2018年5月18日 星期五

嬴在射倉前

上回講到(見《魔術師每月收息組合(2018年5月)》),魔術師一向都係用 AEK/HSEA/HSEB 來頂住大貓卓越理財的最低存款額,計埋有百幾萬我城貨幣便算;現在三巨頭全被回購變現,魔術師便想趁機集合資金,將所有帝股集中在 Interactive Brokers 賬戶中處理。問題就係點樣搵替補來頂住大貓卓越理財的最低存款額(無可否認大貓的卓越理財分行真係幾好坐,同埋服務都唔錯)。
思前想後,結果就係決定將複式盈富組合(只得盈富基金(02800.HK)一隻成份股)轉往大貓。雖然大貓每個月要俾25個我城大洋(即係一年300蚊),但點都好過買債基。緊接下來的問題是,下一步是否就直接由美帝銀行的港股戶口將盈富基金射倉到大貓呢?
(圖片來源:香港匯豐 個人理財 > 服務費用 > 投資 > 本地證券服務費用詳情, retrieved on 17 May 2018)
正路就係應該直接由美帝銀行的港股戶口將盈富基金射倉到大貓嘅。不過魔術師就繞了一個圈,先將盈富基金射倉到一窿:原因係魔術師的組合包含了當年盈富 IPO 持有夠一年所贈之80股碎股,而一窿的碎股交易理應較大貓為佳(起碼買賣港股的佣金是0),反正 HSEA、HSEB 贖回後有足夠資金調度(即使現存複式盈富組合市值還不夠100萬,到時要加倉也不用調錢),加上大貓現在有買股免佣優惠,倒不如先射倉到一窿,到時一沽一買,順便加倉便可:
(圖片來源:香港匯豐 > FinFit > 投資方案 > 股票, retrieved on 17 May 2018)
(圖片來源:一通客戶小冊子,2018年5月版)
於是這天便趁放半天病假,覆完診之後便去美帝銀行搞射倉手續。無紙化手續費$300,提倉仲要加多10蚊一手:


(圖片來源:花旗銀行證券服務收費,retrieved on 16 May 2018)
相比起來,一窿的射倉手續費就更平:
(圖片來源:一通證券收費列表,retrieved on 16 May 2018)
言歸正傳,剛巧這間美帝金分行無乜生意,魔術師一踏進去便有個姐姐仔坐枱服侍。
可惜佢唔係好得,仲有少少哨牙添,做銀行前線真係會吃虧啲。
魔術師乜斜着眼看一看她胸前,上面掛着「trainee」的牌子。
唔怪得喇。
「我想射倉,2800,全部,射去一通。」對住呢位 trainee 妹妹,一定唔會講錯「我想射X,2800?全包,射去個窿。」
阿 trainee 妹妹問過魔術師拎戶口卡同埋身份證之後,竟然從櫃桶中拎咗本手寫筆記簿出嚟,左摷右摷,搵正確的 procedure。
都唔怪得佢嘅,可能真係無乜客會射走股票,魔術師算係「稀客」。
「魔先生,請問有無帶對家經紀的資料來呢?」搵完一輪資料,trainee 妹妹終終識得問。
「有,我依家搵俾你」魔術師將自己部電腦的 working folder 放哂上 Dropbox(DBX),於是便用手機上網,將一窿客戶小冊子 PDF show 俾 trainee 妹妹睇。
trainee 妹妹對住自己部腦個芒,又望下魔術師部手機,有啲手足無措。
結果都係走去隔離位問上級。
男上司跟 trainee 妹妹問明情況(好在唔使再要魔術師講多次),便教 trainee 妹妹逐個逐個 screen key in。
但去到一個點,男上司跟 trainee 妹妹一齊研究魔術師部手機,好似唔識將一窿的資訊填入 screen 咁。
魔術師靈機一動,說:「使唔使我 load 份英文版俾你睇?」
「好呀好呀,唔該哂呀魔先生。」男上司跟 trainee 妹妹一齊高呼。
魔術師暗笑,睇怕你地都係唔知乜叫 CCASS participant ID 的中文係乜。
(圖片來源:一通客戶小冊子,2018年5月版)
搞完一大輪,trainee 妹妹終於都 print 到張單俾魔術師簽名:

要完成射倉手續,除了要俾指令射出的經紀之外,仲要通知埋射入的經紀。如果魔術師係要射入大貓的股票戶口,便又要去卓越分行排隊了,隨時又遇着啲唔知頭唔知路的職員,真係人都顛;但係依家魔術師係射去一窿,上網做便可以了,真係科技予人方便呀!
***
伸延閱讀:
堅離地投資版
魔術師資產配置(2017年11月)
魔術師每月收息組合(2018年5月)

4 則留言:

  1. 我記得响大貓搞股票既嘢,只可揾有牌既staff幫你手,分行就得一兩個,要等好耐。

    回覆刪除
    回覆
    1. 係呀, 這天我無乜時間等了又等, 於是便射倉入一通, 以後可以網上搞掂, 迂迴地做多一重, 手續費亦唔係話多好多.

      刪除
  2. 呢段黃色笑話喺你blog確係罕見,魔先生你係咪食咗過期春藥? XD

    回覆刪除