2017年11月28日 星期二

「出咗院未呀?」

自入院以來,很多謝各方友好、親戚朋友、舊同學、新舊同事、與及網友們的慰問,魔術師將會在後天(2017年11月30日)出院,看來資產配置月結將可如期進行。
魔術師一向對文字是很敏感的,同人溝通好多時會考慮一下對方遣詞用字背後的意思,即 read between the lines。在收多芸芸咁多嘅慰問當中,最令魔術師感到無奈的就是「出咗院未呀?」呢句。魔術師知道人家都是一番心意,不會反唇相譏,但劈頭一句 Whatsapp / WeChat / FB Messenger 而無任何後續解說,魔術師卻不禁會有以下解讀:
1. 如果「出咗院未呀?」呢句係明知人家要入院做手術,同時又只係在手術後幾日就問,魔術師就會覺得問呢句的人一係無常識(竟然以為斷了腿骨可以在數天內康復出院),一係就係無良心/同理心,一係就係無腦。以下例子出自某新同事之 whatsapp,魔術師就認為三者皆是。

2. 求其一句「出咗院未呀?」,魔術師感覺就好似「阿仔,你做咗功課未?」一樣,即係應該做但疑似未做,唔係單純問句而係有 implication 或 expectation,好似講到魔術師早應出院但未出院咁。
3. 問「出咗院未呀?」的人,其實又希望病人點答呢?答「未」,就同上文一樣,好似 out of expectation;答「出咗院」,又好似好唔夠朋友咁,受傷就講俾你知,出咗院就唔聲唔聲無 update,實在是叫人為難啊!
其實轉個方向問「傷勢進展點?」、「醫生有無話幾時出院?」等等mild啲的問句已經很好了。抑或「現袋人」只識用短句、Emoji 表達自己?連體面的慰問句都唔識寫?

41 則留言:

  1. WhatsApp 又的確令人求其左
    Max

    回覆刪除
    回覆
    1. 我希望佢係無諗過就寫,否則佢真係太無人性。

      刪除
  2. 我覺得"死得未?"最親切 XD

    當然這是要很老死的沙煲兄弟先問得...

    不過魔兄都算出院得快,我仲估你起碼要呢個星期六。

    回覆刪除
    回覆
    1. 「死得未」我反而接受到,明知佢係開玩笑。

      佢以上嗰句我真係分唔到佢係無諗過只係一句inappropriate icebreaker抑或係真係叫我跛住都要返工,我只能從多方面推敲他的想法(尤其是佢係球迷,應該知道一般來說腿骨手術的康復進度)。

      當然如果佢真係無思考過就問,我就無法「想其所想」。

      謝謝摩摩鼓勵!不過星期六無醫生,星期五出唔到就要等到下星期一了。

      刪除
  3. 魔兄,呢類算好架啦!

    當年內子俾醫生判斷無得醫時,當晚收到一個無頭無腦的Whatsapp Message:"相信醫生!"。

    仲有,係老婆病情最差嘅時候,收到:"我的廿幾年珍藏係淘大倉事件毀咗,我都無放棄呀..."將內子條命同佢啲漫畫珍藏相比!

    你班友唔知頭唔知路,行行哋講句:"加油!"咪算囉,係咪瞭交打啊!

    回覆刪除
    回覆
    1. //"相信醫生!"。

      呢句真係攞命。

      //係老婆病情最差嘅時候,收到:"我的廿幾年珍藏係淘大倉事件毀咗,我都無放棄呀..."將內子條命同佢啲漫畫珍藏相比!

      其實,我真係衷心希望所有人都可以在留言慰問之前「停一停,想一想」,先想想人家會有有何感受才寫吧(我又想起「內子」和「相逢恨晚」的例子)。

      刪除
  4. Hey man, have you been discharged?
    Depends.
    Depends on what?
    Depends on why you're asking.

    回覆刪除
  5. 叫你仆住都要 back to work 呀!
    完全唔使 between the lines。都好直白啦!

    回覆刪除
  6. 「出咗院未呀?」
    「呀你問得好,未噃,咁我book定你,我出院嗰日,記得嚟醫院接我出院喇噃,最好順便買齊食嘅嘢你知喇我行動不便嘛。(如果喺靚女再加:可唔可以幫我洗白白吖)XD」

    回覆刪除
  7. 唔似係慰問喎,似係叫你快D返工。

    回覆刪除
    回覆
    1. 最弊嗰條只係𡃁仔,唔係包青天上司。

      刪除
  8. 你諗多咗囉... 其實佢潛台詞係,佢工作上有嘢唔明,問你出咗院未係「ice breaker」,同「今日天氣幾好喎」作用係一樣的。原意上,佢只係想破完冰之後希望你答「出咗院喇」,咁佢就可以問工作嘢喇。點知俾你句「未」打斷咗佢得一個設定的programme(君不見佢 emoji是冷了一下,因為佢衷心希望你是答「出咗」的,emoji是表達了佢為自己咁唔empathetic 而冷了一冷,也打擾了你而不好意思,所以冇法再問工作嘢)。而下一句,只係「延伸」佢的關懷... 即係:「唉吔,原來咁嚴重,咁下星期出得院,返返工咪要limp limp吓囉?」

    係關心呀!你怪錯佢喇!

