩子的『履歷』」?

    我估佢用「生命的份量」是指能實際被他人value的東西,而「履歷」則屬門面一類,所以用世俗語言,應該指「以提高孩子的『競爭力』」。

    //14. 他滿足和欣賞自己嗎?他能安然於自己嗎?他可以和自己和平相處嗎?他一個人時能悠然自得、樂得自然嗎?
    //魔:咩叫「滿足自己」、「安然於自己」?咩叫「和自己和平相處」?唔通會打自己?定係打JJ?咩叫「樂得自然」?天體?又係完全不能理解,連想成為浪漫廢話的資格都無。


    這些都是心靈學派的jargon。返回「做回自己」的基本意義,反過來就是「只能做別人認為自己需要做的事,以別人認同的方式過活」;這樣就算做得如何出色,其人都多數不能「認同自己」,亦會在心裡冒起「做自己喜歡做的事,以自己喜歡的方式過活」的念頭時有所鬥爭;常見的是好多人自小會被灌輸「不做別人認為自己需要做的事,不以別人認同的方式過活」產生罪惡感,這樣就會冒起「喜歡做的事,喜歡的過活方式」時鬥爭更厲害,繼而「不能和自己和平相處」(可參考《魔警》的吳彥祖)。

    這些jargon不是全無用處,但必須要用世俗語言詳解並輔以實際例子才能講得明白...但其實都唔系咁難解釋嗻,我自己就鮮見有人好似我咁三言兩語就講到基本概念勒!

    //魔:咩叫「這條簡單的道路」,之前都無提過!

    同情地理解,佢在「這條簡單的道路」之後用唔用“。”而用“:”應該講得通。

    //24. 操練生命的厚度,把證書的厚度轉成孩子生命厚度的培育
    //魔:「生命的厚度」,不知所謂,開始有一絲絲浪漫廢話的味道。

    「把證書的厚度轉成孩子生命厚度的培育」,這的確是全篇最像浪漫廢話的一句。

    //整段標點全錯,不能全部用逗號

    佢唔似以前啲《風雲》小說,句句用“!”結尾已經算系咁了

    //26. 有證書不代表有生命力。
    //魔:誰說過「有證書代表有生命力」呢?

    其實全篇嘢只有兩個主題:
    -有證書不代表有生命力
    -「做回自己」才會有生命力

    根本不需要用咁多艱澀拗口的語法、塞咁多概念性詞語和心靈學派jargon來解釋。

    //「活出自我真正價值」//
    //即係點?
    //由上天賦予的獨有價值。//
    //你點知有?你肯定?

    呢啲情況,其實無非都是3個集(set):
    -你想做/喜歡做的事
    -你能力做到的事
    -社會需要的事

    能充分揉合到三樣並找到個人最好平衡點,不是人生贏家都起碼“可以和自己和平相處”。

    //又話唔競爭,又要出類拔萃。

    只能說“在自己喜歡的範疇競爭”,會enjoyable得多,亦更容易出類拔萃.

    ///去貢獻自己所有的,去造福社會,讓社區走向美好,變成一個活得自在,又會為身邊有需要的人去付出的人。//
    //咁多要求又點自在?為他人而活必先條件係攪掂咗自己先囉!好冇?叫人付出幫其他人,而其他人其實就係佢自己?

    哈哈,的確有好多人“造福社會”就是“最喜歡做的事”。這類人在“貢獻自己”時是不會有任何鬥爭的。

    //係失敗嘅人諗出嚟安慰自己。
    不一定。當然積累到一點“別人認同的成就”,通常伴隨一定的物質生活水平,總好過“乜成就都無”的人的;我不知道“寧願寶馬車上哭,都不要自行車上笑”對不對,但肯定“寶馬車上哭一定好過自行車上哭”。

    //講到孩子同生命係兩個個體咁!
    //佢仲開埋班添!底已起,唔怪得滿口生命喇!原來又係開班達人
    //寫咗11次「生命」

    這就是為何咁多概念可以用世俗語言都唔用,而夾硬用咁多概念性語言(例如“生命”):因為更顯“高大上”也.

