2018年2月4日 星期日

大貓強逼金又派「錢」(2nd edition)

日前大貓傳來訊息,屯門分行又搞強逼金服務日,只要現有客戶去登記便有超市現金卷送云云。本來宴無好宴,會無好會,去得當然唔會淨係拎完張禮卷便走咁簡單,但魔術師是何等樣人?邊有咁易被人 sell 到嘢?呢張現金卷對魔術師來說真係不拎白不拎:


這天魔術師依時去到分行,原來已經有唔少人在等候。問職員拿了籌再坐定,東張西望期間卻發現了一件很好笑的事:

「此電視提供本地普通話、廣東話及國際英語頻道新聞節目」?
咩叫「本地普通話」?咩叫「國際英語」?
睇返英文版,係「local news in Mandarin, Cantonese and English international news channels」,呢啲英式中文真係好鬼難頂。
「此電視播放(2nd edition)本地及國際新聞節目,有普通話、廣東話及英語可供選擇」得唔得?
好嘞,話咁快就輪到魔術師「入房」領取贈劵。
(網上圖片)
房中那位小姐梗係無咁好身材順攤,要問魔術師幾個問題:「我地依家做緊強積金整合...」
魔術師馬上便回答自己並無其他強逼金戶口。查實魔術師只係年前做兼職時曾經有過暈梨的強逼金戶口,但由於戶口金額太少,一早便將之轉到大貓,亦即係現時的強逼金供應商。又老實講,強逼金半自由行一年只可將現有供款轉換一次,仲要係只限僱員供款部分,僱主部份唔轉得,轉換誘因真係唔大。
(圖片來源:積金局 > 僱員自選安排 > 轉移規定比較
大貓小姐見 sell 唔到強逼金整合,便轉問魔術師:「咁你知唔知道我地最近減咗管理費...」
魔術師於是又懶醒:「你係唔係指 DIS?」
大貓小姐:「都唔只架!例如恆指基金我地都有減價...」
魔術師當場一呆,又真係唔多覺恆指基金有減價喎!
不過,其實魔術師都只係當場俾佢 fake 到,返到屋企一查,其實所謂減價只係聊勝於無:
(圖片來源:致滙豐強積金智選計劃及滙豐強積金自選計劃的計劃參與者之常見問題 (2017年12月), retrieved on 3 Feb 2018)
大貓小姐又繼續 sell:「咁你又知唔知道我地有個自願供款計劃...」
魔術師沒好氣:「都唔使喇!我平時有做開投資的。」
睇返真盈富基金網頁,佢地嘅收費亦只是 0.10% 而已:
(圖片來源:Tracker Fund of Hong Kong Fund Factsheet (31 December 2017), retrieved on 3 Feb 2018)
要吸引到打工仔自願供款,你地班基金經理先要將收費減到低過人地 ETF 再說。作為消費者,依家最聰明的做法就係拎返張超市現金劵仲實際喇!反正又唔係李+X地產霸系的!





10 則留言:

  1. //話咁快就輪到魔術師「入房」

    喺一對一孤男寡女咁?嘩!我以為喺一大班人排排坐添。 可惜唔靚 XD (只是我假設,因為如果靚女魔兄一定會形容一吓嘅)

    回覆刪除
    回覆
    1. //一大班人排排坐

      坐係出面等就係!

      //一對一孤男寡女

      就係咁囉...大貓妹妹仲要主動關房門...

      //可惜唔靚

      你見我無落「異性相吸」tag 就知喇!

      刪除
  2. 挑戰學霸先^_^
    「此電視提供本地新聞(普通話或廣東話)及國際新聞(英語)節目」,好似貼近啲原意。

    回覆刪除
    回覆
    1. 得,但本地新聞也可以用英語廣播。

      上文我有「手誤」,打漏了「本地新聞」,轉頭改返。

      刪除
    2. 其實大貓老老實實話播咩嘢台仲好啦(我諗英文喺BBC, 我城話喺畸寶,蝗語喺CCTVB普通話新聞...),避嚟避去
      唔用真名,驚俾人話又真好笑。

      刪除
    3. //我城話喺畸寶

      NOW TV 都有可能的...希望唔好係CCTVB亙動新聞台.

      //唔用真名,驚俾人話又真好笑。

      可能怕改 subscription 時要連張backdrop 都換埋.

      刪除
  3. //「此電視播放(2nd edition)本地及國際新聞節目,有普通話、廣東話及英語可供選擇」得唔得?

    唔得, 沒有本地英語新聞節目 :)

    回覆刪除
  4. 張coupon 我都攞左,特登約左星期六的9:15am,仲帶埋我個女一齊去,未坐低就話我9:30am 要走人,因為阿女要返學。

    佢第一句講整合,我就話早兩年轉工時已整合左。佢再講話減左管理費,我就話無時間逐一比較,不如俾張價目表我返去慢慢睇~~

    跟住就放左我走了~~~XD

    回覆刪除
    回覆
    1. 哈,咐script唔係好得。搵唔到整合生意,要蝕水了。

      刪除