    回覆刪除
    回覆
    1. 你好似諗得仲多XD 我真係晤識 read emoji 火星文。

      你所說都有可能嘅,我有諗過。不過佢係球迷,職業足球員腿部骨折係常事,作為球迷都會留意到呢類手術的康復期不會是一星期(線都未拆到)。術後要做物理治療,未有咁快行得住亦應是常識(難道無睇過任何健康頻道?)。

      同埋,呢位𡃁仔的對面位是印度妺 communications manager (做葵鼠嗰份),印度妹是有 2 days work from home 的,所以𡃁仔亦應知道 WFH 的可能。

      我無問佢what makes you think I can be discharged in 5 days 已經很好。

      如果佢真係無諗過,咁都好啲,我只能説他唔識選擇開場白, connect dots to line 的能力偏低 XD

      刪除
    2. 我家「後生仔」多,咪明囉.... 其實係溝通方法唔同啫.... 呢D嘢任得你interpret的,又唔係model answer攞分... 都係半杯水定半杯水吉的視覺。

      BTW,醫療常識這回事,大吉利是自己/屋企人冇入過院,其實唔識好正常。即係.. 如果我又係以己度人,淨係生過仔時住過院,未夠48小時就會踢你出門口... 咁呀小朋友都過多咗 48小時先問你,真係算禮貌架喇...

      刪除
    3. 「腿部骨折手術」斷估都唔會一個星期就可以跛住得返可以返工,否則就無人需要做以星期或月計的物理治療了。基本上將生活上的見聞 connect 起來就可以deduce 到某些 common sense。

      Benchmark set 到咁低來遷就佢未免太過份,只是叫自我感覺良好,唔使太激心而已。

      刪除
    4. //「唉吔,原來咁嚴重,咁下星期出得院,返返工咪要limp limp吓囉?」

      從"Next week limp back to work?" 睇唔到好似上述嗰含意咁豐富,我覺得頗無禮(尤其是唔熟嘅人)。不如一開始用中文表達會唔會好啲。
      真喺工作上有唔明,倒不如坦白話:唔知你出咗醫院未,如果你出咗院方便嘅話我有啲工作上嘅嘢想請教一吓。

      刪除
    5. //睇唔到好似上述嗰含意咁豐富

      可能係前同事A對得佢嗰幾位大少二少三少多(大嗰個都讀U咯),所以識腦補 emoji.

      //倒不如坦白話:唔知你出咗醫院未,如果你出咗院方便嘅話我有啲工作上嘅嘢想請教一吓。

      係囉。我有時都好懷疑點解唔講一些體面的說話,而用卡通化的 emoji 去表達,徒惹誤會。

      刪除
    6. 根本就冇諗嘢,又咩體面,又咩禮貌,又咩唔好意思想問下你工作問題⋯⋯扯到火星咁遠。
      會用個腦諗下野就唔使攪壇咁嘢啦!就算你解釋佢聽「聽者有意」,佢都 get 唔到。信唔信吖?

      刪除
    7. 肥仔今日傳來噩耗: 佢將不獲續約, 仲話包青天上司唔鍾意佢... 可能佢唔明自己死因.

      刪除
    8. //肥仔今日傳來噩耗

      見微知著,此之謂也。

      不過有時我諗喺唔喺自己已經變成老seafood,啲後生嘅嘢乜都睇唔慣,其實現袋人溝通就喺咁溝法。

      呀,坐喺魔兄身後嘅四朵金花(用屁股BEL你張凳嗰幾嗰)有冇慰問魔兄一吓呢?XD

      刪除
    9. 我在跟妹頭組的年代,跟坐我右手邊的港婦打過交道,叫做熟少少; 其他那些蝗妹偽ABC, 跟本唔相識.

      我 hip fracture 呀! 如果嗰四朵金花真係用個 pat pat 同我打招呼, 肯定痛死我! XD

      刪除
    10. 咁你而家血液集中在身上某一點時個hip又會唔會痛呢? XD

      刪除
  9. 'next week limp back to work?'

    he's trying to be funny 但魔術兄好明顯唔受呢套LOL

    回覆刪除
    回覆
    1. 哈哈, Ryan 你同樓上前同事 A 都係 linguistic 底,見解果然與眾不同!

