2018年4月16日 星期一

自願私家醫保

魔術師開返個自己個紫微斗數命盤嚟睇,原來今年流年命盤同十年大運命盤相疊;天相坐十年和流年疾厄宮,太陽化科坐福德宮,與先天擎手同度,加埋就係眼睛有水腫,要開刀做手術。果然呢幾年魔術師都有呢個問題,斷斷續續醫了幾年,都叫做醫返好;但上個月開始,有些舊時未清的瘀血浮返上來,搞到睇嘢有啲唔清楚(所以寫 blog 多了錯別字,亦同時懶得理那些伸手黨)。醫生話係開始有老花(!),眼球拉址之故,而令瘀血擴散,需要做手術將瘀血清除。
於是,在剛過去的星期五,魔術師便去了法國醫院(即聖德肋撒醫院),留醫一晚做手術。
入院登記處人頭湧湧,原來真係有唔少人會去睇私家醫院。魔術師做好入院登記後會有個「禮品包」,內有刷牙洗臉與及沐浴用品,好鬼酒店 feel:



魔術師的醫生實在太好人,佢幫魔術師 book 的是大房;但由於魔術師的「自願私家醫保」係包住私家房,住院賠償額為90%,最高每年60萬,真係不住白不住。一生總要豪一次,即使住私家房其他醫院雜費要貴上55%都係咁話:

上到病房,單人床係預咗,可惜無甚景觀(設計C口吻),不過廁所浴室倒是寬敞。可惜魔術師的手術是在夜晚7時進行,預期做一個鐘,仲要全身麻醉,做完都 wing wing 地,為安全計只可以用個馬桶,沖涼洗頭都係等星期六早上返回屋企休息完才做吧::



病床上方有輕觸式終端機,點餐睇電視上網乜乜乜都可以靠佢。不過魔術師都係慣咗帶私伙 notebook 做嘢:

手術時間剛巧是晚飯時間,所以魔術師要在做手術前先點好餐,待做完手術醒轉後再叫嬸嬸叮熱再吃。今次呢個豉汁蒸鯇魚腩加菜湯真係幾得,比舊年魔術師住屯門醫院的飯好食得實在太多了:



手術順利完成,星期五晚做完,做一晚獨眼龍之後,星期六早上便可以拆紗布,下星期一如常返工;傷口的縫線會自動溶解,下星期六去覆診即可。埋單計數,一共17萬(眼科醫生的手術費是10萬,果然是星球人),照計魔術師只需付一萬七千幾,其餘由保險公司承包。好似魔術師呢啲 case,由於已經有「已存在病症」,你話自願醫保如果唔包,咁就真係有再多的免稅額,魔術師都唔會去轉囉!

***
伸延閱讀:
維基百科:聖德肋撒醫院

27 則留言:

  1. 早日康復呀,魔兄~

    回覆刪除
  2. 請問你的保單名稱是什麽? 保障很好呀!

    早日康復!

    回覆刪除
    回覆
    1. 多謝關心,但對不起,保單是由被舊(現)公司分手時 top up 而來,名稱不便透露 。

      刪除
    2. 我諗我知邊間保險公司, 因為我都係被舊公司分手時買咗呢個top up plan, 當時同事話值得買, 唔理有冇病都可照保,我就揀個最平嘅plan, 保障係你4份1, Room type 仲要係Ward. 買咗4,5 年, 保費已加咗80%有多.

      刪除
    3. //我諗我知邊間保險公司

      無謂爆響口.

      //唔理有冇病都可照保,我就揀個最平嘅plan

      有得買就梗係買最強的, 一嘢攻頂.

      //買咗4,5 年, 保費已加咗80%有多.

      咁我又無加咁多.

      刪除
  3. 魔術兄係咪平時用眼過度,所以有眼疾?

    保重啊~ 尤其係喺屋企,小心跣親。

    回覆刪除
    回覆
    1. //尤其係喺屋企,小心跣親。

      多謝關心,應該唔會再跣親的了。

      //魔術兄係咪平時用眼過度,所以有眼疾?

      我平日成日用腦,千祈唔好腦退化就好。

      你個命盤我有拖無欠...