    //支持魔術師轉行教中文
    //不過相信魔術師教一個月就支持唔住

    正如周顯大師所言:“會考是考八股文, 考的是聖人之言, 太新穎的見解就不會獲得接受, 因此會考甲等的人, 寫出來的文章很多都是腐朽難看。”我估古龍用佢寫武俠小說手法考會考應該會唔合格。

    另外,“從寫中文的角度去看, 四字成語是陳腐的表達, 不是不能用, 而是必須用得很小心, 甚至是盡量少用, 文章才不會寫得老套”。這亦是之前林鄭一篇小六作文的一大缺點,當然魔兄班舊同事在彈之餘,根本未夠班一語道破問題所在。

    回覆刪除
    回覆
    1. //“銫133原子基態的兩個超精細能階間躍遷對應輻射的9,192,631,770個週期的持續時間”
      //不能避免是,當homo sapiens的頭腦越發達思想越複雜,抽象概念就越多,要描述就越需要概念性詞語。

      哈哈,去到量力物理,要研究原子的組成,一樣係要充滿想像力地去暸解那些抽象的數學概念。

      //《孫子兵法》

      我反而只覺得《孫子兵法》最前嗰三四個章節,亦即係講high level strategy嗰幾章可讀性最高,雖然有啲「阿媽係女人」 feel,但我覺得呢幾章的目的正是 inspiration,俾提示你等你自己思考,而唔係一招一式講俾你知;後面嗰啲章節概念上同前面重覆,講 execution 又會跟現代脫節。嗰篇《洗脑术:怎样有逻辑地说服他人》提及《孫子兵法》,只係因為依家有極多工管人偽託《孫子兵法》出書歛財而已(即係投資書係唔係都提及畢老個名一樣)。

      //相關底層知識深厚的話可能會受用不淺,但底子淺薄的就可能聽了一萬次,仍然解決不了任何問題

      無錯,浪漫廢話某程度上是可以很inspirational的:盲拳打死老師傅,胡說八道一句,隨時可以令你「頓悟」;但事實是你自己的修為已經頗高,跟「頓悟」只差那麼的一小步,浪漫廢話的inspiration只係對你的一個trigger point而已。

      //聽者的心態(特別是中剷)不是真心膠暗啞底拼命理解
      //更顯高大上

      中剷係明明聽唔明,卻又礙於面子唔敢承認,所以夾硬來強行解釋扮明白而已。

      //從搵食角度而言,...同情地理解,應該是希望現有的時間值能於將來變現吧?

      問題係阿社工先生佢認為「搵食」唔係最重要呢。

      //為孩子參加無數「證書課程」以增加孩子生命的份量。
      //「以提高孩子的『競爭力』」

      哈哈, 摩摩說得對. 我係注重佢前文後理,講緊嘅應該係入名校的「portfolio」。以一般造句來說,應該用摩摩的寫法。

      //佢唔似以前啲《風雲》小說,句句用“!”結尾已經算系咁了

      依家啲妄民就句句用省略號。

      //其實全篇嘢只有兩個主題:
      -有證書不代表有生命力
      -「做回自己」才會有生命力
      根本不需要用咁多艱澀拗口的語法、塞咁多概念性詞語和心靈學派jargon來解釋。//

      //呢啲情況,其實無非都是3個集(set):
      -你想做/喜歡做的事
      -你能力做到的事
      -社會需要的事

      能充分揉合到三樣並找到個人最好平衡點,不是人生贏家都起碼“可以和自己和平相處”。//

      我諗我地比呢位註冊社工更暸解佢自己想寫乜。

      //的確有好多人“造福社會”就是“最喜歡做的事”。這類人在“貢獻自己”時是不會有任何鬥爭的。

      勇武笨土「貢獻自己」參與暴動,當時一腔熱血,到依家見到糧油等人,「義士」又被捕坐牢,咁又會唔會「跟自己鬥爭」呢?

