2016年8月10日 星期三

伸手黨免問

致無想:
由於近期留言比較踴躍,魔術師怕你個問題被洗走,所以特地置頂一天,免致客席主持摩摩及讀者「無責任中尉」的回應白費心機:
無想轉生2016年8月9日 上午1:30
最喜歡聽摩兄講蝗國野,知多學到好多野。有個問題想請教好耐。我有個老外朋友9月開始去深圳教書。佢就冇乜野,但佢身邊朋友都有D擔心,因為聽講深圳治安好差(上網睇唔少人都係咁講)。想問問以你所見所聞深圳治安究竟係點呢,有乜野要特別留意呢?謝謝。
回應在此:無責任中尉摩摩
謝謝兩位熱心回應。
(好似無想兄咁,當然唔係伸手黨,魔術師的判斷只會比選舉主任更有力。)
***
多年前魔術師舊公司眾後生一輩的同事都有一陋習,就係每逢農曆年都會聯群結隊去「探訪」各小組隊長和部門經理,無論熟唔熟識唔識都好,都去恭喜一番,成班友走勻幾層樓,好似蝗蟲一樣洗樓,做其伸手黨逗利是。每次魔術師都唔會埋堆,廢事做到自己cheap哂。

真至後來過得幾年,眾「後生一輩的同事」都成家立室,結婚生仔,就再唔見「團拜」之事,以免大家各有「現金流入及流出」,而舊公司新請回來的「年輕新一袋」又唔興搞埋呢啲嘢,結果人人慳得就慳,「新年氣氛」頓減。
***
近日starman談起坡妹REIT、分期付款買股票、與及低息融資,引來一陣伸手黨,大都係賣兩句口乖話「睇starman個blog已久,好有得着」,又或者好敬佩blog主年紀輕輕,眼光遠大,成就不淺等等,擦完鞋之後就話題一轉,求教起坡妹REIT名稱、可供分期付款買股的證券行名稱、私人銀行平台、與及能夠低息提供融資的證券行名稱等。老實講,人地已經將提示講到不能再白,伸手黨連Google search都懶,收完提示仲要叫人confirm自己估得啱唔啱,成班人又蠢又懶又貪又無信心,洗版洗了過百個留言,搞到好似人地欠咗佢地咁,令人側目。
魔術師係咁睇伸手黨的:佢地問你嘅問題,只係佢地漁翁撒網式的發問,a question to you is just one of the questions from them,就好似電話錄音問卷調查一樣,基本上你唔答佢,你係唔會內疚,佢亦唔會有損失;而就算你好俾心機去答咗佢,伸手黨亦不見到會「隆重其事」咁跟住去行:如果一個人真係看重呢件事的話,一定會自己去做research,唔識再問人,態度係同人地交流而唔係求其拋下一條問題,「昐答」咁就算。
重申一次,魔術師歡迎交流討論;但若要純粹伸手拋下問題就走,回唔回答魔術師就睇心情了。
***
最近一眾網友講起嘅低息融資證券行,魔術師相信就係自己都用緊,並且經「生活基金」持有嘅Interactive Brokers(IBKR.NASDAQ)。在舊文《尋找1042-S的故事》中,早就講過開戶資訊,與及如果在我城以支票存入款項,每次的最低存款額係要HKD80,000:

不過,原來以帝幣匯款到美帝IB就無呢個限制,填好呢一頁之後就會有個銀行資料同戶口號碼俾你:

IB的往來銀行是美帝銀行,魔術師在我城美帝銀行開有戶口,可以直接由魔術師個人的帝幣戶口轉去美帝IB,不過如果要在網上做外幣匯款,傷港的美帝銀行是要客戶先申請保安編碼器的:

在美帝銀行網上版setup payee,記住唔可以用只係適用於個人戶口的Global Transfer,而係要揀A different payee in another country:

將早前IB給你的資料填下來(To account, U字前的事IB在美帝境內的美帝銀行的戶口號碼,U字之後的就是你自己在IB的戶口號碼:

這天(2016年5月3日)魔術師小試牛刀,少少地試下存入帝幣2,000,即日經已完成。
美帝銀行statement:

