2017年11月8日 星期三

我們都係僱傭兵

以前魔術師在前僱傭兵公司打正旗號就係做僱傭兵,乜 project 都接返嚟,搞到 project management team 班同事個個成手 projects,仲要個個唔同類:魔術師就試過同時手執金融機構、公用事業、米超球會、及K歌之王的 projects,明明做緊某一樣嘢,另一個客一個電話打來就即時要轉台做另一樣嘢,搞到個人無辦法專注做好件事,貪多嚼不爛,好多時會影響產品質素。
而魔術師呢份在舊公司的新工作,雖然都係同做僱傭兵無乜分別,但就只係做一個 project,個人都易 focus 好多。
事關依家成條 team 只係負責一個大 project(delivery time 係以年為單位),負責帶住條 team 的就只有兩個老資格的舊公司長工(組長係包青天),其餘的都係僱傭兵:一係就係由大乾收銀公司(例如「佢來自德誠」,又例如K仔等)派出來的乾收銀,一係就係來自大型獵頭公司(例如 Robert 乜同 Robert 柒),仲有就好似聘請魔術師呢類規模較小的獵頭公司。獵頭公司通常都只係負責跟員工簽約,就連出糧同強積金啲 admin work 都可以外判;而獵頭公司自己就係舊公司的外判商,收返佣金同服務費等。
舊公司即使要俾高啲人工好似魔術師呢類僱傭兵,卻就可以節省甚無謂人的資源同福利,唔需要人時唔續約就得,仲可以唔使俾報紙佬寫「裁員乜七七」。畢竟大機構只會視人為 resources;依家公司都係開 project 多,做完 project 條 team 就散 band 再 reallocate resources,至於 business as usual 就外判到第三世界國家,關人個關。
於是,如果有緣嘅,各位同事有可能會留在舊公司做第二啲 projects 會再遇,否則就各散東西。
魔術師發現呢種工作模式好似比以前定死係妹頭組或美顏組更好:始終大家只是來自不同組織的僱傭兵,並無利害關係,唔會篤死你令自己有得升職,大家都只是萍水相逢的同事關係,合作便只是為了「做好呢份工」,少咗好多假惺惺扮 harmony 的辦公室政治問題。

有個肥仔同事同魔術師頗為好傾,有日見魔術師拎住份人言報便問魔術師對投資是否有心得,仲 quote 埋毒果財經版,結果俾魔術師串咗句:「我都唔睇毒果嘅!」
肥仔:「吓?點解唔睇毒果?」
魔:「毒果班妓者作家嚟架喎!」
另外,又有個高佬同事似乎好鬼留意魔術師的「行頭」,無論係魔術師帶返公司用的 Logitech Master MX 滑鼠、一套三枝的萬寶龍筆、就算連恤衫(Ermenegildo Zegna)都留意一番,成日話魔術師用親都係好嘢,「好鬼捨得」,甚至開聲問魔術師用咗好多年的 LV 公事包「使唔使一萬」...
(圖片來源:Logitech Master MX 2S 官方網站
好在佢無好似黃C前上司咁盯住魔術師條 LV 皮帶...同埋斷估佢都睇唔出魔術師副眼鏡同隻錶...
至於組長包青天,佢係玩 Leica 相機嘅,照計都無咁容易俾魔術師「大」到;但係估唔到俾佢 spot 到枝筆同埋隻滑鼠...有無搞錯!
又,最近有位剛上工不久便辭工的僱傭兵要辭工,話要轉去某蝗企做長工...其實私人機構跟僱員分手無日無之(魔術師都試過喇!),長工跟合約工僱傭兵根本無大分別;蝗企情況可能好啲,畢竟慣咗以蛇齋餅糭打關係,有人情味啲。
比較長工同僱傭兵,無錯長工可能福利好啲,但每年考核的壓力就比較大;僱傭兵反正只係合約工,唔啱做完約唔做便是,考核壓力應該較細,而且薪金方面可以叫高啲價,現兜兜收錢,兩者相比可謂各有優劣。
魔術師想到的唯一問題,就係可能僱傭兵合約未必可以算做「穩定收入」,我城一眾錢莊一向極度保守,借錢買樓可能無辦法按盡啲(魔術師未試過拎張僱傭兵合約,純粹想當然,有錯請指正),呢個亦都係一眾「炒散」的新一袋年青人會面對的問題。
另外,就係呢個包青天組係和尚組(慘),只有一名印度妹做同事,同埋好似有位港妹即將返工,不過都唔知係咪無米粥。
「幸好」,魔術師座位隔離就是另一個 team,請埋成堆疑似是「來自德誠」的偽ABC港女同埋海龜蝗妹,明明可以用流利我城方言溝通,但又偏要嗶喱吧喇講英文,加上成日着埋啲只係比摟屌裙鬆身少少長少少的短裙仔,一副「不吃洋腸誓不休」的造形。
眾女仲要周不時在魔術師背後的座位間行來行去,一時又彎腰俯身同坐在座位的同事傾談,一時又對住個芒指指點點,港女蝗妹的屁股就幾乎成日墥到魔術師椅背!