      //因此會考甲等的人, 寫出來的文章很多都是腐朽難看。

      D,我當年會考中文就是攞A的。

      //當然魔兄班舊同事在彈之餘,根本未夠班一語道破問題所在。

      佢地擺明係愚昧的中剷喇!

      刪除
    2. //有幾多個會直言踢爆“唔知你up乜9”//
      唔係薯片背後教你呃 like 果班人囉! XD XD XD
      都唔夠料睇穿,又點會踢爆。聽落咁有型,咋咋林埋堆叨叨光都黎唔切啦!既然已經係一份子,到有人拆穿佢嘅時候等同踢我竇一樣,當然係奮力還擊啦!

      //呢句用“要培養孩子(於)未來的價值”會更易於明白。//
      咁係咪即係要增加佢猛叫人唔好增加嘅競爭力?

      //「生命的份量」⋯⋯ 應該指「以提高孩子的『競爭力』」//
      咁究竟即係要增加定唔增加小朋友嘅競爭力啫?

      //根本不需要用咁多艱澀拗口的語法、塞咁多概念性詞語和心靈學派jargon來解釋。//
      裝模作樣!騎呢當有型!

      //的確有好多人“造福社會”就是“最喜歡做的事”。這類人在“貢獻自己”時是不會有任何鬥爭的。//
      咁快啲來造福我啦!

      //係失敗嘅人諗出嚟安慰自己。
      不一定。當然積累到一點“別人認同的成就”,通常伴隨一定的物質生活水平,總好過“乜成就都無”的人的;我不知道“寧願寶馬車上哭,都不要自行車上笑”對不對,但肯定“寶馬車上哭一定好過自行車上哭”。//
      即係好似電視劇嗰啲人話「你做咁多壞事,你夜晚黑瞓得着咩?」『Errr 瞓得着喎!』

      //我諗我地比呢位註冊社工更暸解佢自己想寫乜。//
      其實佢都係唔知自己想講咩,只係我哋係佢堆 nonsense 入面 try to unscramble it so it make sense to normal human beings。

      一個小學生當然係以臨摹摹仿為主,寫出流��句子係根基。慢慢再建立個人風格。但阿黃生未有根基已有瘋格!

      一個開咁多乜乜家庭中心乜乜生命工程嘅中學生,仲要極可能中文唔合格。只不過係叫人唔好幫襯其他神棍,過嚟幫襯佢呢個神棍啫。憑咩?咪同周星星套戲咁講「乞衣中嘅霸主」一樣,黄生就係「神棍中嘅霸主」。聽落好有氣勢,其實咪又係乞兒同神棍!

      刪除
    3. //中剷係明明聽唔明,卻又礙於面子唔敢承認,所以夾硬來強行解釋扮明白而已。

      因為越high level strategy的抽象描述會越多概念性詞彙,表面就越近似無實質內容的浪漫廢話;中剷不能辨別,又礙於面子唔敢問,唯有扮明白了。

      //要用未來的價值培養孩子
      //問題係阿社工先生佢認為「搵食」唔係最重要呢。

      佢系講緊一般父母的做法,所以“未來價值”應該是可以實際變現的那種。

      //勇武笨土「貢獻自己」參與暴動,當時一腔熱血,到依家見到糧油等人,「義士」又被捕坐牢,咁又會唔會「跟自己鬥爭」呢?

      後悔就有(“跟自己鬥爭”是實時的行為,而不是事後先來鬥爭),一時情緒上頭不代表真正喜歡;如果真系好似毛煮直“與天鬥其樂無窮,與地鬥其樂無窮,與人鬥其樂無窮”天生就喜歡食呢行飯,就真系十萬五千哩逃亡都無怨無悔勒...不過佢地學X到老毛咩!