IB statement:

而提款都係由IB做起,填好自家銀行資料:

今次(2016年8月1日)魔術師試下提款帝幣數千存入大貓:

隔日完成,不過由於係在不同的銀行集團內匯款,被扣了10元帝幣作手續費(Telegraphic correspondent bank fee):

***
伸延閱讀:
逆工管思維(十九)之 No question is silly question, but many questions are lazy questions
另類股票融資:股票按揭
http://magician__yang.mysinablog.com/index.php?op=ViewArticle&articleId=13111982

70 則留言:

  1. 咪住. 應該無私銀提示, 只有證券行提示(太易估,我仲要用過!), 否則我會問埋...

    回覆刪除
    回覆
    1. 求教起坡妹REIT名稱、可供分期付款買股的證券行名稱、私人銀行平台、與及能夠低息提供融資的證券行名稱等。
      - 求教咗好多樣嘢

      人地已經將提示講到不能再白
      - 「提示」沒有講明指定對象,不過上文用「等」,前文後理不能推斷「提示」cover哂全部問題。

      刪除
    2. 其實又一城REIT真係一search就有

      刪除
    3. 個班伸手黨大多聲稱有上PB資格,搞到我差點以為有錢人特別鍾意做伸手黨。

      刪除
    4. Michael:
      非不能也,實不為也。

      Mike:
      除咗Starman之外,阿乜sir嗰邊啲cases仲誇,個個都幾千萬未開頭,然後又乜鬼投資理財嘢都唔識,都唔知真定假。如果係真,傷港人一啲都唔窮。

      刪除
    5. 我懷疑好多人仲以為又一城係太古

      刪除
    6. 其實喺Starman留言嗰堆,好多都冇PB資格~
      只係港豬風格,乜都問一餐先怕蝕底!

      刪除
    7. 神經漢:
      //我懷疑好多人仲以為又一城係太古

      「班友大陸落嚟架?」

      春花:

      //只係港豬風格,乜都問一餐先怕蝕底!

      都唔關自己事嘅嘢,問嚟做乜?煩住人自己好開心?

      刪除
    8. //阿乜sir嗰邊啲cases仲誇,個個都幾千萬未開頭,然後又乜鬼投資理財嘢都唔識,都唔知真定假。如果係真,傷港人一啲都唔窮。

      我睇完只係覺得自己好窮,或者他們身在另一時空。

      刪除
    9. 身懷幾千萬, 卻被掃奶粉的大媽欺負, 就更難接受!

      刪除
  2. //魔術師怕你個問題被洗走,所以特地置頂一天
    //(好似無想兄咁,當然唔係伸手黨,魔術師的判斷只會比選舉主任更有力。)

    坦白說,真的被這篇開頭嚇了一跳。莫非我無意中做左伸手黨員?若真係咁,請魔兄直講(非常認真mode)。希望係我諗多左...

    回覆刪除
    回覆
    1. 要魔術師借個位黎喇,我都在這裏回覆吧.其實深圳好大,唔同地區可以有一定程度上的差異,呢點要緊記.其他網友講過的我唔重覆了, 講一D基本野啦.

      你老外朋友教書, 應該1至5都在深圳住, 收人仔出糧.

      咁就要出張大陸卡, 開個大陸戶口, 手機都係一張香港卡一張大陸卡會靈活一D, 買返部雙卡雙4G全網通(即移動聯通電均適用)的紅米就夠用有餘. 收到任何的SMS都假設佢係假野先, 咪好手多多CLICK條LINK. 要查銀行結餘,手機結餘, 要用返官方提供的APPS來查為準.

      佢言語不通的情況下,「娛樂煬所」都係唔好咁膽粗粗自己走圍去,等同D同事熟左先再了解一下啦.至於大型的SHOPPING MALL 同香港在硬件上無什麼分別.

      到食喇,路邊攤,小店, 唔好搏, 除非有APPROVED REFERENCE BY LOCAL 同事. WALMART, 大潤發等大型超市就多D進口貨,D中小型的就LOCAL 品牌為大多數, 睇下佢自己慣唔慣啦.

