2017年9月2日 星期六

十號風球下的博士K

每次有特別事件,前同事博士K例牌都會出嚟搞吓笑。好似早前打十號風球,博士K個寶貝囡就好中剷港孩地要老豆帶佢落街「感受」下個風。

如果博士K無為咗囝囡校網搬屋的話,佢應該仲係住係荃灣。荃灣大唔大風,危唔危險,出咗事會唔會浪費警力就唔知,魔術師最關心的卻是博士K嗰句「呢幾年我一個人化咗」...
唔通博士K離咗婚?
魔術師八卦心起,馬上私訊前港婦同事怕貓問個究竟:

Typo?語障咋卦?「呢幾年我一個人化咗」同「呢幾年我化咗」係好大分別的。
再諗返,博士K呢位「博士」的語文能力不嬲都幾嚇人。日前妹頭阿女要做問卷功課,廿四孝老母的妹頭又要發動佢的人脈幫拖,叫我地班舊同事幫下手,真係好鬼中剷:

妹頭阿女份問卷有個「生字」"aforesaid",博士K竟然唔識?唔係卦?呢個博士究竟有無寫過 paper 畢業架?英文程度竟然可以咁低?
不過,魔術師將個 screen capture 咗俾前同事A睇,前同事A就話:「可能博士K係曲線讚妹頭阿女,話令千金真係叻,啲英文生字深到呢我呢個博士都唔識。」
魔術師唔係無諗過呢一點,不過妹頭都無響舊公司做好耐了,博士K再擦鞋都無用喎!
魔術師諗還諗,都係前同事A一言驚醒:「可能係博士K啲擦鞋DNA發作呢!」
咁又係喎!魔術師又試以己度人,衰在太過理智了!

14 則留言:

  1. 博士K喺邊間讀博士?笨土定喺英美帝?美帝要GRE冇得咁容易轆過除非喺蝗式請槍...

    呢啲就算第一次接觸都好容易估嘅字真喺冇奶油唔識,咁曲線嘅擦鞋真喺俾着我會當佢真愚蠢

    //要支持吓佢,留有一個特別的記憶

    損手損腳夠晒特別記憶,分分鐘永久性,oh yeeaah

    回覆刪除
    回覆
    1. //博士K喺邊間讀博士?笨土定喺英美帝?

      應該係食屎大.

      //損手損腳夠晒特別記憶,分分鐘永久性

      有乜事咪整個紋身遮住佢囉.

      刪除
  2. //呢幾年我一個人化咗//
    可能係「呢幾年我個人化咗」。
    Or
    佢一個人化,佢老婆就唔化!

    我會鼓勵佢帶埋佢啲基因去最危險嘅地方,如果唔係體驗條毛!開風扇算啦!順便加 natural selection 速度!

    //可能係博士K啲擦鞋DNA發作呢!//
    奴性重!

    回覆刪除
    回覆
    1. //佢一個人化,佢老婆就唔化!

      我覺得呢個似啲 XD

      //我會鼓勵佢帶埋佢啲基因去最危險嘅地方
      //順便加 natural selection 速度!

      長埋黃土,第日變石油對世界仲有好處.

      //奴性重!

      呢啲應該叫「人際關係奴」, 好似唔同人打好關係就唔安樂咁.

      刪除
    2. 我有幾個同事都係咁。令人覺得佢地好假。

      刪除
    3. //令人覺得佢地好假

      最近坊間流行一種說法, 就係「懷着謙卑的心」, 尤其是有某些財演博客, 講到自己好似乜都唔識,只要係見到有亮點的人和事都會話厲害, 好似發現新大陸咁;但同時呢啲財演博客卻又開班開分享會出書又在各大霉體供稿, 都唔知係乜居心.

      刪除
    4. 睇到真是想屌你老母,小小支野就扮到好大碌,真是好想切柒左他。

      刪除
  3. 八号風己應要留在家中。呢D有識之士係高分低能,連基本教育都唔識,反而教埋D唔等駛既嘢。
    一街D樹吹到斷,街燈都吹爛,D讀書人真.人定勝天乎

    回覆刪除
    回覆
    1. //呢D有識之士係高分低能,連基本教育都唔識,反而教埋D唔等駛既嘢。

      佢講到阿女有要求(帶佢落去感受下個風), 佢做老豆嘅係無法拒絕呢下嘢搞笑.

      刪除
  4. //作為老豆我有選擇嗎?

    博士K應該睇下《貪狼》,當自己系古天樂,諗下自己個女突然帶條柒青出嚟話要同佢結婚仲要有埋餡時,自己會唔會講“我有選擇嗎”

    回覆刪除
    回覆
    1. //博士K應該睇下《貪狼》

      上次 gathering,博士K話自己無時間睇戲,返工湊仔湊女已用完佢整天的精力。

      //諗下自己個女突然帶條柒青出嚟話要同佢結婚仲要有埋餡時,自己會唔會講“我有選擇嗎”

      以佢呢種好沒來由,哪怕是陌生人都怕得失人的性格, 佢應該唔識講「唔好」...

      刪除
  5. //前港婦同事怕貓

    貓都好怕嘅? XD 唔記得魔兄有講過呢嗰港婦

    回覆刪除
    回覆
    1. //貓都好怕嘅?

      基本上佢只要唔係人,會郁嘅動物佢都驚.

      //唔記得魔兄有講過呢嗰港婦

      我講佢起碼講咗7、8年, please google:

      魔術師的伊謝爾倫日記 怕貓

      刪除