      //D,我當年會考中文就是攞A的。

      其實我想講,我都系... XD

      周顯大師呢嘢我都覺得以偏概全,識寫嘢而識考試不是沒有,自細睇武俠小說上晒腦但中四作文唔合格的黃易,結果短期狂谷考試技巧之後攞A的。

      刪除
    4. //呢句用“要培養孩子(於)未來的價值”會更易於明白。//
      //咁係咪即係要增加佢猛叫人唔好增加嘅競爭力?
      //「生命的份量」⋯⋯ 應該指「以提高孩子的『競爭力』」//
      //咁究竟即係要增加定唔增加小朋友嘅競爭力啫?

      佢呢兩句是指一般家長的做法,所以佢最終所指的競爭力是現實社會認受的那種。

      //咁快啲來造福我啦!

      不能否認世上真的有呢類人,我相信德蘭修女就系其中一個。

      //我們能想像及預計到,孩子在未來就算是多麼的成功或是有成就,他都不快樂。//
      //係失敗嘅人諗出嚟安慰自己。
      //即係好似電視劇嗰啲人話「你做咁多壞事,你夜晚黑瞓得着咩?」『Errr 瞓得着喎!』

      返去主題先。佢個主題是“如果孩子不能做回自己,就算是多麼的成功或是有成就,他都不快樂。”

      如果一個人一直做緊一樣自己不喜歡的事,通常在呢個範疇都不會有出類拔萃的成就,但養活自己,甚至成為一個高收入中剷,也是很有可能的。

      但這類高級中剷,很多都是真係唔太開心,最簡單例子就是佔其收入比例極高消費,又或者要不停上各類宗教或靈修班,但上好多年都無寸進;另一個例子是用極高價錢以求買回自己的童年夢想,例如年前有匯豐女大班以過億學費搵世界社交舞冠軍上堂,但好似覺得課不對版搞到要告上法庭...呢類例子其實都見過好多,例如之前個網友阿米,不多贅了。

      的確有好多熱愛自己事業的富豪,反而用錢消費很少,因為日日都投入於自己事業,並樂在其中。

      但社會底層的確更多每日做住自己不喜歡的事的低收入人士。如果光從收入論,反正都系做自己不喜歡的事,咁收入高啲點都好啲啦!

      至於問人夜晚瞓唔瞓得着,我覺得自己瞓得着的人,哪怕晚晚瞓草蓆,又點會咁得閒理人瞓唔瞓得着呢?

      如果自己都瞓唔着,哪怕你瞓龍床,又邊有資格質疑人地瞓唔瞓得着呢?

      刪除
    5. //其實佢都係唔知自己想講咩,只係我哋係佢堆 nonsense 入面 try to unscramble it so it make sense to normal human beings。

      如果睇完佢嗰堆nonsense,仲去參加佢嗰啲course,就真係浪費生命嘞。

      //「乞衣中嘅霸主」一樣,黄生就係「神棍中嘅霸主」。聽落好有氣勢,其實咪又係乞兒同神棍!

      神棍撞到上報紙,都咪話唔叻!

      //因為越high level strategy的抽象描述會越多概念性詞彙,表面就越近似無實質內容的浪漫廢話;中剷不能辨別,又礙於面子唔敢問,唯有扮明白了。

      正解。

      //就真系十萬五千哩逃亡都無怨無悔勒...不過佢地學X到老毛咩!

      學娘仲痕咁以9秒9跑上的士逃亡囉!

      //其實我想講,我都系... XD

      記得《「學霸」都有落泊時》中有提過 :b

      //佢呢兩句是指一般家長的做法,所以佢最終所指的競爭力是現實社會認受的那種。

      應該只係入名幼稚園/小學所認受的競爭力...

      http://hk.apple.nextmedia.com/realtime/news/20170408/56537765
      廠商會中學英文科主任鄧美儀認為,今年卷三整體較去年艱深,需要考生聽寫的深字較多,如communist government(共產主義國家)、architecture(建築)及tractor(拖拉車)等,以甲部聆聽為例,多達13分、即佔約4分1分數屬一系列為長題目,雖然列明考生不用答完整句子,但因錄音本身語速較快,又要消化9道長題目,每題要紀錄2至3個答案重點,鄧料能力較弱的考生難以應付。

      乜唔係話依家幼稚園都要識1000個生字架咩? 中六程度,Communist governement, architecutre, tractor 都叫深?