      暂時諗到咁多, 希望幫到你~~

      刪除
    2. 麻煩魔術師打撈一下我覆無相兄的留言,唔該唔該.

      刪除
    3. 多謝晒肥B兄熱心回應!我會提佢的。尤其係食,佢係雜食專家來的,唔理三七廿一,見到乜想食就食。
      個老外其實係返深圳鄉大(之前我都唔知鄉大已蔓延到蝗國),聽佢講深圳鄉大又真係幾騎呢,比佢份乜乜指引竟然就得殘體字...

      刪除
    4. //深圳鄉大

      啊!大學城嗰度, 上次我同老師走去聽玄學seminar...都幾偏下, 屈咗入條街度,無英文路標有啲難搵.

      刪除
    5. 深圳鄉大呀,都遠遠地,唔多方便。

      另係國內,英語非主要語言
      之前要交d文件比政府部門,因為係外國公司簽既文件,所以簽英文版,個政府部門話唔識睇,要我地叫間外國公司簽中文版。。。。

      刪除
    6. 英文嘛....在大陸真係要D時間先可以普及(配合實際需要),好似地址咁, 邊度有人會寫英文地址? 寫左郵政同D快遞員都唔識派.....我初頭都無留意,係上年有個期六要去痕身搞d野,排緊隊時見其中一個counter前兩個大陸大媽辦緊d手續,個職話佢地個系統一定要入英文住址, 大媽話「真係唔曉, 都無人用英文寫地址,不如我寫中文你幫我翻譯可以嗎?」又係喎,商用文件,電郵往來就會有英文地址, 但民間真係比較少用~~

      刪除
    7. 蝗國最唔能夠同國際接軌的就是語文能力與及實際環境(不論營商、生活、同政治都係).

      刪除
    8. 深圳鄉大,應該在龍崗中心城附近,根據無責任兄所講,附近環境應該ok的.

      不過開頭未摸熟地步,平時放工如果想離開龍崗的話,就搭地鐵入返關內算勒。3號線轉1號線去返國貿或大劇院,都好快的。

      其實好多跑勻亞非拉的老外,用返第三世界的標準的話,系大陸都住得好滋潤的;系傷民成日不切實際用最高標準去抽秤先會樣樣睇唔順眼。

      大陸暫時只有上海可以用發達國家角度去睇(北京唔清楚),幾年前去上海發覺當地已經有好發達的老外資訊網同社群(類似香港老蘭成日見的Hong Kong Magazine之類),而家可能追到上香港了;深圳都有類似東西(例如上次提過的www.shenzhenparty.com),不過無上海同香港甘發達。

      刪除
    9. //商用文件,電郵往來就會有英文地址, 但民間真係比較少用~

      其實國內既英文地址,基本上係拼音

      刪除

    10. //深圳鄉大,應該在龍崗中心城附近,根據無責任兄所講,附近環境應該ok的.

      我記得嗰次回程聽完talk之後時搭巴士,行錯路行咗好遠先搵到個巴士站.

      //其實好多跑勻亞非拉的老外,用返第三世界的標準的話,系大陸都住得好滋潤的;系傷民成日不切實際用最高標準去抽秤先會樣樣睇唔順眼。

      係傷民的包容度低,淨係識去白人發達國家, 例如去瑞士滑下雪感, 去東南亞發展中國家就以做大爺心態去施捨,再唔係就係去非洲獵奇,盡顯「文明人的奴性」係喇.

      //其實國內既英文地址,基本上係拼音

      對老外來說,完全係comprehend唔到。

      刪除
    11. //系傷民成日不切實際用最高標準去抽秤先會樣樣睇唔順眼。

      事實上係香港人超幸福,根本唔知乜野叫真正既差

      刪除
    12. //事實上係香港人超幸福
      我不嬲都係咁覺得.有次同朋友食飯唔覺意講左句「overall 來講, 我覺得傷港係一塊福地」在場有兩位即刻啤我一野,話傷港點差點衰...