      刪除
    2. //我平日成日用腦,千祈唔好腦退化就好。
      成日用腦,反而唔會有腦退化,我諗魔術兄90歲都係咁精靈XD
      成日對住部電腦,反而對眼有硬傷!!
      之前配咗副藍光眼鏡,但好似無乜分別咁。

      //你個命盤我有拖無欠...
      呢個真係唔趕!! 等你得閒先!!
      同埋我最近又屎忽痕想讀書,一讀起碼讀三年,唔知命盤有冇提示? :P

      刪除
    3. //成日用腦,反而唔會有腦退化,我諗魔術兄90歲都係咁精靈XD

      哈哈,承你貴言。

      //成日對住部電腦,反而對眼有硬傷!!

      手機的影響應該大啲。

      //之前配咗副藍光眼鏡,但好似無乜分別咁。

      我都有配 XD

      //同埋我最近又屎忽痕想讀書,一讀起碼讀三年,唔知命盤有冇提示? :P

      Weekend 覆完診睇下有無精神幫你望下 XD

      刪除
    4. 哈哈,我最近都開始讀返書,如果有命盤改改運請到數魔上身我應該會輕鬆好多XD
      只怪自己當年無揀理科走去讀文科讀少左好多數...

      刪除
    5. 命盤唔係用來改運,而係幫你暸解自己,調整期望,以達趨吉避凶之效。

      刪除
    6. //Weekend 覆完診睇下有無精神幫你望下 XD

      唔該哂先~! 好返哂先慢慢睇,反正我都好似仲係行緊運 LOL

      刪除
    7. //我都好似仲係行緊運

      所謂「十年大運」的意思,其實係指「十年運程」,唔係指「行緊運」喎!

      刪除
    8. 哈哈,多謝提醒,不過我意思都係我覺得自己仲行緊運XD 希望唔係我既幻覺

      刪除
    9. 明既,命盤係用黎睇下自己係咩類型人,對應返依家個大氣候有咩合適(吉)/唔適(凶)從而趨吉避凶,
      係我既理解下易數係中國幾千年來配合天文地理既大數據統計學黎架。

      刪除
    10. //不過我意思都係我覺得自己仲行緊運

      咁又係,最緊要係自我感覺良好啫!

      //易數係中國幾千年來配合天文地理既大數據統計學黎架。

      但係有無一個「研究團隊」去由大數據推出呢類法門,就真係木宰羊;想來最有可能的都是由皇上下旨叫欽天監去研究,怪不得風水曾是帝王秘術。

      刪除
  4. 保重, 祝你早日康復

    回覆刪除
  5. //醫生話係開始有老花(!)

    我早两年前去驗眼就已經俾個視光師話有老花 :(

    //比舊年魔術師住屯門醫院的飯好食得實在太多了

    你個餐成舊水架...

    //我平日成日用腦,千祈唔好腦退化就好。

    要download啲用腦game玩下,例如捉棋或麻雀。

    總之祝魔兄早日康復!

    回覆刪除
    回覆
    1. //總之祝魔兄早日康復!

      謝謝呀摩摩!

      //我早两年前去驗眼就已經俾個視光師話有老花 :(

      真係同是天涯淪落人...

      //要download啲用腦game玩下,例如捉棋或麻雀。

      死, 我唔係打三國無雙就係PES... 就連三國誌系列都無玩好耐了...

      刪除
    2. //就連三國誌系列都無玩好耐了...
      原來魔術兄都有玩,小弟有三國誌1開始已經有玩,不過呢個系列對你嚟講都應該係小菜一餐,唔洗點用腦LOL

      刪除
    3. 我在鄉大時係由三國誌2 開始玩。用腦係用來諗怪招,例如隔山放火攻,或者用一個個月行兩格(例如甲城跟丙城被乙城隔開,於是便出兵由甲城政打乙城,再馬上撒退到再丙城)。

      刪除
  6. 魔兄今年入咗兩次醫院,希望乜事都逢凶化吉。
    如果今次搞完隻眼,老花都冇買就最好啦 ^^

    回覆刪除
    回覆
    1. 多謝鼓勵!!

      所以我唔敢去做 Lasik,怕無事搞到有事。

      刪除
  7. 魔兄祝你早日康復!
    逢凶化吉!

    回覆刪除