      //如果一個人一直做緊一樣自己不喜歡的事,通常在呢個範疇都不會有出類拔萃的成就,但養活自己,甚至成為一個高收入中剷,也是很有可能的。
      //這類高級中剷,很多都是真係唔太開心

      所以咁多人都想做收租仔,財務自由囉!

      但事實上,就算佢地真係可以靠收租過日,佢地都唔會開心嘅:因為呢類人,通常唔會知道自己「想做乜嘢」,靠自己就只會係隻 headless chicken,所以先至一世人都循着別人期望的道路走...

      //的確有好多熱愛自己事業的富豪,反而用錢消費很少,因為日日都投入於自己事業,並樂在其中。

      所以李+X真係永不言休。

      //問人夜晚瞓唔瞓得着

      「你做咁多壞事,都訓得着;而我勤勤懇懇過活,卻日日睡不知味,上天對我實在太不公平喇!」

      刪除
  8. 魔兄真有耐性,我看到一半就頂唔順了。
    簡單的事複雜化,十足十我以前考作文唔夠字數,夾硬拖長泥寫!
    如此水平都可以做社工!悲哀!

    回覆刪除
    回覆
    1. 好耐無見喇, 熱帶兄.

      //魔兄真有耐性,我看到一半就頂唔順了。

      我會當係EQ和耐性的訓練.

      //如此水平都可以做社工!悲哀!

      相比起憎見蕉都係社工, 呢件嘢碎料喇!

      刪除
    2. 其實, 呢條友嘅內心, 一樣都係空空的. 否則, 使鬼用咁多文字去堆砌佢自己嘅諗法咩.

      講嚟講去三幅被. 有料嘅, 一係就一針見血咁講出重點! 一係就洋洋灑灑數千言, 條理清晰地建構自己嘅觀點, 有理有節. 以家?! 似無病呻吟, 似"生於亂世"嗰啲傷春悲秋囉. DKLM. 睇見就火都嚟.

      刪除
    3. 佢都係sell怪獸嘉獎啫! 啲怪獸嘉獎見到佢識咁多生命嘢,一定當佢神咁拜喇!

      刪除
  9. 這位社工只是偽文青,同情地理解後還有點正常內容可以討論,下面這個真•文青的影評,我卻差點吐血。
    那些兩岸三地的比喻明顯勉強,但戀殖戀到當年大盜拿ak殺人也好像比現在老共盜亦有盜? 如果香港的文青也是這類貨色,香港也真他媽的玩完了。

    http://www.cup.com.hk/2016/05/07/letter
    s-trivisa/

    回覆刪除
    回覆
    1. 其實我都寫咗:
      https://magicianyang.blogspot.hk/2017/03/trivisa.html

      真係幾好笑!

      //在我看來,三大賊王的身份寓意兩岸三地的命運。靠橫財發達卓子強傲慢如香港;帶閩南話口音的葉國歡靠走私賺大錢,彷彿影射台灣;季正雄龜縮在馬會一角,虎視眈眈對街金舖,則寓意澳門。//

      //「樹大招風」有香港電影中罕見 97 回歸前的時代精神(Zeitgeist)。如今回看當年叱咤尖沙咀金舖的省港旗兵,不免有點欣賞其個人英雄主義。可惜,這種樹大招風的氣燄是不能在「回歸」的時代勢力下延續。電影中借黑槍拆家之口說出「九七後連飯都冇得你食」,事實上回歸後,再無吃大茶飯的賊王,就連四大天王這樣的明星也近乎絕跡。//

      刪除
    2. 呢篇嘢應該是寶島文青之作。

      «樹大招風»唔上得畫,可«一念無明»已經在上面全國以我城方言上映(我星期一晚就在上面睇的)。呢個行動應該是殺人政權向傷港影圈示好之作,套嘢最終應該可以收到一兩千萬人仔票房,一套純環繞我城題材的文藝片如果有此成績,可以証明蝗國能給與我城題材更大空間發揮(前提是內容唔好反動),事實上«點五步»都在上面上畫了。呢兩套嘢都是特衰正苦電影發展基金資助的,如果旗下一個地方正苦資助的電影都唔俾上,殺人政權也太欠自信了吧?不過«一»全國粵語播放,可能卡片蘇都落咗啲嘴頭。

      本來我想講«Z風暴»時順便推介埋«一念無明»,不過呢幾日真係無時間寫咁多,只能借呢度推介了.