      刪除
    13. 中尉:
      所以舊公司班「明日之星」係唔會去第三世界做開荒牛的

      無想:
      「我們被迫擾亂民生,只因本就民不聊生。」

      刪除
    14. //我不嬲都係咁覺得.有次同朋友食飯唔覺意講左句「overall 來講, 我覺得傷港係一塊福地」在場有兩位即刻啤我一野,話傷港點差點衰...

      只係冇乜天災,台風都唔多黎已經係超福地。英國人真係勁,好識揀地方。

      但而家香港人只係次次都鬧天文台,又講/鬧李氏力場。真係有病。

      刪除
    15. //中尉:
      所以舊公司班「明日之星」係唔會去第三世界做開荒牛的

      開荒牛?只係叫佢地上廠開個會都好似殺左佢地

      刪除
    16. //英文地址
      用郵編

      //老外資訊網同社群(類似香港老蘭成日見的Hong Kong Magazine
      同比 Hong Kong Magazine 應該係呢個:
      http://shanghaiist.com
      Hong Kong Magazine 狠酒以前係好多菲律賓人寫,而家就 ABC 同 偽ABC。Shanghaiist 同樣係由 ABC 同海龜寫。
      我覺得,同上海比,深圳太雜碎炒飯。
      上海老外多過香港。一落街就見到。所以可以想像商機多。04 年攪一級方程式,賽事完時上專巴返市區有啲亂。我後面個上海仔用流利英文粗口鬧前面個鬼佬打尖,前面個鬼佬用流利普通話粗口鬧個司機唔開車門!睇完比賽重有得睇棟篤笑!

      //傷港係一塊福地
      冇錯!可惜~

      //佢地上廠開個會都好似殺左佢地
      好多廠都係 family business 㗎!好少會見啲港女上去,都係 trading 果啲,QC 都好似少。上咗去返嚟就嘈嘈鞏,都係衛生同枱底交易問題。其實佢哋 transfer 咗心中不滿係睇得見嘅地方到。邊個發展中地方會有發展咗地方嘅環境同文化㗎?去泰國玩又唔見佢哋嘈?因為玩嘛!又平!去嘅地方自己揀嘛!

      刪除
    17. // 但而家香港人只係次次都鬧天文台,又講/鬧李氏力場。真係有病。

      無知點解, 以家香港人好似咩都要睇人頭咁. 人哋唔出通告,就企咗係度, 唔識處理件事.

      刪除
    18. 中尉:
      //只係冇乜天災,台風都唔多黎已經係超福地。
      //開荒牛?只係叫佢地上廠開個會都好似殺左佢地
      舊公司有廠仔在賓國,打親風都唔使返工咁濟;又有廠仔在金字塔國,幾年前茂李花革命槍林彈雨,政變多過食飯,班廠仔就做嘢就特別落力,任勞任怨。美顏曰:「佢地有份工返,有糧出已經好好架喇!仲想點?」

      C嬸:
      //Hong Kong Magazine

      菲律賓「外交」風波
      2009年3月27日,陶傑在《HK Magazine》雜誌撰文《The War at Home》(家中之戰),形容菲律賓是「僕人國家」,並串連「菲律賓政府宣稱擁有南海主權」和「菲律賓人在香港當傭工」兩事,指「作為僕人國家,不能對主人還擊」,又「警告她(菲律賓女傭)如果想要在來年加薪,就得告知菲律賓同胞,南沙群島的主權屬中國擁有」[6]。

      //去泰國玩又唔見佢哋嘈?因為玩嘛!又平!去嘅地方自己揀嘛!

      自己旅遊自己揀!

      Freelancer:
      //好似咩都要睇人頭咁. 人哋唔出通告,就企咗係度, 唔識處理件事.

      又話贏在射精前嘅? 咁嘅DNA,仲學人玩優生?

      刪除
    19. //http://shanghaiist.com

      唔只的,仲有呢個:

      http://www.smartshanghai.com/

      //上海老外多過香港。一落街就見到。
      //睇完比賽重有得睇棟篤笑!