      刪除
  10. //「今日天氣幾好喎」//
    依家都唔會講呢啲啊!加拿大就會,因為好天氣日子巧珍貴。
    講開呢啲無厘頭嘅開場白,我覺得最差嘅就係「去街呀?」。真想回應佢一句「想點?」
    重有就係打電話嚟問「喂。你係邊個?」我就未試過有人打嚟叫我估佢係邊個,因為我一定會答佢「我估你係老鼠!」XD XD XD
    其實,茅嘢講,就咁「你好。」或者「你點呀?」咁得囉!使咩一定要搵啲嘢講吓?

    回覆刪除
    回覆
    1. 其實,Icebreakers 都要諗過度過,求其一句真係無誠意又無禮貌。

      刪除
  11. 唸唸吓,呢啲社交其實都係家教嘅一種。
    我經常要教啲小朋友落堂時送我出門口呀!叫工人姐姐時要講唔該呀!見到面唔叫名或稱呼都要講聲 hello 呀!有啲小朋友教咗都唔敢做,因為媽咪都冇做,覺得做起上嚟好唔自在。我有啲學生媽咪會著 72 房客包租婆果啲睡衣嚟迎接我㗎!真係嘆為觀止!XD XD XD
    E+ 已經好少小朋友識等齊人先食飯啦!

    回覆刪除
    回覆
    1. 家教即係禮貌,想人所想,知道他人感受。但依家後生多數都係自我中心的 me generation,反證「無家教」已是「大勢所趨」。

      刪除
  12. why would you expect empathy from these people? from what you wrote, you guys are not friend anyway.
    C

    回覆刪除
    回覆
    1. 呢班同事,雖然唔算係朋友,但起碼都有play nice 祝我 get well soon,所以我又唔expect 佢哋完全無 empathy.

      況且,嚴格來說,不需要是朋友也可以有同理心(不是同情心)的。

      所謂「惻隱之心 人皆有之」指的就是同理心(empathy)的。

      Friendship is not a necessary condition to feel empathetic on other people, but humanity is a sufficient condition for such feeling.

      刪除
    2. 唔喺朋友喺唔喺應該更加小心回覆呢。難怪傷巷怨氣咁重咁涼薄,一句唔喺朋友就大條道理話之你喇。

      刪除
    3. 又講得啱呀!在街上行走,不小心墥跌了阿婆,難道就可以話大家部不相識,然後置諸不理麽?

      刪除
    4. I thought we're talking about basic mutual respect.
      你問佢唔係以為五日就可以好番呀?佢嘅回覆一係話我唔知,一係話以為係,但係佢問你下個禮拜係咪可以䟔住返工。好明顯佢就 totally ignore 你啦!佢只係關心你幾時可以返工做返你啲嘢囉!

      刪除
    5. 肥仔今次真係被包青天上司 totally ignore 了.

      刪除
    6. 又證明咗我always right.. kakakaka... 都話佢係有嘢搵你㗎啦...

      關於benchmark.. 寬人嚴己做人會開心啲。個個都同自己一樣咁叻咁高水平的話,咁自己咪變咗冇value囉...
      退一步諗,你要多謝世上有人為你墊底先啱囉。

      出咗院都唔會跛跛吓返工住呀... 你office咁嘅地勢,盡量行得走得先好返!

      刪除
    7. 如果根據幾年前好興的NLP,溝通的意義就是要transmitter有責任要令receiver明白transmitter自己的意思,而唔系當溝通有誤會時,責怪receiver誤解了自己。

      唔通而家更新一代連NLP呢啲jargon都嫌outdated,總之假設自己講乜人地都要受,人地唔受系人地問題?

      我最多只能當街邊有個傻佬亂咁鬧人,自己無必要同佢一般見識而已。如果通街傻佬仲要我感恩...唔怪得"common sense is super power"勒。

      刪除
    8. 前同事A:

      //又證明咗我always right.. kakakaka... 都話佢係有嘢搵你㗎啦..

      Nope, 佢叫我跛住返工係上個星期五, 話俾我知佢不獲續約係尋日, 時間點唔啱. 咪自我感覺良好先得架 XD

      如果佢問我出咗院未係 icebreaker,咁自然應該有「未出院」嗰條 path 的應對. 正如我前面所說, 佢係球迷, 腳要做手術, 一星期內是否可以安全地行到, 其實應該有呢方面的知識.

      //關於benchmark.. 寬人嚴己做人會開心啲。個個都同自己一樣咁叻咁高水平的話,咁自己咪變咗冇value囉...

      對唔同對象會有唔同 expectation. 咁假假地佢係我同事,唔通個 benchmark set 到同清潔阿嬸一樣咩?

      //出咗院都唔會跛跛吓返工住呀...

      用枴杖行平路無問題, 幾級樓級只要唔太高有得扶都可以. 下星期一返工.

      摩摩:

      //總之假設自己講乜人地都要受,人地唔受系人地問題?

      都話明係 Me Generation,當然只會理自己感受。

      刪除