      刪除
    3. //在回歸前幾個月,我有幸去過一次香港。當時年幼的我還未能感受到山雨欲來的變遷,路過尖沙咀的金舖時,父母會下意識地抓緊我的手。但我至今仍難忘當時整潔的市容,友善的服務態度和科學館的新奇。

      如今,那些省港旗兵早已銷聲匿跡,不是關押在赤柱,就是斃命於中國。走在尖沙咀街頭,金舖開了一間又一間,比紫荊花謝得還快,不用擔心被打劫,倒是要小心別撞到水貨客的手推箱。//

      條偽文青唔駛問都係呆灣仔

      居然將[擔心被打劫]同[要小心別撞到水貨客的手推箱]並列
      已經笨到無朋友

      那怕係咁垃圾既類比, 佢已經作出佐作者既修飾
      路人驚既唔係被打劫, 而係被AK47 流彈誤中
      - 以店舖角度, 更係由《擔心被打劫》進化為《有遊客用手推車買金走》

      《被手推車碰到》比《被AK47流彈打中》更壞?
      香港很危險, 作者應該去敍利亞旅遊

      刪除
    4. 各位心水清,我居然無留意到。

      刪除
    5. //呢個行動應該是殺人政權向傷港影圈示好之作,套嘢最終應該可以收到一兩千萬人仔票房,一套純環繞我城題材的文藝片如果有此成績,可以証明蝗國能給與我城題材更大空間發揮(前提是內容唔好反動),事實上«點五步»都在上面上畫了。呢兩套嘢都是特衰正苦電影發展基金資助的,如果旗下一個地方正苦資助的電影都唔俾上,

      其實我又覺得蝗國呢種處理只係「返回正軌」,無話矯枉過正罷了.

      //殺人政權也太欠自信了吧?不過«一»全國粵語播放,可能卡片蘇都落咗啲嘴頭。

      嘩,乜你講到看守政府都咁落力呀!

      //我有幸去過一次香港
      //以店舖角度, 更係由《擔心被打劫》進化為《有遊客用手推車買金走》

      初頭我以為佢係來港旅遊的蝗國人, 但睇睇下佢又十分不屑班旗兵, 都覺佢似係寶島人.

      //《被手推車碰到》比《被AK47流彈打中》更壞?

      呢啲先叫離地.

      刪除
    6. //本來我想講«Z風暴»時順便推介埋«一念無明»,不過呢幾日真係無時間寫咁多,只能借呢度推介了.

      DKLM, 啱啱睇完《S風暴》,劇情支離破碎又犯駁,無無謂謂咁,search咗一陣竟然半篇負評都無, 乜Q 石旗之類仲夠膽大讚,呢啲圍威喂鱔稿真係遺害傷港影壇.

      刪除
    7. // 石旗之類仲夠膽大讚,呢啲圍威喂鱔稿真係遺害傷港影壇.

      石旗算把啦,我已經好耐冇理佢D影評了.

      //順便推介埋«一念無明»

      «一念無明»我前幾日都睇左,覺得算係言之有物的港產片。余文樂我覺得做得唔錯。印象最深刻係條耶撚女...魔兄有興趣不妨寫下影評。 (出DVD之後?)

      刪除
    8. //石旗算把啦,我已經好耐冇理佢D影評了.

      睇見佢痴埋傷港JJ度,就知道點解《十年》同《樹大招風》會得獎。

      //魔兄有興趣不妨寫下影評。 (出DVD之後?)