      外灘d殖民地建築開左好多bar同disco,幾年前有個星期六晚見到好多老外著到鬼火甘靚排隊入場,兩個北方大漢保安著住踢死兔維持秩序,外面有幾個大媽孭住果d舊式皮箱(即是掛在頸上,前面攤開賣嘢,類似香港舊茶樓d點心妹賣叉燒包那種)賣煙,旁邊有幾個乞兒...此情此境,如果加埋許文強坐住架勞斯萊斯在保鏢簇擁下在隔離大世界夜總會落車,就活脫是上海灘的情景...

      其實上海是90年代先開始發展,點解洋化得甘快,有人話是因為老一輩海派人仲好懷念法租界年代十里洋場的年代(即系戀殖),而一袋袋傳承俾新一袋上海人的...

      //邊個發展中地方會有發展咗地方嘅環境同文化㗎?去泰國玩又唔見佢哋嘈?

      我聽過好多傷民的偽邏輯是:蝗國發展唔樂觀,因為d人唔得。

      我從來無見過一個地方或組織系未完全發展成熟而d人就會得的,一個組織或個人的發展從來都是iterative同spiral,即是開頭唔得,撞下板,然後提升,提升完就唔會再撞舊板,跟住又有d新板去撞...不過呢d甘R&D cycle既嘢,只顧住"X宅一生"的港豬真系識條鐵...

      如果d人show出來本身系得,甘果個地方就唔會系發展中啦,佢地甘得,仲時勞煩你上去開會咩,你可能失X左業添啦!

      刪除
    20. //好多廠都係 family business 㗎!好少會見啲港女上去,都係 trading 果啲,QC 都好似少。

      我接觸日企多,所以唔多香港人。
      7,8年前好多公司係深圳開office時,就會叫d白港sales上去。而家上晒軌道就大部份都唔見晒了。

      //無知點解, 以家香港人好似咩都要睇人頭咁. 人哋唔出通告,就企咗係度, 唔識處理件事.
      其實而家天文台怕晒香港人呢班大帝,上落波前幾粒鐘就出晒預告,都唔知仲有乜野可以不滿。有不滿自己同個風講囉。

      //「佢地有份工返,有糧出已經好好架喇!仲想點?」
      黃絲mode: 成班_豬

      刪除
    21. //我從來無見過一個地方或組織系未完全發展成熟而d人就會得的,一個組織或個人的發展從來都是iterative同spiral,即是開頭唔得,撞下板,然後提升,提升完就唔會再撞舊板,跟住又有d新板去撞...不過呢d甘R&D cycle既嘢,只顧住"X宅一生"的港豬真系識條鐵...

      我就係見証住國內由唔得變得,香港由得變唔多得

      刪除
    22. 摩摩:
      //其實上海是90年代先開始發展,點解洋化得甘快,有人話是因為老一輩海派人仲好懷念法租界年代十里洋場的年代(即系戀殖),而一袋袋傳承俾新一袋上海人的...

      即係成百年來都無進步過! XD

      //一個組織或個人的發展從來都是iterative同spiral,即是開頭唔得,撞下板,然後提升,提升完就唔會再撞舊板,跟住又有d新板去撞...

      根本就係同電腦軟硬件的發長一樣.

      //佢地甘得,仲時勞煩你上去開會咩

      會依然要開,不過傷民係變「應召」mode囉。

      中尉:

      //而家上晒軌道就大部份都唔見晒了。
      //我就係見証住國內由唔得變得,香港由得變唔多得

      唔再話我講得衰,當年北上發展的港燦,查實係有幾分(被逼)「自掘墳墓」的;不過咁,集中營嘛,毒氣室一次過殺咁多條豬,你唔幫手掘墳,咪入毒氣室囉。

      //有不滿自己同個風講囉。

      「我要天文台代表傷港市民同個風講。」

      刪除
    23. //唔再話我講得衰,當年北上發展的港燦,查實係有幾分(被逼)「自掘墳墓」的;不過咁,集中營嘛,毒氣室一次過殺咁多條豬,你唔幫手掘墳,咪入毒氣室囉。

      咁開深圳office果類,就佢地自己都心知教識徒弟一定冇師父,不過志在可以做多兩年。
      而家留得低既就真係有料,可以代替日本人果d。

      但而家深圳成本越黎越高,d外資工場又開始外逃潮,逃去越南/菲律賓果邊。又一個cycle。

      刪除
    24. //逃去越南/菲律賓果邊。又一個cycle。

      咁又係呀,舊公司前鬼頭阿頭就試過幫舊公司在賓國設立電車部培育廠仔,被分手後依家去了某大乾收銀公司收銀去了.