***
伸延閱讀:
Lindberg 眼鏡初體驗
回頭草(2nd edition)
在黃C上司面前放閃
言出必行買鋼筆

14 則留言:

  1. 只要個港婦唔惡頂,其實你個位真係幾好架 XD

    回覆刪除
    回覆
    1. 阿港婦佢會專登叫「魔術師,早晨!」,叫到我聽到為止架!

      刪除
  2. 海龜蝗妹同偽ABC港女都識我城話嘅話無啦啦用英文想扮乜X嘢呢。英文點好都好,洋腸眼(!)中支那就喺支那㗎啦。

    //好在佢好似黃C前上司咁盯住魔術師條 LV 皮帶

    喺咪打漏咗嗰"冇"字,除非魔兄突然變咗.....XD

    //港女蝗妹的屁股就幾乎成日墥到魔術師椅背

    「以屁股襲魔」案

    其實你個位真係幾好 X2

    回覆刪除
    回覆
    1. //洋腸眼(!)中支那就喺支那㗎啦。

      小農DNA是洗不脫的。

      //喺咪打漏咗嗰"冇"字

      嘻嘻,已改。

      //以屁股襲魔」案

      回帶:

      不要臉!

      剛剛的星期六,發生了一件不要臉的事。星期六晚,我和friends去了中環一間bar玩,那裡大部份是外國人,我自己唔太鍾意去local人的地方。

      那晚兩點多,飲了d酒,人又多又熱,我脫了外套在跳舞。那時有個外國人在我身邊跳,越跳越近,當然,我當是禮貌,便用pat pat碰碰他。他不停望著我微微笑,更和我談話。之後問我叫我和他出去。我心想,什麼事呢?跟他出去,他居然想kiss我!他真的不要臉!他只是在外國做巴士司機!我kiss都和律師kiss啦!


      //其實你個位真係幾好 X2

      班女其實好鬼嘈。

      刪除
    2. //躇
      係咩嚟?

      刪除
    3. XD XD XD 嘈!Refresh 咗之後先見到。

      刪除
  3. 其實你個位真係幾好 X 4

    咪住先, 令唔令嘅先....XDDDD
    令嘅話, 嘈啲無咩所謂. 嘈都係想人望佢啫.

    回覆刪除
    回覆
    1. //令嘅話, 嘈啲無咩所謂. 嘈都係想人望佢啫.

      D, 成陣LKF 港G 格, 靚唔靚真係見仁見智.

      刪除
    2. 嘩. 咁樣樣啊?! 咁真係食自己算數. 通常呢啲都係見到華人就西口西面, 見到西人就一符為食樣.

      刪除
    3. //呢啲都係見到華人就西口西面, 見到西人就一符為食樣.

      中呀!

      刪除
  4. 其實你個位真係幾好 X 5

    另外其實Mouse好重要 我都係用MX 系列 不過舊款用左7年了
    逐個月平均計返其實少少錢啫 好過用cheap mouse整親隻手...

    回覆刪除
    回覆
    1. //我都係用MX 系列 不過舊款用左7年了

      依家呢隻 unifying bluetooth 好似幾好用, 可以隨意配塔唔同型號嘅 keyboard 同 mouse.

      //逐個月平均計返其實少少錢啫 好過用cheap mouse整親隻手...

      我買親貴嘢都係咁諗, 最緊要耐用好用, 用得開心, 俾多啲錢又如何?

      刪除