      摩摩推介咗喇,出咗DVD先寫,cap 圖易啲。

      無想咁講,我會理解成的啲影評仲好過石旗XD

      刪除
    9. //DKLM, 啱啱睇完《S風暴》,劇情支離破碎又犯駁,無無謂謂咁,

      哈哈,我仲未睇《S風暴》,咁我估都係得閒無嘢做先點播甚至撞啱翻做睇算了.

      //«一念無明»我前幾日都睇左,覺得算係言之有物的港產片。余文樂我覺得做得唔錯。
      //就知道點解《十年》同《樹大招風》會得獎。

      消毒一下: 《一念無明》其實都有弱點,例如對各人前因交待不完全清楚,只靠對白描述; 成套戲主題與其話環繞鬱躁症,不如話中英文戲名講晒: 故事所有人在這個"mad world"現在的遭遇,都是來自過去自己和身邊所有人的"一念無明"--但臨尾個字幕又好似夾硬兜返; 不過總體來講算係好戲啦.

      《樹大招風》以戲論戲算中上,但個人覺得在杜Sir銀河系列中不算突出,林家棟亦不見得好過余文樂,聲勢咁強真係因為"類《十年》情結"大於一切.

      刪除
    10. //哈哈,我仲未睇《S風暴》,咁我估都係得閒無嘢做先點播甚至撞啱翻做睇算了.

      我睇下今個星期寫唔寫啲嘢出嚟鬧。

      //故事所有人在這個"mad world"現在的遭遇,都是來自過去自己和身邊所有人的"一念無明"

      即係又係大隻佬 - 唯有業隨身。

      //聲勢咁強真係因為"類《十年》情結"大於一切.

      一年拍一套,必定攞獎。

      刪除
  10. //神棍撞到上報紙,都咪話唔叻!//
    JJ 打面咪上報紙囉! XD XD XD

    //不能擔當自己角色,不能做心中的自己,生命中長存一份從不滿足的空虛。 //
    先要解釋下個前設,咩叫自己角色?咩叫心中嘅自己?
    如果我幫佢界定自己角色心中嘅自己就係以自己嘅能力去做自己可以做到嘅嘢。咁呢段說話係成立嘅。
    如果我話一個人好貪心,想不勞而獲,一心想做一個大富翁,認為呢個就係佢自己嘅角色心中嘅自己,咁呢個人一樣係永遠得唔到滿足,一樣係成日都好空虛㗎喎!
    但係呢兩個人嘅心態就係好唔同。所以呢一段都係浪漫廢話!

    心態好嘅人,無論如何到最後佢都會係開心。假若佢有喜歡做嘅嘢,真係好想好想做嘅。到最後佢都會去做,出盡渾身解數都要去做。假若佢冇乜乜特別鍾意做嘅嘢,佢又做緊一啲唔係太喜歡嘅嘢,佢慢慢都會改變自己嘅心態去欣賞自己而家唔喜歡做嘅嘢,然後調節成為自己喜歡做嘅嘢。
    相反,成日抱著「又要馬兒好,又要馬兒不吃草」呢啲心態,永遠都唔會開心,因為根本冇「想做嘅嘢」呢回事!咁你話做唔到自己想做嘅嘢係會唔開心,實啱架喎!但係佢要有自己想做嘅嘢先得架!
    所以呢段都係浪漫廢話黎!

    或者咁講,浪唔浪漫就見仁見智,但係一定係廢話囉!

    講呢啲廢話嘅人好多時係為自己辯護。呢個神棍只有中學畢業,考成點都無人知,冇大學文憑,冇其他證書,你睇佢寫嘢寫成咁樣,我諗個書都睇唔多過兩本:聖經同單車入門。憑咩大家要上佢嗰啲咩咩生命咩咩天使家庭?因為你地 (我) 唔開心囉!但係你哋 (我) 唔開心呢,唔係你哋 (我) 嘅錯,係社會嘅錯!係咪好啱聽呢?係咪好靈驗呢?重唔仆倒去上堂!

    回覆刪除
    回覆
    1. //JJ 打面咪上報紙囉! XD XD XD

      堂堂藍大學生,一般有中社工又點能夠跟佢地比呢?