      刪除
    25. //但而家深圳成本越黎越高,d外資工場又開始外逃潮,逃去越南/菲律賓果邊。又一個cycle。

      我果行好d,因為和其他行業同階層同年資比較,工資在香港長期偏低,但在珠三角(尤其深圳)長期偏高,一個十零年工作經驗的大陸人,月薪隨時兩三皮人仔,咁反而顯得港人有edge。近十年八年趨勢是,好多公司照請港人,但要返上去做,以節省非技術人員工資及燈油火蠟。

      其實毒氣室也只是一時,以未來十幾年情況計,當深圳平均各業人工上升到香港七八成,就會出現一段時間equilibrium,到時職位就不會互搶,而深圳好多opening就會同時開放俾港人同大陸人申請,有能者居之。如果到時港人質素仲稍有優勢,請港人的話老細都會肯俾返20-30% premium.

      靠去挖墳延長自己入毒氣室始終唔係長遠計,況且遲d蝗民一樣會同你搶住去越南菲律賓挖墳--大陸公司一樣要將低增值工種外移。最緊要還是自己做到有護城河的高增值行業,紐約矽谷何憂被人取代?能輕易俾人取代只代表自己的knowhow其實不那麼值錢,優勢只是一時(例如90年代純粹靠個貨櫃車牌同回鄉証就月薪三皮、可以包幾個二奶的中港貨櫃車司機)。

      刪除
    26. //當深圳平均各業人工上升到香港七八成,就會出現一段時間equilibrium,到時職位就不會互搶,而深圳好多opening就會同時開放俾港人同大陸人申請,有能者居之。如果到時港人質素仲稍有優勢,請港人的話老細都會肯俾返20-30% premium.

      我都係咁睇。而家一個深圳工仔計埋加班都拎rmb 4k, 同香港最低工資比唔係差好多。
      不過香港人肯唔肯放下身段係一個問題。
      仲有冇幾多優勢亦係一個問題。

      //能輕易俾人取代只代表自己的knowhow其實不那麼值錢,優勢只是一時
      專門知識跟學歷等等有關,唔係人人都可以輕易改變,而且國內要幾專有幾專。
      但做事方式香港人係有優勢。可惜國內人都變化中,有d已經冇左做又36唔做又36既心態,思考方式亦開始靈活。反而香港人有d不進則退,思想僵化既感覺。
      ,

      刪除
    27. //能輕易俾人取代只代表自己的knowhow其實不那麼值錢,優勢只是一時

      我城商業多靠吹水維生(人地就算係山寨,點都叫有件山寨product做到出嚟), knowhow都係唔值錢多(可能做健康醫療美容產業會Okay啲).

      //不過香港人肯唔肯放下身段係一個問題

      應該係唔能夠習慣同啲蝗民一齊生活.

      //香港人有d不進則退,思想僵化既感覺。

      老老實實,所謂米帝留傳下來的「制度」,standard等,其實亦代表了思想僵化的一面。

      刪除
    28. // 有d已經冇左做又36唔做又36既心態

      以家內地勤奮嘅年青人, 多如牛毛.

      刪除
    29. 舊公司廣州班廠仔真係幾得架!

      刪除
  3. Citibank 保安編碼器 搞左我大半個月, 落分行一次,打電話上去二次都搞唔掂,話佢地linking system有問題 ,最後要再申請過。 令外要多謝魔術師兄比我係到抄功課。 XD

    回覆刪除
    回覆
    1. 咦?可能你唔好彩啫,我一次性電話搞定。

      刪除
    2. 我都係一次性電話搞掂

      刪除
    3. //我都係一次性電話搞掂

      Give me five!

      刪除
    4. 同意呀! 淨係hotline在傷港(唔係route 咗返大陸) 就已經無得輸...

      刪除
  4. 多謝魔術師share得咁detail :)
    實際操作真係好多都要做過先知~

    我返工都有好多伸手黨, 有時成日都唔識拒絕佢地, 浪費好多自己工作的時間為佢地工作.....唉....

    回覆刪除
    回覆
    1. //我返工都有好多伸手黨, 有時成日都唔識拒絕佢地, 浪費好多自己工作的時間為佢地工作.....唉....

      雷鋒咩? 梗係做哂自己啲嘢先, 有心情先幫人喇! 老奉嘅咩?

      刪除
  5. 感謝魔術師兄,十分感謝你的無私分享,清楚明白箇中風險。
    多謝開估做福世人

    回覆刪除
    回覆
    1. 其實我不斷去試去學去睇唔同資料, 學到嘅嘢已經遠較伸手黨多, 點睇都係有賺無蝕.

      刪除
    2. 我講笑姐XD
      呢間野開戶咁Q煩,我都搞咗勁耐。不過自己一路摸一路睇,學到的東西更多:)

      刪除
    3. //呢間野開戶咁Q煩,我都搞咗勁耐。

      都唔算煩,大部分文件可以網上upload。係傷港證監要求真人開戶,咁就一定要上去office見一次, 簽個名, 順便放低開戶金額.

      刪除
    4. 其實我覺得小心一點比較好,太多網上保安問題!它們都是我們的血汗錢!

      刪除
  6. 突然覺得網上保安越來越重要,在HSBC轉帳到證券a/c,除了保安編碼器,重要填寫offline表格及指明上限金額!

    回覆刪除
    回覆
    1. upper limit 可以網上set 到,請參閱舊文,有screen capture show 咗:

      婆仔數由網購水貨財務軟件開始

      刪除
    2. 其它a/c可以網上set ,證券a/c須要"download request form",你的posting screen print 都有講!

      刪除
    3. //在HSBC轉帳到證券a/c

      今次到我睇漏添,我好耐以前set 咗50萬都未試過都再調高.

      又,我其實有啲唔明點解你會寫證券a/c(證券a/c通常指銀行內self name account), Broker 係指經紀行(我唔鍾意用「劵商」呢個詞語), 3rd party payment 係特別麻煩的.

      刪除
    4. 應該係 Bill payment to security broker!

      刪除
    5. yes, sorry for my misunderstanding.

      刪除
    6. "我其實有啲唔明點解你會寫證券a/c"
      其實我的中文打字好差,我唔識倉頡,我用一個3rd party app: 中串,可能要花時間學中文輸入法!

      刪除
    7. That's okay.

      As a gentle reminder,請注意標點符號的使用,奉勸不要時常用感嘆號結尾。有個大嬸時常讓人覺得在教訓人,同佢成日「感嘆」別人不無關係。

      刪除
    8. Thanks for the reminder, 我學電腦時中文輸入法還未成熟,自己中文水準也不好。

      刪除
    9. You are welcome. 你打英文都可以的。

      我當時初接觸電腦都係未有中文,後來仲係DOS mode外掛中文輸入法呢!

      刪除
  7. //學中文輸入法
    用手寫版咪得囉(好似我咁)。

    回覆刪除
    回覆
    1. //用手寫版咪得囉(好似我咁)。

      原來呢個世界仲有手寫板!! 係咪蒙舐大毛筆?

      刪除
    2. 用緊隻蒙舐白水晶(兩舊幾水).幾好用的.好快認到用家手字,出錯字機會唔多.

      刪除
    3. //出錯字機會唔多.

      從你的留言,我感受到囉 XD

      刪除
  8. 手寫板仲好多人用,公司有一堆人仲用既,其實間公司有幾多人用手寫板就可以反映間公司有幾"先進"

    回覆刪除
    回覆
    1. //其實間公司有幾多人用手寫板就可以反映間公司有幾"先進"

      應該係反映到間公司請埋啲人有幾「先進」...

      刪除