      //如果我話一個人好貪心,想不勞而獲,一心想做一個大富翁,認為呢個就係佢自己嘅角色心中嘅自己,咁呢個人一樣係永遠得唔到滿足,一樣係成日都好空虛㗎喎!

      咁呢位仁兄所想做嘅嘢根本就係幻想。

      //假若佢有喜歡做嘅嘢,真係好想好想做嘅。到最後佢都會去做,出盡渾身解數都要去做。

      Do what you love.

      //假若佢冇乜乜特別鍾意做嘅嘢,佢又做緊一啲唔係太喜歡嘅嘢,佢慢慢都會改變自己嘅心態去欣賞自己而家唔喜歡做嘅嘢,然後調節成為自己喜歡做嘅嘢。

      Love what you do.

      //成日抱著「又要馬兒好,又要馬兒不吃草」呢啲心態,永遠都唔會開心,因為根本冇「想做嘅嘢」呢回事!咁你話做唔到自己想做嘅嘢係會唔開心,實啱架喎!但係佢要有自己想做嘅嘢先得架!

      唔開心, 因為呢位仁兄都唔知自己想做乜.

      //我諗個書都睇唔多過兩本:聖經同單車入門。

      哈哈, 笑咗!

      刪除
    2. //心態好嘅人,無論如何到最後佢都會係開心。

      那世上心態不好的人遠比好的人多得多.

      東方教育其中一個最惡毒之處,是會向兒童灌輸罪惡感或恐懼感進"不跟隨大眾認同價值觀的行為和生活方式",中招的人如果本身喜歡的比較另類,內心的壓力就會很大,這就是所謂鬥爭。我相信那個阿米除了理性上信服佢老豆所謂"畫漫畫會乞食"外,亦有對"以漫畫為業"呢個取向產生了由心的罪惡感或恐懼感.

      這是其中一個所謂"鬥爭"的泉源.

      傷港成年人世界中,這類心態不好的人太多了; 真的非常喜歡的話或者可以涅槃重生,但是否喜歡但沒到這個地步的人除了對自己的人生和稀泥外就別無他法,然後一句佢自己心態不好就打發走呢?

      刪除
    3. //我相信那個阿米除了理性上信服佢老豆所謂"畫漫畫會乞食"外,亦有對"以漫畫為業"呢個取向產生了由心的罪惡感或恐懼感.
      //傷港成年人世界中,這類心態不好的人太多了

      阿米佢應該係對「不確定」有極大的恐懼,所以佢無論係「唔敢畫漫畫為業」、「怕仔女輸在起跑線」、定係「買納米樓做收租仔」等,內心都有一番「鬥爭」, 而往往佢會覺得佢自己想做嘅事(「做回自己」)在現實上都會take risk(起碼隨眾可以見到expected result), 故此便會覺得「時勢逼自己」隨眾.

      當然,阿米(以至大部份對生活牙痛咁聲的中剷)唔會發覺呢種想法係一個偽命題:每個人都有「自己」,每個人都唔同,故此「做回自己」當然會行一條同其他人唔同嘅路,亦即係唔會有expected result俾你見到, 所以「做回自己」與 take risk 其實係一體兩面的事情.

      //但是否喜歡但沒到這個地步的人除了對自己的人生和稀泥外就別無他法,然後一句佢自己心態不好就打發走呢?

      所以阿乜sir的收租財自班才咁多港豬捧場...佢地無呢種狠勁去brand new地「做回自己」,於是便用「做收租仔」間劏房呢種似乎可以「隨眾」的方法得到足夠的「被動收入」,再發其「做回自己」的春秋大夢.

      刪除
    4. 嘩哈哈,我好耐無泥囉喎,估唔到都仲係loop响我個名嗰度?

      『以至大部份對生活牙痛咁聲的中剷』

      無啦。我move on左,學你話齋,呻完我既生活又唔會好左,咁仲呻泥做咩?我而家生活好好呀。

      刪除